Efesios 6:19 - Biblia Dc en Mixe de Quetzaltepec

¹⁹ Tuknija'amyäjtsëtëkës ja Dios, ets ja Dios ja aaw ayuk xymyo'ojëtyës mëti'ipës nimëtya'akëpën, etsës amëk jotmëk nkajpxëty ets ja ja'ay ntuknijawëtyës ja oy'aaw oy ayuk, mëti'ipë ijty kayajnija'apën.

Biblia Mixe de Quetzaltepec

¹⁹ Tuknija'amyäjtsëtëkës ja Tios, ets ja Tios ja aaw ayuk xymyo'ojëtyës mëti'ipës nimëtya'akëpën, etsës amëk jotmëk nkajpxëty ets ja ja'ay ntuknijawëtyës ja oy'aaw oy ayuk, mëti'ipë ijty kayajnija'apën.

Efesios 6:19 ပူးပေါင်းရင်းမြစ်များ

Hechos 13:46

Ënet ja Pablo ets ja Bernabé ojts ja ja'ay amëk jotmëk tmëkajpxtë ets t'ënëmaaytyë: Israel ja'ayëty, kopkpëky ets miits ja Dios ja y'aaw y'ayuk jëwyiin myajtuk'ëwaanëtëty, jä'ä ko miits mjutiis'atë; e miitsëty ka'ap xykyupëktë ets ka'ap mnätyukmë'a'ixëtë ja juukyajtën xëmëkyëjxmëpë. Nikë oy ëëts nëjkxëty wiink kajpn ma ja ja'ayëtyën ka'apë jyutiis'atën.

Hechos 14:3

E ja Pablo ets ja Bernabé ojts jam jyaak wë'ëmtë kanaak xëëw, yë'ë xëmë ja Wintsën tyuk'ijxpäjtë paaty ojts myëtya'aktë amëk jotmëk; ets ja Wintsën jä'ä yajtëytyëjkëp mëti'ipë yë'ë nyimëtyaktëpën ko myo'ojëtë ja mëk'ajtën ets ja mëj'ajtën tyaj'ixëtëty.

Hechos 18:26

Tääts ja Apolo ojts ja Dios ja y'aaw y'ayuk amëk jotmëk tnikajpxtso'onë jam tsajptëkotm. Ko ja Priscila ets ja Aquila tmëtoowtë, tää ojts ja Apolo twowtë ma tyëjkën ets ja Dios ja nyë'ë tyu'u wäänë kä'pxy tjaaktuk'ëwa'anëtyë.

Hechos 19:8

Tëkëëk po'o ja Pablo jam y'ijty ets xëmë ijty nyijkxy ma ja tsajptëjkën jam Éfeso, tukmëmëtyä'äky ja ja'ay ja Dios ja y'aaw y'ayuk amëk jotmëk, ets ja ja'ay tjatukmëpëka'any wi'ix ja Dios ja kyutujkënën.

Hechos 2:4

Ets ja Kënu'kxymyëkajtën myooyëtë ja winma'any ets ja mëk'ajtën jëtu'un ijxtëm ënety japëtyën ets tuntëty tkajpxtëty mëti'ipë ja Dios tsyojkpyën, ets ja ayuk wiinkëtypë ojts tkajpxtë wi'ixjaty ja Kënu'kxymyëkajtën myooyëtën.

Hechos 28:31

Ja Pablo ëwaatsëtum jam yajpaty ets ja Dios ja kyutujkën tkajpxwa'kxë; nimëtyä'äky wi'ix ja Wintsën Jesukristë ja y'ijxpëjkën y'ixëtyën ets ni pën ijty kyayajjotkëxyë.

Hechos 4:13

Ko ja kutuunktëjkëty t'ijxtë ko amëk jotmëk kyajpxtë ja Pedro ets ja Juan ets ko tnijawëtë ko ka'ap ënety maa të tni''ijxpëkëtë, mëjmëtoy ojts tmëtowtë; ënät nija'awëtyë ko yë'ë ja Jesús ja y'ijxpëjkpë.

Hechos 4:29

E tyam, Wintsën, ix wi'ix kyajpx'ëtsë'ëkëtën ets yajkutuk ets ja mtuunp amëk jotmëk tnimëtya'aktëty ja m'aaw m'ayuk.

Hechos 4:31

Ko ja Dios tja'amyäjtstaaytyë, tääts ja tëjk tsyëyuuypyijky ma ënety jam të nyiye'eypyätën ets ja ja'ayëty t'ëxajëtyääytyë ja Kënu'kxymyëk'ajtën ets amëk jotmëk nimëtyaktë ja Dios ja y'aaw y'ayuk.

Hechos 9:27

Ënet ja Bernabé ojts twoownëjkxy ja Saulo jam, ets tukwinkuwo'owëy ja ijxpëjkpëtëjk. Tääts ja Bernabé tnimëtyäky wi'ix ënety ja Saulo të t'ixyën ja Wintsën tu'ujotm ets wi'ix myëkajpxën ja Wintsën ets näjyëtu'un wi'ix ënety amëk jotmëk të tnikäjpxy të tnimëtyä'äkyën ja Jesús jam Damaskë.

Hechos 9:29

ets kyäjpxy myëtyäky mëët ja jutiis ja'ayëty mëti'ipë griego ayuk kyajpxtëpën; e yë'ëjëty yaj'ookantëp ënety ja Saulo.

Romanos 15:30

Mëku'uktëjkëty, mëët ja Wintsën Jesukristë ets ja Kënu'kxymyëkajtën ja tsyojkën jya'awën mëti'ipë të xymyo'oyëmën, n'amëtoyës miitsëty mëktä'äky ets ëmuumtu'ukjot ja Dios nja'amyäjtsmëty tu'ukyë ets miits ja Dios xytyuknija'amyätsëtëtyës.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

1 Corintios 1:5

Tëë ja Dios myajjotkujkta'akëtë Kristëkyëjxm, mëët ja aaw ayuk ets mëët ja wijyajtën kejyajtën.

1 Corintios 2:7

Yë'ë yajtijp ja Dios ja wyijy'ajtën kyejyajtën mëti'ipë ijty kayajnija'apën, mëti'ipë ja Dios tyuknipëjktakëyën tëëyëp ma ja naaxwiinyëtë ënety ka'ap tyajkojynyëmën ets ëëtsajtëm ntuk'oy'ajtmëty.

1 Corintios 4:1

Paaty miitsëty, je'eyë ëëts xytyijtëty Jesukristë pyutëjkëpë ets ko yë'ë të xytyuknipëktës etsës ja ja'ay ntuk'ijxpëktëty ja Dios ja wyinma'any mëti'ipë ijty kayajnija'apën.

2 Corintios 1:11

pën miitsëty xypyutëjkëtëpës mëët ja mjëëytyak mnu'kxtakënëty ma Tiosën. Pën nimay mëti'ipë xykyënu'kxtaktëpës, näjyëtu'un nimay tkukajpxëja'antë ja Dios ko ënety ëëtsëty ja Dios nmëtuntës.

2 Corintios 3:12

Mëët yë'ë ko tääpë ja oyajtën n'a'ix njëjp'ijxëmë, paaty akujk jotkujk nikajpx nimëtyakëmë.

2 Corintios 6:11

Mëku'uktëjkëty, Corinto ja'ayëty, mëtëy miits të nmëmëtya'aktë; tëëjës ja njot nwinma'any npëjkta'aktë ma miitsëtyën.

2 Corintios 7:4

Ntukjoot'ëmëj'ajtëp ets ntukjotkëtaktëp miitsëty. Oyës ja ëyo'on npaaty, jotmëk ets jotkujkës näjyawëty mëët miitskyëjxmëty.

2 Corintios 8:7

Jä'ä ko miitsëty këjxm ni'ik mnëjkxtë ma ja mëpëjkënën, ma aaw ayukën, ma winma'anyën, ma tuunkën, ma tsojkën ja'awënën mëti'ipë të xyjyatën ma ëëtsëtyën. Näyjyëtu'un mëpaat miits mwinpätë ets xyaktëty ja ayajk ako'onën.

Efesios 1:9

ets të xytyuk'ijxëm ja wyinma'any mëti'ipë ijty ka'ap yajnijawën wi'ix të tuknipëjktaakën tyajwintu'upëka'any mëët ja Kristë.

Efesios 3:9

Ja Dios, mëti'ipë tu'kë'ëyë winë yajkojën, yë'ëjës të xytyuknipëky etsës ja ja'ay ntuk'ëwaanëtëty mëti'ipë tyuknipëjktakëpën, mëti'ipë ijty ja ja'ay ka'ap nijawëtën.

Colosenses 2:2

Paatyës jëtu'un ntuny jä'äkyëjxm koos ntsoky ets ni'ëmukë mjotmëkta'aktëty ets m'itëty tu'ukyë mëët ja nitsokën ets xymyëët'atëty kä'pxy ja wijyajtën kejyajtën, jëtu'unts xyjyä'äkyukëtëty xymyëtoowkukëtëty ja Dios ja jyä'ä mëti'ipë ijty kayajnija'apën, yë'ë jëtu'un ja Kristë.

Colosenses 4:3

Tuknija'amyäjtsëtëkës ja Dios ets ja në'ë tu'u y'ëwa'atsëty ets nkajpxwa'kxëtyës ja Kristë ja y'aaw y'ayuk, mëti'ipë ijty kayajnija'apën ets mëti'ipës tsumy nku'ijtëpën.

1 Tesalonicenses 2:2

Mnija'awëtëp näjyëtu'un ko oyës ojts nyajwinkäjpx nyajjëjpkajpxtë ëkë o'ktëyës nyajtuuntë jam Filipos, ojts ëëts ja Dios xypyutëkë ets myajtuk'ëwaanëtëty ja aaw ayuk oypyë. Aamëk jotmëkës ojts nkajpxwa'kxtë oy ja ëtujkpë jam ni'ik jyayajpaty.

1 Tesalonicenses 5:25

Mëku'uktëjkëty, Tuknija'amyäjtsëtëkës ja Dios.

2 Tesalonicenses 3:1

Mëku'uktëjkëty, yë'ëjës ok nnikajpxäämpy etsës ja Dios xytyuknija'amyätsëtëty ets ja'ay tsojk nijawëtëty oymyaajëty ja Wintsën ja y'aaw y'ayuk ets wä'än tkupëktë mëët ja tsojkën, ijxtëm ojts miits xykyupëktën.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Filemón 1:22

Tyam njaak amëtoy wiinkpë mëyajtën, jam tu'uk yë ijtakn nipëjktaakë ma mtëjkën tamës nja'ta'any; jä'ä ko njëjp'ijxypës ko Dios t'ëtsoowinpita'any ja mjëëytyak mnu'kxtakënëty maa xypyëjktsowtën ko nëjkx nku'ixëtë.

Hebreos 13:18

Kunu'kxtaktëkës, ëëts nija'awëtëp ko oyëx winë të ntuntë ets oyës winë ntuna'antë.