Efesios 6:18 - Biblia Dc en Mixe de Quetzaltepec

¹⁸ Këtii xy'ëxmatstëty ja Dios ja'amyäjtsën, mënu'kxta'aktë ets amëtowtë pëjktsowtë ja Dios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Dios ja kyajpn.

Biblia Mixe de Quetzaltepec

¹⁸ Këtii xy'ëxmatstëty ja Tios ja'amyäjtsën, mënu'kxta'aktë ets amëtowtë pëjktsowtë ja Tios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Tios ja kyajpn.

Efesios 6:18 ပူးပေါင်းရင်းမြစ်များ

1 Reyes 8:52

Mni''ijxkëta'akëp ja mtuunpë ets ja mnaax mkajpn ko ënety mënu'kxtä'äkyë, m'amëtoow'ijtëp ja nyujkxtakënëty ma mijtsën.

1 Reyes 8:54

Ko ja Salomón kyajpxtaay ets tyajkëjxy ja jyiiytyäky nyu'kxtakën ma ënety jam të kyoxtänën winkon ma wintsë'këntyaknën ets të xyajjë'ëky jamtsow tsajpwinm,

1 Reyes 8:59

Ya'atë ja aaw ayuk mëti'ipës ja Wintsën të ntukmëtoyën xëmë tja'amyätsëty xëëny koots jëtu'unts tnipaye'eyëty ja tyuunpë ets ja Israel ja nyaax kyajpn, ko myëyatëty,

1 Reyes 9:3

ets y'ënëmaayë: Tëës nmëtoy wi'ix të mkajpxtä'äkyën ets wi'ix të mjëëytyä'äky të mnu'kxtä'äkyën; tyaapë tsajptëjk mëti'ipë të xykyojyën, tëëjës yam nkënu'kxy maas ja xëëw xëmë yajja'amyätsëtyën. Xëmës nkëwent'ata'any ets xëmës nja'amyätsa'any.

Ester 4:8

Ojts näjyëtu'un tmo'oy ja noky ma myinyën këxja'ay ja ënä'ämën ko y'o'kta'atëty ja Jutiiyë ja'ayëty mëti'ipë jam Susa yajpatëpën, jëtu'un ja Ester tnijawëty yajxon tii tuunëp jajtëpën. Ojts näjyëtu'un mëktä'äky tuknipëky ja Ester ets tmëmëtya'akëty ja yajkutujkpë Asuero, wä'än tuny mëyajtën ets tuktëkëty ya'atë jotmay.

Job 27:10

Jä'ä ko yë'ë ka'ap jyamëty yë xoontakën tpaaty ma mëti'ipë maaytyääyëpën winë ets ka'ap nijëna'a tmëkäjpxy.

Salmos 4:1

Dios mëti'ipës xykyuwaanp xykyënu'kxpën, xy'ëtsowëpës ko nmëkajpxëty. Koos ënety nyajpaaty mon tuk, ojtsës xymyo'oy jotkujk'ajtën. Pa'ëyoow najts'ëyo'owëkës ets mëtoow'it wi'ix n'ënëëmën.

Salmos 6:9

Yë Wintsën tëë tmëtoy koos të nmënu'kxtä'äky, tëë t'ëxaj tkupëky yë nnu'kxtakënës.

Isaías 26:16

Paatykyëjxm jëtu'un të jyäty të kyëpety, jä'ä ko ënety ëëts nyajpaatë mon tuk.

Daniel 6:10

Ko yë Daniel tnija'awëy, ko tëë ja ënä'ämën yajtsa'ay, ënätyë ojts nyijkxy ma tyëjkën ets tya'ëwatsy ja tyëjk'aaw ets ja tyëjkwiin ma myä'äyën, mëti'ipë jam najts'ijxëpën maatsow yë Jerusalén kajpn wyi'imyën ets nyäkyoxtënaaytyakë ets t'ëwtajty ja Dios. Tëkëëk ijty tu'kxëëwpë nyu'kxtä'äky, jëtu'unyëm ënety xëmë tuny.

Daniel 9:20

Ëjts tëëjës ja Dios nmënu'kxtä'äky ets ja mpoky nmaaywyätyës, tëë näjyëtu'un ja naax nkajpnës, yë Israel kajpn ninu'kxtä'äkyës ets ja Wintsën n'amëtoyës ja kënu'kxën ma ja kyopkën mëti'ipë wa'atsën.

Oseas 12:4

Tsiptuun mëët yë tsajpjotmëtë kukäjpxy ets myëmëtak; jëëpy yaxp t'amëtooy ets yajpa'ëyowëty. Jam Betel pyatë Dios ets mëët myëtyäky.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënet nëjkx t'ijxpaatë ja mëti'ipë ënety të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Mateo 17:21

Yë ku'oypyë jëwa'kp näjyëtu'un ko ja'ay Dios tja'amyetsy ets ko ja'ay y'ayuu'aty.

Mateo 26:41

Juuky näyaj'itëtë ets ja'amyätstë Dios, këtii ja ku'oypyë mnätyukmëmëta'akëtë. Tsyojkpy ja aaw jot ets tunëty mëti'ipë Dios tyukjotkëtäkpyën, je'eyëp ko ja ni'kx kopk atoonk apatk yajpaaty.

Marcos 13:33

E näjyëjp'ixëtë miits xëmë ets ja'amyätstë ja Dios, jä'ä ko ka'ap xynyijawëtë jëna'ajës nwinpita'any.

Marcos 14:38

Wijtë käjtë, ja'amyätstë yë Dios ets ka'ap ja ku'oypyë mnätyukmëmëta'akëtëty. Ënaanp ja aaw jot ets tunëty mëti'ipë Dios tsyojkpyën; je'eyëp ko ni'kx kopk, yë'ë atoonk apatk yajpatp.

Lucas 21:36

Jëjp'ixy xëmë myajpaatëty, ja'amyätstë ja Dios janaam jatsojk, jëtu'un ka'ap montëty mtuktëty oy ja ëyo'on jyatunyë, ets akujk jotkujk xywyinkuwa'akëtëty ja Jesukristë.

Lucas 22:46

Tääts ja y'ijxpëjkpëtëjk t'ënëmaay: ¿Tii ko mma'atë? Pëtë'ëktë. Ja'amyätstë Dios ets ka'ap ja ku'oypyë mnätyukmëmëta'akëtëty.

Lucas 3:26

yë Máhat y'u'unk, yë Matatías y'u'unk, yë Semei y'u'unk, yë Josec y'u'unk, yë Joiadá y'u'unk,

Lucas 3:37

yë Matusalén y'u'unk, yë Henoc y'u'unk, yë Jéred y'u'unk, yë Mahalaleel y'u'unk, yë Cainán y'u'unk,

Hechos 1:14

Ni'ëmukë ijty xëmë ye'eymyuktë ets ja Dios tja'amyätstë mëët ja Jesús ja myëkä'äx ets ja Maria mëti'ipë Jesús tyaak'ajtypën ets ja to'oxytyëjkëty wiinkëtypë mëët.

Hechos 10:2

Xëmë ja Cornelio ijty twintsë'ëkë ja Dios, näjyëtu'un mëti'ipë tsënaaytyëpën jam ma tyëjkën, pyutëjkëp ijty ja ja'ay mëët ja wit meeny ko pën kyaka'ajtxëty ets xëmë tja'amyetsy ja Dios.

Hechos 12:5

Jëtu'unts ja Pedro ojts jeky tsumy y'ity, ijx'ity këwent'aty, je'eyëp ko ja mëpëjkpëtëjk amëk jotmëk ja Dios tyuknija'amyätsëtë.

Hechos 6:4

Ëëtsëty minës yë Dios n'ëkja'amyätstë ets minës n'ëknikajpx n'ëknimëtya'aktë ja Dios ja y'aaw y'ayuk.

Romanos 12:12

Juuky'atë jotkujk ko xyjyëjp'ixtë ja oypyë ja juukyajtën. Mëtänëtë amëk jotmëk ja ëyo'on. Nijëna'a ja Dios ja'amyäjtsk xykya'ëxmatstëty.

Romanos 8:15

Miitsëty ka'ap yë'ëjëty të myajmo'otë ja Kënu'kxymyëkajtën mëti'ipë tëytyuunpën ets yajtsë'këpën, yë'ë të myajmo'otë mëti'ipë myajnaxëtëpën Dios u'unk. Mëët ya'atë ja Kënu'kxymyëkajtën ëëts n'ëna'anëmë: Tatë, Teety.

Gálatas 4:6

Paaty ojts tkexy ja y'u'unk myääy ma ja n'aaw'ajt njot'ajtëmën ets tyaj'ijxë ko xy'u'unk'ajtëmë, jëtu'unts ja Jya'awën xyaj'ëna'anëmë: Abbá. Tatë

Efesios 1:16

xëmës ja Dios nkukajpxë mëët miitskyëjxmëty, nja'amyätstë koos ja Dios nmëkäjpxy.

Efesios 2:22

Näyjyëtu'un miits ko tu'ukyë m'itë mëët ja Kristë, tu'ukyë mwinpätë koonëm myajpaatëty ma ja Dios ja tsyajptëjkën mëti'ipë yajpatpën mëët ja Kyënu'kxymyëk'ajtën.

Efesios 3:18

Jëtu'un tëkokyë ja Dios ja nyaax kyajpn tja'akyukëtëty wi'ix myëjwiinëtyën, yenyëtyën, kyëjxmëtyën ets kyëkëtyën ja Kristë ja tsyojkën jya'awën.

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Efesios 6:19

Tuknija'amyäjtsëtëkës ja Dios, ets ja Dios ja aaw ayuk xymyo'ojëtyës mëti'ipës nimëtya'akëpën, etsës amëk jotmëk nkajpxëty ets ja ja'ay ntuknijawëtyës ja oy'aaw oy ayuk, mëti'ipë ijty kayajnija'apën.

Filipenses 1:4

ets koos ja Dios nja'amyetsy, xëmë nimëpëjktsowëtë akujk jotkujk,

Filipenses 4:6

Këtii tii je'eyë xymyëmon xymyëtuktëty, yë'ë Dios tukë'ëtëkëtë tii jam mjotmay'ajtëp, amëtowtë pëjktsowtë ets kukajpxën näjyëtu'un.

Colosenses 1:3

Xëmë ko miits nja'amyätstë nkukajpxëtëpës ja Dios, ja nWintsën'ajtëm Jesukristë ja Tyeety.

Colosenses 1:4

Jä'ä ko tëëjës nnijawëtë wi'ix miits xymyëpëktën ja Kristë Jesús ets ko xytsyoktë mëti'ipë ja Dios kajpn'ajtëtëpën.

Colosenses 4:2

Xëmë ja Dios xyjyä'ämyätstëty. Wijy kejy mnäyaj'itëtëty ets mo'otë ja Dios ja kukajpxën.

1 Tesalonicenses 5:17

Ja'amyätstë ja Dios xëmë.

1 Timoteo 2:1

Tim mëwyiin, npëjktsoyës ets ja Dios yaj'amëtowëty winë, yajmëkajpxëty, yajmënu'kxta'akëty, yajkukajpxëty ma ni'ëmukë ja'ayëtyën.

2 Timoteo 1:3

Xëëny kootsës yë Dios nmëkäjpxy ko mijts nja'amyetsy, etsës nkukajpxë ja Dios, mëti'ipës nmëtuumpyën wa'ats wiin wa'ats jot, näjyëtu'un ijxtëm tmëtuuntën ja n'aptëjkës.

Filemón 1:5

jä'ä ko tëëjës nijawë ko xymyëpëky ja Wintsën Jesús ets ko xytsyoky xyjyawë mëti'ipë juuky'ajtëpën wa'ats.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

Judas 1:20

E miits, mëku'uktëjkëty, yaj'itë tu'ukyë ja mmëpëjkënëty. Jëëytya'ak nu'kxta'aktë, jëtu'un ijxtëm ja Kënu'kxymyëkajtën mtu'uwinwowëtën.

1 Samuel 1:12

E ja Aná janty jeky ënety jam ja Wintsën Dios tmëkajpxnë, ënät yë Eli y'amë'ijxëyë,