Efesios 6:14 - Biblia Dc en Mixe de Quetzaltepec

¹⁴ Jëtu'un tu'ukyë ja mwinma'anymyëët'atë, nätyukxoxëtë ja tëypyë jaantypë ets yë'ë nätyukëwent'atëtë ja tëyajtën.

Biblia Mixe de Quetzaltepec

¹⁴ Jëtu'un tu'ukyë ja mwinma'anymyëët'atë, nätyukxoxëtë ja tëypyë jaantypë ets yë'ë nätyukëwent'atëtë ja tëyajtën.

Efesios 6:14 ပူးပေါင်းရင်းမြစ်များ

2 Reyes 3:21

E ja Moab ja'ayëty tëë ënety tnanija'awënëtë, ko tää nyiminëtë ja yajkutujkpëtëjk ets mëët tsyiptuna'antë; paaty tmëkajpxtaaytyë tëkokyë ja ëna'ktëjkëty ets mëjatyëjkëty mëti'ipë maayëtëpën tsyiptuntëty, tääts jam nyäpyëjktakëtë ma mëët ja tsëpa'an tmëët'atën.

Job 29:14

Ja tëyajtënpë ets mëtëypyë ja tu'unën kajpxën kë'ëmës ijty ntuunkojy; jëtu'unës ijty ntimy jyawë ijxtëmës jeexyë nätyukxoxyën yë wit.

Isaías 11:5

Tääpë ja'ay yë'ë xëmë kyajpxäämpy myëtya'akäämpy ja oypyë nipaye'eyën ets ja mëtëypyë.

Isaías 59:17

Ko myëtäky, jëtu'un nyäjxy tä jeexyë të yajtuknijenyën pujxn nijän; ko tyajnaaxkëtäky ja nitsokën jëtu'un nyäjxy tä jeexyë pyujxnkujup të yajpëjktä'äkyën, ko tyaj'o'ktaay ja myëtsip jëtu'un nyäjxy tä jeexyë ja jyemwyit të yajtukxoxyën mëti'ipë yajkutujkpëtëjk pyëjktaktëpën ets ko jyoot'anpëjky jëtu'un nyäjxy tä jeexyë yë wit të nyätyukwinpityën.

Lucas 12:35

Jëjp'ixy mnäyaj'itëtëty, xoxy pëky ets kutë'kxy.

Romanos 13:12

Tëë ja tsu'um'it nyajxnë, jëtu'un tyamnë ijxtëm jeexyë xyiinyëjanën, paaty ka'ap n'ëkpokytyu'unënëty, ka'ap n'ëk'ijtënëty akootstuuy; wä'än nyajpatëmë ajajtuuy ijxtëm tu'uk ja tsiptuunpë y'ijx'ity kyëwent'atyën.

2 Corintios 6:7

Mëët koos nkajpxwä'kxtë ja tëypyë jaantypë ets mëët koos ja Dios ja myëk'ajtën nmëët'atë. Yë'ës nätyukuwanëtëp ja tëyajtën, yë'ëjës nmëpëtë'ktëp ets yë'ëjës nätyukuwanëtëp.

Efesios 5:9

Ko ja ja'ay yajpaaty ajajëntuuy, tyuunpy ja oypyë, mëti'ipë paat'ajtëpën ets mëti'ipë mëtëyën.

Efesios 6:13

Paaty miits yajxon xymyëët'atëty ja mëk'ajtën mëti'ipë Dios të mmo'ojëtën, ko tpaatëty ja xëëw ëxëëkpë myiny wyinkonyën ets xymyëmëta'aktëty, tu'ukyë ja mëpëjkën xyaj'itëty ko ënety mëk myajpaatë.

1 Tesalonicenses 5:8

e ëëts'ajtëmë, mëti'ipë xëëny juukyajtëmën, xëmë wijy kejy nyajpatmëty, näkyëwent'ajtemëp mëët ja mëpëjkën ets ja nätsyok näjyawë ets njëjp'ijxmëty ja nitsokën; jëtu'unts ntu'unmëty winë ijxtëm ja tsiptuunpë nyätyukujupyën ja pujxn kujup.

1 Pedro 1:13

Paaty miits a'ijxp jëjp'ijxp myajpaatëty ets wijy kujk mjuuky'atëty. Nämyëmëta'akëtë, jëjp'ixtë ëmuumtu'ukjot ja mëyajtën mëti'ipë ja Dios tyunäämpyën ko ja Jesukristë myinëty jatëkok.

Apocalipsis 9:17

Ko ja maykyëwaay n'ijxyës, aak tim pujxn kyätywyiin myëët'ajtëp mëti'ipë ja kwaay tyuk'u'unyäätyëpën. Tëkëëk wooxy kyëxë'ëky, ijxtëm jëënyä'änkën tsapts, tsu'unk ets pu'ts. Ja këwaaykyëpajkëty, jëtu'un kyëxë'ëky ijxtëm tu'uk yë kaajën; ets y'aawjotyëty jëtu'un jap pyëtsimy ijxtëm ja jëënyä'änkën, ijxtëm ja jokën ets ijxtëm ja nëë mëti'ipë no'kpën tsääpyën.

Apocalipsis 9:9

Aak tim pujxn nyi'ak'ajtëp. Ko kyääkjëtitë, mëk yajmëtoy ijxtëm pyëyi'ikyën may kyepy wintëkäämpë mëti'ipë ja kwaay pyajëtujtëpën ko nyëjkxtë tsiptuunpë.