Efesios 5:5 - Biblia Dc en Mixe de Quetzaltepec

⁵ Tëë miits xynyijawëtë ko pën ja wiink to'oxytyëjk tmëët'aty ets tam yë tyo'oxytyëjk, ëkë ko ja to'oxytyëjk tmëët'aty ja wiink ye'etyëjk ets tam ja nyiye'etyëjk, ëkë ko pën ja ëxëëkpë tuny tkäjpxy, ëkë nëkoo tii kë'ëmwinma'any t'ëwtaty, ka'ap jam yajpaata'any ma ja kutujktaknën mëti'ipë ja Kristë ets ja Dios jyä'ä'ajtëpën.

Biblia Mixe de Quetzaltepec

⁵ Tëë miits xynyijawëtë ko pën ja wiink to'oxytyëjk tmëët'aty ets tam yë tyo'oxytyëjk, ëkë ko ja to'oxytyëjk tmëët'aty ja wiink ye'etyëjk ets tam ja nyiye'etyëjk, ëkë ko pën ja ëxëëkpë tuny tkäjpxy, ëkë nëkoo tii kë'ëmwinma'any t'ëwtaty, ka'ap jam yajpaata'any ma ja kutujktaknën mëti'ipë ja Kristë ets ja Tios jyä'ä'ajtëpën.

Efesios 5:5 ပူးပေါင်းရင်းမြစ်များ

Gálatas 5:21

tyukmëtsip'ajtëp oytyiijëty ja myëku'uk, uktëp mukëtëp, ajëën akax jyä'äy'atë ets kanaakpëky tii ëxëëk tuntë. Tyam miits jatëkok ntukja'amyätstë ijxtëm të ntuk'ëwaanëtën, pën ya'atë tyuuntëp kyajpxtëp, ka'ap tyëkëja'antë ma ja Dios ja kyutujktaknën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

Efesios 5:3

Miitsëty mëti'ipë ja Dios ja'ay'ajtëtëpën jëtu'un mjuuky'attëty ijxtëm pyaat'atyën ko myajpaatë ma ja Dios ja kyajpnën, yë'ëpaat ka'ap xynyimëtya'aktëty ma ja ye'etyëjk to'oxytyëjk kanaak tmëët'atën oypyënëty ëkë ma ëxëëk tuunk tyajtu'uye'eytyën.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Gálatas 5:19

Nikëxë'ëky yë'ëjëty mëti'ipë tyuuntëpën ja kyë'ëm winma'any: xim yam pën mëët tsyënaaymyuktë, tyuuntëp kyajpxtëp ja ka'apë y'oyëtyën, myëët'ajtëp ja ëxëëk atsojkën,

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Dios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

1 Timoteo 6:10

Yë meeny atsojkën ëxëëk ja'ay tyajjaty tyajkëpety;; tää ja'ay tëëpë ja myëpëjkën t'ëxmajtsnën ets o'ktëy të nyätyunyë.

1 Timoteo 6:17

Pën yaa kumeeny'ajtëpën naaxwiiny, t'ënëëmë ets ka'ap yë'ë nyätyukyajmëjnaxëtëty ets ka'ap yë'ë tuk'ijxpätëty,; jä'ä ko yë kumeenyajtën këjxp najxp yë'ë. Wä'än ja Dios yë'ë tuk'ijxpätë, jä'ä ko yë'ë yajktääpy oy tyimtiijëty ets akëtä'äky jotkëtä'äky nwë'ëmëty.

Éxodo 20:17

Këtii xy'atsojkëty yë mmëku'uk yë jyëën tyëjk, këtii xy'atsojkëty yë tyo'oxytyëjk, këtii xy'atsojkëty yë myëtuunpë kyupëjkpë ye'etyëjkpë, to'oxytyëjkpë ets ni xykya''atsojkëty yë tsyajpkaa ets kyërukts ets tëkokyë ma tmëët'atyën winë.

Josue 7:21

Mëti'ipë jam winë të yajpaatyën ma Jericó kajpnën, tu'ukës yë mëjwit të n'ixy janty'oy mëti'ipë kojpën Babilonyë, mäjtsk tsim naxy ja poop pujxn meeny, tu'kkäpy yë pu'ts pujxn, jä'ä jye'emtyëty naxy kujkmtsim. E ëjts janty këjääjës të n'ixy, paatyës të ntony, jamës të nmënëjkxy maas yë ntëjkën etsës të nitajy ntëjk'itkujkyës. Ja poop pujxn pa'tkë'pës të npëjktä'äky.

Hechos 8:21

Ka'ap ya'atë tuunk mpaatyë, jä'ä ko ka'ap yë m'aaw mjot y'oyëty ma Tiosën.

Hechos 20:32

Mëku'uktëjkëty, tyam ja Dios miits ntukë'ëtëkëtë ets ntukmëwë'ëmtë ja Dios ja tsyojkën jya'awën. Yë'ë myëët'ajtyp ja mëk'ajtën ets myajyääkëtëty mëët ja kënu'kxymyëk'ajtën ets mo'ojëtëty tëkokyë mëti'ipë ja nyaax kyajpn të tukwinwanën.

Colosenses 1:13

Tëë ja Dios xyaj'ëwa'atspëtsë'ëmëm ma ja ku'oypyë yajkutukyën ets tëë xypyëjktakëm ma yajkutukyën ja y'U'unk, mëti'ipë ni'ik tsyojkpyën.