Efesios 5:4 - Biblia Dc en Mixe de Quetzaltepec

⁴ Ka'ap ëxëëkjaty m'ëwtëty mkajpxtëty, ëkë tëkatsy ja aaw ayuk xyajpëtsëmtëty ëkë jëtu'un mmëtya'aktëty ka'ap yowë mëpëktë, jä'ä ko ja jëtu'unpë ka'ap oy yaj'ixy, nikë yë'ë ja Dios myajmëjnaxtëp.

Biblia Mixe de Quetzaltepec

⁴ Ka'ap ëxëëkjaty m'ëwtëty mkajpxtëty, ëkë tëkatsy ja aaw ayuk xyajpëtsëmtëty ëkë jëtu'un mmëtya'aktëty ka'ap yowë mëpëktë, jä'ä ko ja jëtu'unpë ka'ap oy yaj'ixy, nikë yë'ë ja Tios myajmëjnaxtëp.

Efesios 5:4 ပူးပေါင်းရင်းမြစ်များ

Salmos 33:1

Tukxoonta'aktë yë Wintsën, miitsëty oyjyä'äytyëjkëty; Ko ja oyjyä'äytyëjk y'ëwtë, janty'oy ja y'iy yajmëtowtë.

Salmos 92:1

Wintsën Ni'ik Këjxmëpë, janty'oy ko mijts myajmo'oy yë kukkajpxën ja'awëkyëtakkën, ets ko yajkuuy'iy ja mmëjajtën m'oyajtën.

Proverbios 12:23

Yë ixpëkyjyä'äy ka'ap janty jëtu'un tnikäjpxy tnimëtyä'äky ko tii tjaty tnijawë, e yë tsuuja'ay nimay yë ja'ay tuk'ixy ko tii tuny nitsuu nipoj.

Proverbios 15:2

Yë wijyjyä'äytyëjkëty yë'ë kyajpxtëp wijyajtën; e yë tsuuja'ayëty yë'ë kyajpxtëp tsuu'at.

Proverbios 26:19

jëtu'un yë ja'ay nyäxy mëti'ipë myëku'uk wyin'ë'ëmpyën ets ok y'ënä'äny ko nëkoopë ënety je'eyë wyin'äts'ooky.

Eclesiastés 10:13

aakyë'ë nyikäjpxy ka'apë myëtëyëtyën ets ko kyajpxta'ay aak je'eyë të tjo'pta'ay ja winma'any mëti'ipë ënety të jyayajnimëtyä'äkyën.

Daniel 6:10

Ko yë Daniel tnija'awëy, ko tëë ja ënä'ämën yajtsa'ay, ënätyë ojts nyijkxy ma tyëjkën ets tya'ëwatsy ja tyëjk'aaw ets ja tyëjkwiin ma myä'äyën, mëti'ipë jam najts'ijxëpën maatsow yë Jerusalén kajpn wyi'imyën ets nyäkyoxtënaaytyakë ets t'ëwtajty ja Dios. Tëkëëk ijty tu'kxëëwpë nyu'kxtä'äky, jëtu'unyëm ënety xëmë tuny.

Marcos 7:22

ka'apë tmëj'ixtën ja nyiye'etyëjk ëkë ja tyo'oxytyëjk, y'atsojktëp oytyiijëty, win'ë'ëntëp antaktëp; ja ëxëëk juukyajtën oy tsyojkën'ajtëp, y'ëxëëk'ijxtëp ja myëku'ukëty, pi'tskajpxtëp, amëj akëjxm jyä'äy'atë ets nitii oy tkamëmay tkamëtajtë.

Juan 6:23

Ënet ojts wiinkpë kepy nëëwinye'eyë jya'të mëti'ipë tso'ontëpën Tiberias, ma ënety ja tsajpkääky të tkaytyën ko ja Wintsën jëyëjp tkukajpxëy ma Tiosën.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

2 Corintios 1:11

pën miitsëty xypyutëjkëtëpës mëët ja mjëëytyak mnu'kxtakënëty ma Tiosën. Pën nimay mëti'ipë xykyënu'kxtaktëpës, näjyëtu'un nimay tkukajpxëja'antë ja Dios ko ënety ëëtsëty ja Dios nmëtuntës.

2 Corintios 9:15

Yajkukajpxëp ja Dios ko tëë xymyo'oyëm ja mëj näynyamo'ojë ets ka'ap yajpaaty ja aaw ayuk wi'ix yajnimëtya'akëtyën.

Efesios 1:16

xëmës ja Dios nkukajpxë mëët miitskyëjxmëty, nja'amyätstë koos ja Dios nmëkäjpxy.

Efesios 4:29

Ka'ap y'ëk'ëxëëk kajpxnëty, yë'ë kyajpxëp myëtya'akëp ja oypyë ja aaw ayuk mëti'ipë tyukmëjnaxëpën ja naax kajpn ets tuk'oy'atëty ja ja'ay ko tmëtowtëty.

Filipenses 4:6

Këtii tii je'eyë xymyëmon xymyëtuktëty, yë'ë Dios tukë'ëtëkëtë tii jam mjotmay'ajtëp, amëtowtë pëjktsowtë ets kukajpxën näjyëtu'un.

Colosenses 3:8

E tyam mëpaat xy'ëxmajtsta'atë ja äkë, joot'an, ëxëëk winma'any, näwyinkajpxpätë ets ëxëëk aaw ëxëëk ayuk.

1 Tesalonicenses 3:9

¿Wi'ix ëëts ja Dios n'ëkkukajpxëtëty, mëët tu'kë'ëyë ja xoontakën mëti'ipës nmëët'ajtëpën Dios wyintuuy, miitskyëjxmëty?

1 Tesalonicenses 5:18

Kukajpxëtë ja Dios oytyiijëty, jä'ä ko yë'ë ja Dios tsyojkpy xytyuntëty ko tu'ukyë m'itëty mëët ja Jesukristë.

Filemón 1:8

Oyës njamëët'aty ja tëyajtën ets mijts ntuk'ënä'ämëty tii mtunëpën, koos ja Kristë ëjts ja y'ayuk nkajpxwa'kxë,

Hebreos 13:15

Paaty, tsojk ja Dios nmëjja'wëmë ko ja Jesukristë të nmëpëjkëmë. Yë'ë jëtu'un ya'atë mëpaat ntukwintsë'këmë, tsojk nmëjja'aw njaantyja'awëmë ja Dios mëët ja aaw ayuk.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënety jemnyëm t'ëxmatstë ja ëxëëk juukyajtën.

2 Pedro 2:7

Dios yaj'ëwaatspëtsëëm ja Lot, mëti'ipë oyjyä'äyën ets ka'ap akujk jotkujk y'ijty mëët ja ëxëëk ja'ay ja jyuuky'ajtënëty.

Judas 1:10

E tääpë ja'ayëty ëxëëkjaty nimëtya'aktë mëti'ipë ka'ap nijawëtën. Jëtu'un yë'ëjëty ijxtëm ja jëyujkën, ka'apë jyä'äkyukëtën, jëtu'unts ëxëëktum nyäyajka'ajëtë.

Judas 1:13

Jëtu'un ëxëëk y'ëtë'ëtstë y'ëna'antë ijxtëm yë mejyën, ijxtëm yë nëë o'pky pyëti'ikyën. Jëtu'un yë'ëjëty ijxtëm tu'uk yë matsa'a tsajpjotm tyu'utëkoyën, ets y'ita'any xëmëkyëjxm akootstuuy.