Efesios 5:3 - Biblia Dc en Mixe de Quetzaltepec

³ Miitsëty mëti'ipë ja Dios ja'ay'ajtëtëpën jëtu'un mjuuky'attëty ijxtëm pyaat'atyën ko myajpaatë ma ja Dios ja kyajpnën, yë'ëpaat ka'ap xynyimëtya'aktëty ma ja ye'etyëjk to'oxytyëjk kanaak tmëët'atën oypyënëty ëkë ma ëxëëk tuunk tyajtu'uye'eytyën.

Biblia Mixe de Quetzaltepec

³ Miitsëty mëti'ipë ja Tios ja'ay'ajtëtëpën jëtu'un mjuuky'attëty ijxtëm pyaat'atyën ko myajpaatë ma ja Tios ja kyajpnën, yë'ëpaat ka'ap xynyimëtya'aktëty ma ja ye'etyëjk to'oxytyëjk kanaak tmëët'atën oypyënëty ëkë ma ëxëëk tuunk tyajtu'uye'eytyën.

Efesios 5:3 ပူးပေါင်းရင်းမြစ်များ

Salmos 10:3

Yë ëxëëk ja'ay oy tnimëtyä'äky kë'ëm mëti'ipë tsyojkpyën; ja'ay mëti'ipë atsojkpën pyojkpy ets y'ixtijpy yë Dios.

Salmos 119:36

Mijts myajkutukëp etsës yë njot nwinma'any tsojkën'atëty yë m'ënä'ämën mtëyajtën ets këtii yë'ë ja wit meeny mëti'ipë ja win'ë'ënën mëët yajpaatyën.

Éxodo 18:21

Mëti'ipë tëy mijts mtunëp, win'ix kanaak yë ja'ay mëti'ipë m'a'ijxëpën oy winë tuntë ets tsyë'këtyëp yë Dios ets mëtëy winë tkajpxtë tmëtya'aktë, ijxtëm yë ja'ayëtyën mëti'ipë ka'ap tii yë myëku'uk awin'ëënë tpëjkën ets jëtu'un xytyuknipëkëty ya'atë tuunk, mëti'ipë wyintänëtëpën ja ja'ayëty nitu'kmiljaty, nitu'kmëko'pxjaty, niwëxtyikxymyajkjaty ets nimajkjaty.

Éxodo 20:17

Këtii xy'atsojkëty yë mmëku'uk yë jyëën tyëjk, këtii xy'atsojkëty yë tyo'oxytyëjk, këtii xy'atsojkëty yë myëtuunpë kyupëjkpë ye'etyëjkpë, to'oxytyëjkpë ets ni xykya''atsojkëty yë tsyajpkaa ets kyërukts ets tëkokyë ma tmëët'atyën winë.

Éxodo 23:13

Tuntë jëtu'un ya'atë mëti'ipë të ntuk'ënëëmëtën ets nijëna'a kyapëtsëmëty ma m'aaw myä'änëtyën yë xyëëw yë wiink tios.

Proverbios 28:16

Ko tsuuja'ay yë'ë yajkutuky ma tu'uk yë naax kajpnën ni'ikyë kyëjääjë ëyo'on jotmay; e yë ja'ay mëti'ipë ka'ap tii t'atsokyën, pyatäämpy yenyjyuukyajtën.

Jeremias 22:17

Mijts yi'iyë mmëmääpy mmëtäjpy wi'ix ja wit meeny xypyaatëty mëët ja antakën; myaj'o'k ja ka'apë tii poky tunyën ets o'ktëy xytyuny xy'ënëëmë ja mnaax mkajpn.

Jeremias 6:13

Wä'än tmëj tmutskëty yi'iyë myëmaay myëtajtëp wi'ix wit meeny tpaatëtyën mëët ja ëxëëkpë ja tu'unën kajpxën; yë käjpxynyajxpë ets teetytyëjkëty aakyë'ë yajtukwin'ë'ëntëp wit meeny.

Jeremias 8:10

Paatykyëjxm wiink ye'etyëjkës nmo'ojäämpy ja tyo'oxytyëjkëty ets nyaax kyamëty wiink ja'ayës ntukë'ëtëjkëjäämpy. Jä'ä ko wä'än tmëjëty tmutskëty, aak yi'iyë myëmaay myëtajtëp wi'ix wyitpaat myeenypyaatëty mëët ja ëxëëktu'un ëxëëk kajpxën; wä'än yë'ë'atë käjpxynyajxpëtëjkëty ets teetytyëjkëty, ka'ap tii oy tpaatë.

Ezequiel 33:31

Ets jëtu'un ja nnaax nkajpnës mniminyë ets nyaaxwäätstë mijts mwintuuy, jëtu'un tä xëmë tuunk'atën ets tmëtoow'ita'antë ja n'aaw n'ayukës. Je'eyëp ko ka'ap tpatuntë. Jëtu'un t'akajpxëtë janaam jatsojk tä ja'ay tkuuy'iyën yë nätsyok näjyawë, e ma jyot wyinma'anyëtyën, yi'iyë myëmaay myëtajtëp wi'ix wit meeny tpaatëty t'ixtëty.

Miqueas 2:2

Y'atsojktëp yë naax kam ets jyä'äpëjktëp; y'atsojktëp ets mya'tstëp yë jëën tëjk. O'ktëy tuntë yë jyiiky myëku'uk mëët yë y'u'unk y'ëna'k, mëti'ipë ja naax kam jyä'ä'ajtypyën ets mëti'ipë të yajtukumayën.

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Lucas 12:15

Näyjyëtu'un y'ënäny: Näkyëwent'atëtë ets ka'ap tii xy'atsoktëty, ka'ap yë'ëjëty yajjuuky'äty ko tii may'äämpy yajmëëtëty.

Lucas 16:14

Ja fariseë ja'ayëty mëti'ipë ja meeny yi'iyë y'atsojktëpën. Tam ënety tmëtowtë, paaty ja Jesús je'eyë nëxik tukxiktë.

Hechos 15:20

Nikë oy ko ja noky nkäjxmëty ets ntuk'ëwa'anëmëty ko yi'iyë ka'ap ja jëyujk tsu'utstëty mëti'ipë ëxëëkën, mëti'ipë ja tsaamëxan të yajtukwintsë'ëkën; ets näjyëtu'un ka'ap tkupëktëty ja pëjkën ukën ka'apë myëtëyëtyën, ets ko ka'ap tsu'utstëty ja jëyujk najts'ookëpë, ëkë ja yo'kpenypë, ëkë ja mëti'ipë kë'ëm o'kpën ets ja ne'pnymyëëtpë.

Hechos 20:33

Ka'apës nijëna'a të n'atsoky yë wit meeny, pu'ts pujxn ëkë wit xox,

Romanos 1:29

Ujts ja jyot wyinma'anyëty mëët ja ëxëëkpë, ijxtëm ja ëxëëk'ijxën, atsojkën, mëtsip'ajtën, tuku''oy'ijxën, yaja'ay'o'ktëp, tsiptuuntëp, win'ë'ëntëp, aak jëëmpit tii t'ixtë ets pi'tskajpxtëp.

Romanos 16:2

Kupëktë yajxon Wintsën xyëëwkëjxm, jëtu'un ijxtëm pyaat'atyën ma nxëëw'ajtëmën mëpëjkpëtëjk. Putëkëtë ma tii tyajmëyätyën, jä'ä ko tëë ja ja'ay may tputëkë, ëjtspaat kë'ëm.

Romanos 6:13

Ka'ap xykyë'ëyaktëty ja mjot mnini'kx ets mpokytyuntëty, ets yi'iyë ja ëxëëkpë xytyuunëtëty. Nikë oy mnäpyëjkta'akëtëty Dios kyë'ë'am, jëtu'un tä ja ja'ayën tëëpë y'ookyën ets tëëpë jatëkok jyuukpyikyën, ets xykyë'ëyaktëty ja mni'kx mkopk ma ja nipaye'eyën oypyë yë'ë wyintum.

1 Corintios 10:8

Ka'ap pën ja jyot nyini'kx tookëty, ijxtëm pënëty ojts y'ëtë'ëtstën, ma ojts y'ooktën i'px tëkëëk mil tu'kxëëwpë.

1 Corintios 5:1

Jëtu'un yajnijawëy'äty ko tam ma miitsëtyën nitu'uk mëti'ipë ëtëtsnajxpën. Yë'ë mëj tëko'oyën nyäxy ko ja'ay kyutaak to'oxytyëjk'aty. Jampaat jëtu'unpë ka'ap yajkupëky ma ja ja'ayëtyën mëti'ipë ka'ap ja Dios tmëpëktën.

1 Corintios 6:13

Näyjyëtu'un yajnimëtyä'äky: Ko ja uuky, jot tsooy je'eyë wyä'äny; ets jot yë'ë uuky të yajtuknikojë. Oy jyajëtu'unëty, Dios yajwintëkoyäämpy yë jot ets uuky. E ka'ap tyiyëty ko yë ni'kx kopk paat'ajtëp yajtook yajyakëty; yë ni'kx kopk Wintsën yë'ë jyä'ä; ets Wintsën ni'kx kopk jä'ä'ajtëp.

1 Corintios 6:18

Ka'ap yë tu'u xymyo'otëty ja in'ajtën. Ko pën ja wiinkëtypë poky tuny, ka'ap ja ni'kx kopk tmëtëkoy, ets pën ëtëtsnajxpën, pokytyuunp jä'ä ma ja kyë'ëm ni'kx kyë'ëmkopkën.

2 Corintios 12:21

Yë'ës näjyëtu'un ntsë'këp, ko ënety nëjkx nku'ixëtë, Dios je'eyës xyajtsëtyunëty ko ënety miits ka'ap tii oy xytyuntë ets je'eyës xyajjë'ë xyajya'axtëty mëët ko miitsëty je'eyë ëxëëkpë xytyuntë xykyajpxtë; tyimtso'ontäky jëtu'un pya'tkë'p'ajty. Ja ëxëëkpë yë'ë oy mtsojktëp, xim yam ja to'oxytyëjk xymyëët'atë ëkë ja to'oxytyëjkëty xim yam ja ye'etyëjk tmëët'atë.

Efesios 5:12

Tsëtyu'un je'eyë xytyukpatmëp ko nnimëtyakmëty mëti'ipë tyuuntëpën ayu'utsy ame'tsyë.

Efesios 5:5

Tëë miits xynyijawëtë ko pën ja wiink to'oxytyëjk tmëët'aty ets tam yë tyo'oxytyëjk, ëkë ko ja to'oxytyëjk tmëët'aty ja wiink ye'etyëjk ets tam ja nyiye'etyëjk, ëkë ko pën ja ëxëëkpë tuny tkäjpxy, ëkë nëkoo tii kë'ëmwinma'any t'ëwtaty, ka'ap jam yajpaata'any ma ja kutujktaknën mëti'ipë ja Kristë ets ja Dios jyä'ä'ajtëpën.

Filipenses 1:27

Wä'än t'ixy tii tuunëp jajtëp, juuky'atë miits ijxtëm y'ënä'änyën ja oy aaw oy ayuk ma Kristë yajnimëtyä'äkyën. Oy miits nninëjkxtëty ëkë nkaninëjkxtëty, nijawëpës ko tu'ukyë m'itë ets tu'ukyë ja mwinma'any yajpaatë ets xytyuntë wi'ix ja ja'ay oy tmëpëktëtyën ja oy aaw oy ayuk,

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

1 Tesalonicenses 4:3

Mëti'ipë Dios tsyojkpyën, yë'ë ets ëmuumtu'ukjot oy mjuuky'attëty: ka'ap xim yam ye'etyëjk to'oxytyëjk xymyëët'attëty,

1 Tesalonicenses 4:7

Ka'ap ja Dios yë'ëjëty të xytyuknipëjktakëmë ets ëxëëk njuuky'ajtmëty, yë'ë të xytyuknipëjktakëmë ets oy wa'ats nyajpatmëty.

1 Timoteo 2:10

Yë'ë mëpaat oy nyätyukyajkëxë'ëkëtë ja oypyë tuunk, ijxtëm pyaat'atëtën ja to'oxytyëjkëty mëti'ipë yajmëjnajxtëpën ja Dios.

1 Timoteo 3:3

ka'ap y'uukëty myu'ukëtëty, ka'ap tsyipja'ay'atëty, mä'kxtukëp, ka'ap meeny t'ook'atëty.

1 Timoteo 6:10

Yë meeny atsojkën ëxëëk ja'ay tyajjaty tyajkëpety;; tää ja'ay tëëpë ja myëpëjkën t'ëxmajtsnën ets o'ktëy të nyätyunyë.

2 Timoteo 3:2

Yi'iyë nëjkx ja'ay tmëmaay tmëët'ajnë yë kyë'ëm juukyajtën, wit meen, mëj këjxm, pyatëp nyaxtëp ja Dios, ka'ap ja tyaak tyeety t'ëktmëmëtoownëtëty; nitii nëjkx tka'ëktukjotkëtaknëtë, ka'ap twintsë'ëkëja'antë ja Dios ja y'ijxpëjkën.

Tito 1:11

Ya'atë ja'ayëty, ka'ap mëpaat nyajkajpxëmë, yajma'tëp ja ja'ay tu'kjëën tu'ktëjkpë ets tyuk'ijxpëjktëp mëti'ipë ka'ap pyaat'atyën ets tpaatëty ja meeny.

Tito 1:7

Mëti'ipë nyikopk'atëpën ja Dios ja nyaax kyajpn yë'ë mëpaat t'ixy ttuny mëti'ipë Dios y'oyjya'apën, paaty kyopkpëkyëty ets oy tsuj jyuuky'atëty. Ka'ap kyujuunta'akëty, ka'ap wyin'äkë'atëty, ni kya'uuk kyamu'ukëtëty, ni tsip tka'ixta'ajëty, ni meeny tka''atsokëty

Tito 2:3

Näyjyëtu'un ja mëjja'aytyo'oxyëty wintsë'kën mëët jyä'äy'atëty, ka'ap pyi'tskajpxtëty, ka'ap y'uuktëty myu'ukëtëty. Oy tii tnajtstunëtëty,

Hebreos 12:16

Exkëm miits nitu'uk mjot mnini'kx xytyo'knëtë, këtii xypyäxtëty ja Dios ja myëj'ajtën, ijxtëm ja Esaú y'ëtitsyën ko ja kyä'äxkopk'ajtën ojts tukwinkupëky ja tojkx mëti'ipë je'eyë tu'k'ok tyojkxën.

Josue 7:21

Mëti'ipë jam winë të yajpaatyën ma Jericó kajpnën, tu'ukës yë mëjwit të n'ixy janty'oy mëti'ipë kojpën Babilonyë, mäjtsk tsim naxy ja poop pujxn meeny, tu'kkäpy yë pu'ts pujxn, jä'ä jye'emtyëty naxy kujkmtsim. E ëjts janty këjääjës të n'ixy, paatyës të ntony, jamës të nmënëjkxy maas yë ntëjkën etsës të nitajy ntëjk'itkujkyës. Ja poop pujxn pa'tkë'pës të npëjktä'äky.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

2 Pedro 2:10

Dios tyiytyunäämpy ja mëti'ipë ja ëxëëk winma'any y'atsojkpyën ets mëti'ipë ka'ap tkupëkyën ja Dios ja kyutujkën. Winma'anytyuk yë'ëjëty ets tyuuntëp tii tyimtunantëpën; ka'ap tsyë'ëkëtë ko t'ojtë ja kutujkëntëjk mëj'äämpyë.

2 Pedro 2:14

Yi'iyë y'ijxtëp tyuuntëp wi'ix ja to'oxytyëjk t'ëkmëpokytyuntën, ka'ap ja pokytyu'unën tsyipëtë. Jëtu'un twin'ëën twinxajtë mëti'ipë ka'anëm ja myëpëjkën oy tmëët'atynyëm; je'eyë tii tjanty atsoktë; ëxëëk ja'ay yë'ëjëty.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.

Apocalipsis 2:14

E tam wäänë mëti'ipës ka'ap n'oyjyawën ma mijtsën: tam ma mijtsën jënaakën yë ja'ay mëti'ipë ka'ap t'ëxmatstën ja Balaam ja y'ijxpëjkën, mëti'ipë ojts t'akajpxën ja Balac ets ja Israel ja'ay pyokytyuntëty ets tjë'kxtëty ja mëti'ipë yajtukwintsë'këpën ka'apë Tyiosëty ets ko pyokytyuntëty mëët ja wiinkpë to'oxytyëjkëty.

Apocalipsis 2:21

Tëës nmo'oy ja tiempo ets jyootwinpitëty; je'eyëp ko yë'ë ka'ap tmajtstu'uta'any ja y'ëxëëktu'unën.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.

Apocalipsis 9:21

Ets ni yë'ë tka'ëxmajtstë ja yajja'ay'o'k, ja panajxk, ja ëxëëk juukyajtën ets ja mä'tsk.

1 Samuel 8:3

E tääpë ëna'këty ka'ap ojts oy winë tuntë tä ja tyeetyën, je'eyë ijty tsoktë ja wit meeny, ko pën tii tuuntëkoy ja meeny y'ëxajëkyojtëp tääts ka'ap tii winë oy tnipaye'eytyë.