Efesios 5:29 - Biblia Dc en Mixe de Quetzaltepec

²⁹ Ka'ap pën ja nyi'kx kyopk tmëtsip'aty, ni'ikyë tyajkay tyaj'uuky ets ja nyi'kx kyopk tkëwent'aty, näjyëtu'un ja Kristë ttsoky tjawë ja mëpëjkpëtëjk,

Biblia Mixe de Quetzaltepec

²⁹ Ka'ap pën ja nyi'kx kyopk tmëtsip'aty, ni'ikyë tyajkay tyaj'uuky ets ja nyi'kx kyopk tkëwent'aty, näjyëtu'un ja Kristë ttsoky tjawë ja mëpëjkpëtëjk,

Efesios 5:29 ပူးပေါင်းရင်းမြစ်များ

Génesis 2:23

Ko ja ye'etyëjk t'ijxy ja to'oxytyëjk, ënät y'ënäny: Ya'atë tëy nkë'ëmnini'kxës yë'ë ets nkë'ëmpajkës yë'ë. Paaty yë'ë jä'ä txëëwatëty to'oxytyëjk, jä'ä ko yë Dios nän jämyë të tyajpëtsëmy ma ye'etyëjkën.

Proverbios 11:17

Mëti'ipë ja'ay pa'ëyoop najts'ëyo'owëpën, nätsyojkëp jëtu'un kë'ëm; e mëti'ipë ëxëëk ja jyot wyinma'anyën, kë'ëm nyäy'ëxëëktunyë.

Eclesiastés 4:5

Jëtu'un ja'ay y'ëna'antë: Yë winma'anytyuk je'eyë nyäkyë'ëmëkityë ets nyäyaj'ëyo'ontëkëty ni'ikyë.

Isaías 40:11

Jëtu'un myiny tä tu'uk ja'ayën mëti'ipë y'ijx'ijtyp kyëwent'ajtypyën yë kyupixyny, tsyä'änë'kpy yë kyupixyny u'unk; tääts tmu'uxy kyätykyijxy, ëtyä'äkyë'äämpy tyajnëjkxy ja mëti'ipë tim mëxu'unkën.

Ezequiel 34:27

Kamjotypë aay kepy nëjkxëp tyëëmpätë, nëjkxëp yë pëjktä'äky wyintëy kamjoty tu'ujoty ets jotkujk nëjkx jyuuky'atë kyë'ëm naaxjoty. Koos ënety nyaj'ëwaatsëpëtsëmy yë nnaax nkajpnës ma ja'ay ëxëëk tyunëtën, ënät nëjkx tnijawëtë ko ëjts Wintsënajtp.

Mateo 23:37

Jerusalenkëtë kajpn, Jerusalenkëtë kajpn, mëkës njajawë ko të xyaj'ooktë ja käjpxynyajxpëtëjk ets të xykyuka'atstë mëti'ipë ja Dios të tjakexyën ets jeexyë ja y'aaw y'ayuk mtukmëmëtya'akëtë. Kanaak okës miits të njawoowmuka'antë ijxtëm ja këtseytyaak ja y'u'unk tyajmukyën ets tmu'uxy, e miitsëty ka'ap jëtu'un të xykyupëktë.

Mateo 6:26

Ixtë ja joon mëti'ipë kääkjëtijtëpën pojotm: Ka'ap nyi'iptë kyojtë ets ka'ap tiipëjktä'äky tyajpëtë'ëktë ets muum tpëjkë'ëktë tëkoty, miits yë mTeetyëty tsajpjotmëpë yë'ë putëjkëtëp ets jyi'kxypyaatëty. Miitsëty wäänëni'ik mtsoowpaatë këtiinëm yë joonëty.

Romanos 1:31

ka'ap jyä'äkyukëja'antë, ka'ap ja y'ayuk tpatuntë, ka'ap pën t'oyjyawëtë, ka'ap nyimyä'kxtë, ka'ap ja pa'ëyo'owën tmëët'atë.

Efesios 5:28

Jëtu'unts ja ye'etyëjk tsoktëty ja tyo'oxytyëjk ijxtëm kë'ëm ja nyi'kx kyopk tsokyën. Pën tsyojkpy ja tyo'oxytyëjk, kë'ëm ënety nyätsyokyë.

Efesios 5:30

jä'ä ko tu'ukyë nyajpatëmë mëët ja Kristë ijxtëm jeexyë tu'ukyë ja ni'kx kopkën.

Efesios 5:31

Paaty yë ye'etyëjk t'ëxmatsa'any ja tyaak tyeety ets tu'ukyë y'ita'any mëët ja tyo'oxytyëjk, jëtu'un nimäjtsk tu'ukyë yajpaata'antë.