Efesios 4:8 - Biblia Dc en Mixe de Quetzaltepec

⁸ Paaty ja Dios ja y'aaw y'ayuk këxja'aypyë y'ënä'äny: Ko pya'tëjkëy tsajpjotm, ojts tyajnëjkxta'ay ja tsumpyë matsypë, ets ja naaxwiinyëtë ja'ay ja tyuunk tmooy.

Biblia Mixe de Quetzaltepec

⁸ Paaty ja Tios ja y'aaw y'ayuk këxja'aypyë y'ënä'äny: Ko pya'tëjkëy tsajpjotm, ojts tyajnëjkxta'ay ja tsumpyë matsypë, ets ja naaxwiinyëtë ja'ay ja tyuunk tmooy.

Efesios 4:8 ပူးပေါင်းရင်းမြစ်များ

Salmos 68:18

Mijts Dios, janty këjxm ojts mpety ets xyajnëjkxy ja mtsumjyä'äy; ojts ja'ay winë mmo'oyë, yë'ëpaat ja'ay mëti'ipë käjpxy kumëtoownajxtëpën ojts mwinkoxtänëty, Wintsën.

Colosenses 2:15

Kristë mëët yë Dios ojts tpëjkëtë ja kuttujkën yaapë naaxwiiny y'ënä'ämtën ets yajkutuktën ets ojts naxym tyajnajxtë tsumpyë matsypyën ko ojts yë Kristë myëtä'äky.

1 Samuel 30:26

Ko ja David jyä'äjty jam Siclag, ënät ja myëku'uktëjk tuknikejxy ja näynyamo'ojë, ja mëjja'aytyëjkëty jampë yajpaatën ma Judá kajpnën, mëët ya'atë ja aaw ayuk: Jëëkyëty mëku'ukëty, tyaa ya'atë wäänë nmo'otë nkäxtë mëti'ipës të npëjkëtën ja Wintsën ja myëtsip.

Ester 2:18

Ënet ja yajkutujkpë tu'uk ja mëj xëëw tuknipëjktakëy ets yajnixëëtuuny ja Ester, ojts yajwoowta'atë ja wintsëntëjkëty, tuunpëtëjkëty mëj'äämpyë ets mëti'ipë ënety mëët tyuunmukyën ma ja kutujktaknën. Yë Asuero yajkunajk ja këpäjtën ma ijty ja ja'ayëty tii winë tkëpätën ets yajwa'kx kajpn apëtsëmy ja näynyamo'ojë, jëtu'un ijxtëm ënety pyaat'atyën.

Jueces 5:12

Débora pëtë'ëk, Débora pëtë'ëk Pëtë'ëk ets ëw ya'atë ëy yä'äxy Ets mijts Barac yë myaank yë Abinóam pëtë'ëk ets mënëjkx yë mtsumjyä'äy.

Proverbios 30:4

¿Pën jam të y'ëknëjkxpë tsajpjotm ets pën jam të y'ëktso'onpë? ¿Pën ëkmayëtëp tmatsëty yë poj ets tmajts'itëty kyë'ëjootjoty? ¿Pën yë nëëmejy të t'ëkwinpijtpë witjoty? ¿Pën të tpëjktä'äky ja nyitsëpa'an mapaat ja naaxwiinyëtë y'ëwtitëtyën? Këtiis ënät mijts xy'ënëmääpyëty ko mnija'ap ja xyëëw ets ja y'u'unk xëëw.

Efesios 4:11

Yë'ë pyëjktak ja ja'ay ets ja oy aaw oy ayuk tkajpxwa'kxëty, wiinkpë Dios kyäjpxynyajxpë'atëty, wiinkpë tkajpxwa'kxëty ja oy'aaw oy ayuk, wiinkpë ja mëpëjkpëtëjk t'ijx'it tkëwent'atëty ets ja wiinkpë yaj'ixpëkëty.