Efesios 4:32 - Biblia Dc en Mixe de Quetzaltepec

³² Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Dios të mnimä'kxëtën, ko ja Kristë të xymyëpëktë.

Biblia Mixe de Quetzaltepec

³² Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Tios të mnimä'kxëtën, ko ja Kristë të xymyëpëktë.

Efesios 4:32 ပူးပေါင်းရင်းမြစ်များ

2 Samuel 7:21

Tëkokyë mëti'ipë të xytyuny të xykyäjpxyën, jëtu'un të tyuny të jyätyë tä mijts kë'ëm të xytyuknipëjktaakën ets të xy'akäjpxyën täätsës ëjts n'ixëty nijawëty;

Salmos 112:9

Yajwä'kxyp ja wyit myeeny ma ja ëyoopëja'ayën, ja y'oyjyä'äyajtën xëmë tmëët'aty; mëët ja y'ijxë'ëky kyoowë'ëky.

Salmos 145:9

Yë Wintsën aak y'oyjya'awëtyääpy wä'än tpënëty, mëët oyjyot oywyinma'any tkëwent'aty mëti'ipë të tyajkojyën.

Proverbios 12:10

Yë wa'ats ja'ay wyinja'ap ko jëyujk jya'ap winë, yë ëxëëk ja'ay ka'ap tnijawë tii yajtijp näpya'ëyowë.

Proverbios 19:11

Yë wijyajtën jam nyikëxë'ëky ko ja'ay myä'kxtuky oy jyoot'anpëky, ets mëj'äämpy ja'ay nyäxy ko ka'ap tmëjpëjktä'äky oy pën y'ëxëëkmëkäjpxyë.

Proverbios 19:22

Ko ja'ay tii t'atsoky, ëxëëk tmëjaty tmëkëpety. Ni'ik oy ko ëyoopëja'ay yajpaaty ets këtii ko je'eyë kyë'ëtsik'aty.

Isaías 57:1

Yë oyjyä'äytyëjkëty ko y'ooktë, ni pën kyamëmay kyamëtajyë; Yë oyjyä'äytyëjkëty jëtu'unyë yaj'ijxtëkoytyë, ka'ap pën tja'akyukë ko y'ooktë ëwaatsëtuuy'ajtën pyatëp,

Jeremias 38:12

ets t'ënëmaay ja Jeremías: Nätyukxëkätpä'änët ya'atë tukwit, këtiipë yë tejpxy myajtsëtyutëtëty. Jëtu'un ja Jeremías tjantytyuuny.

Mateo 6:12

Pokynyimä'kxtëkës maas ëxëëk tii ntuntën nkajpxtën, jëtu'un tääjës të mpokymyä'kxtën ja mëti'ipës ëxëëk të xytyuntën.

Marcos 11:25

Ko miits yë Dios xyjyä'ämyätstëty, pën jam pën tii xytyukmëtsip'atë, nimä'kxtë ets näjyëtu'un ja mteety tsajpjotmëpë mnimä'kxëtëty.

Lucas 1:78

Yë'ë ko ja nTios'ajtëmë myëët'ajtyp ja pa'ëyo'owën, paaty jam tsajpwinm të tyajjajtä'äky ja xëëw ets ja jempyë xëëw të xytyuk'ijxëmë,

Lucas 11:4

Nimä'kxtëkës ja npoky nkëtyey, jä'ä ko tëëjës nimä'kxtë mëti'ipës xymyëtëkooytyëpën. Ka'apës mëpaat ja ëxëëkpë xymyëmëta'aktë.

Lucas 17:4

Pën wëxtujk ok mëtuuntëkoyë tu'kxëëwpë, ets wëxtujk ok mniminyë ets xypyokymyä'kxëty: Pokymyä'kx.

Lucas 6:35

Mtsoktëp miits ja mmëtsip, tuntë ja oypyë, tuntë ja mëyajtën; tuk'ënu'kxtë winë mëku'uk ets këtii xyjyëjp'ixtëty ets jatëkok mooywyimpitëtëty. Jëtu'un miits mëj nëjkx myajkumaytyë ets nëjkx m'u'unk'atëtë ja Dios tsajpjotmëpë, jä'ä ko yë'ë oy Tyios'aty ma ja ja'ayëtyën mëti'ipë ka'ap tii tkukajpxën ets ëxëëkpë jyä'äy'ätyën.

Lucas 6:37

Ka'ap wiinkëtypë xy'ixtëty xytyuntëty ets ja Dios ka'ap näjyëtu'un m'ixëtëty mtunëtëty. Ka'ap wiinkëtypë xypoky'ixtëty ets ja Dios ka'ap mpoky'ixëtëty. Nimä'kxtë ja ja'ay ets ja Dios mnimä'kxëtëty.

Hechos 28:2

Ja ja'ayëty jampë tsyëënëtën oyës ojts xymyëët'atë, ënät ja jëën tyajmëjëtyë ko tja'awëtyë tëtsyk ets xynyëmaaytyës ets wmëwinkontëtyës ja jëën.

Romanos 12:10

Nätsyokëtë ijxtëm ja ja'ay tyukä'äx'atyën. Näwyintsë'ëkëtë nixim niyam tu'knax.

1 Corintios 13:4

Ko ja tsojkën ja'awën yajmëëtëty yajmëmëtakp winë; yaj'oyjyä'äy'ajtp, ka'ap pën yaj'ëxëëk'ixy, ka'ap nyämyëjpëjktä'äkyë ets ka'ap nyämyëjjaw nyäjyääntyjyawëty.

2 Corintios 2:10

Jëtu'un, pën jam miits pën xynyimä'kxtë, näjyëtu'unës nimä'kxëty; ets koos pën nimä'kxëty, ënät pën jam tii të tuuntëkoy mëti'ipë yajnimä'kxëpën; ko ënety miits të m'ëna'antë ets ja Kristë myëjnaxëty.

2 Corintios 2:7

Mëti'ipë tëy tyam mtuntëp, nimä'kxtë ets putëkëtë, ko nëjkx ja ma'ayën tajën tkamëmëtä'äky.

2 Corintios 6:6

Näjyëtu'unës të nyajnikëxë'ëktë ko wa'ats aaw wa'ats jotës të njuuky'atë, koos nijawëtë ja tëyajtën, ko yajmëët'aty ja mä'kxtujkën ets ja oyjyot oywyinma'any; ko yajpaaty ja Kënu'kxymyëkajtën ma ëëtsëtyën, mëët ja tsojkën ja'awën winë aaw winë jotpë.

Efesios 5:1

Miitsëty ma Dios m'u'unk'atëtën ets ko mtsokëtë, juuky'atë ijxtëm yë Dios jyuuky'ätyën.

Santiago 5:11

Ëëtsëty jä'äs ntijtë ko akujk jotkujk yë ja'ay yajpaatë mëti'ipë myëmëtaktëpën ja ëyo'on jotmay. Miitsëty tëë xymyëtoy'atë wi'ix ja Job tmëtënaayën ja ëyo'on jotmay, ets mnija'awëtëp näjyëtu'un wi'ix ojts ja Dios myo'oyë ja oyajtën ok, jä'ä ko yë Dios myëët'ajtyp yë pa'ëyo'owën najts'ëyo'owën.

2 Pedro 1:7

ets ko m'itë ijxtëm ja Dios tsokyën, ënät xytsyoktëty ja mëku'uktëjkëty; ets ko ënety xytsyoktë ja mëku'uktëjkëty, ënät näjyëtu'un xytsyoktëty ni'ëmukë ja ja'ay.

1 Juan 1:9

Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Dios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

1 Juan 2:12

U'unk maayëty, tyam miits nnijäyëtë, jä'ä ko Dios të mpokymyä'kxëtë ko ja Jesukristë të xymyëpëktë.

Rut 2:20

Ets ja Noemi y'ëtsoowë: Wintsën Dios kënu'kxëtëp mëjwiin këjää. Mëët ko xy'oyjya'aw xytsyuja'awëmë, yë'ë jëtu'unyëm yë y'oyjyä'äyëty, jëtu'un ijty jyä'äy'äty mëët ja mëti'ipë të y'o'knëtën. Tääpë ja'ay nmëku'uk ëëts yë'ëjëty, paaty patëp ets xypyutëjkëmëty.