Efesios 4:31 - Biblia Dc en Mixe de Quetzaltepec

³¹ Ixmatstë ja äkë, ja näyya'ax näjyokë, nänyiwaanpätë ets tu'kë'ëyë ëxëëk winma'any.

Biblia Mixe de Quetzaltepec

³¹ Ixmatstë ja äkë, ja näyya'ax näjyokë, nänyiwaanpätë ets tu'kë'ëyë ëxëëk winma'any.

Efesios 4:31 ပူးပေါင်းရင်းမြစ်များ

Colosenses 3:8

E tyam mëpaat xy'ëxmajtsta'atë ja äkë, joot'an, ëxëëk winma'any, näwyinkajpxpätë ets ëxëëk aaw ëxëëk ayuk.

Eclesiastés 7:9

Këtii joot'an mnätyukyajtëkoyëtëty, yë tsuuja'aytyëjk yë'ë ënätyë joot'anpëjktëp.

1 Pedro 2:1

Ixmajtsta'atë ja ëxëëkajtën, ja win'ë'ënën, ko ja'ay oy nyänyimëtyä'äkyë ets ëxëëk jyä'äy'äty, ja näy'ëxëëk'ixë ets ja pi'tskäjpxy.

Santiago 1:19

Ja'amyätstë ya'atë mëku'uktëjkëty, a'ijxp jëjp'ijxp miits itë ets xymyëtoowkukëtëty ja oypyë ja aaw ayuk; yë'ë tëy ka'ap ja tsip äkë ets ja joot'an xymyëët'atëty.

Colosenses 3:19

Näyjyëtu'un ja ye'etyëjkëty pëkyëtypë, tsoktë ja mto'oxytyëjkëty, ka'ap win'äk jëjp'äkë xymyëëtsëënëtëty.

Santiago 3:14

E pën miitsëty je'eyë mnämyëtsip'atëtë, mnäyajjoot'anpëkëtë ets tsipkyëjxm winë xytyuntë; ko jëtu'un m'ëtë'ëtstëty tii mjanätyukmëjjawëtëp, ja tëyajtën ënety mkawinkutsëkëtyëp.

Efesios 4:26

Ko mjoot'anpëkëty, këtii mpokytyuntëty; këtii tu'kxëëwpaaty mjoot'anpëkëty.

1 Juan 3:12

Ka'ap jëtu'un nja'ay'ajtmëty ijxtëm ja Cainkën, mëti'ipë ijty ja mëjku'u ja'ay'ajtëpën ets ja y'uty tyaj'o'ky. ¿Tii ko ojts tyaj'ooky ja Caín ja y'uty? Jä'ä ko ka'ap y'oyëty mëti'ipë tyuunën, yë'ë oy mëti'ipë ja y'uty tyuunën.

Salmos 101:5

Nyaj'ëmonäämpyës yë ja'ay mëti'ipë myëjëën myëtëjk ayu'utsy ame'tsyë nyi'ëëpy nyikäjpxypën; ka'apës nijënu'un yë ja'ay jeky nwiintänëja'any mëti'ipë amëj akëjxm ja'ay'ajtpën, ets mëti'ipë nämyëjja'aw näjyääntyjya'awëyëpën.

Santiago 4:11

Mëku'uktëjkëty, këtii mnanyi'ojëtëty nixim niyam. Pën ja myëku'uk nyi'ojëp ets pyoky'ijxyp ja Dios ja y'ënä'ämën ënety kyamëj'ijxëp; ko pën tkamëj'ixy ja ënä'ämën, tëytyuunpë ets paye'epyë ënety nyäpyëjktä'äkyë ets ni yë'ë tkapatuny ja ënä'ämën.

Proverbios 26:20

Ko ja'axy kya'ity pi'tsp yë jëën, näjyëtu'un ko yë ja'ay kyapi'tskäjpxy, këjxp yë tsip.

Tito 1:7

Mëti'ipë nyikopk'atëpën ja Dios ja nyaax kyajpn yë'ë mëpaat t'ixy ttuny mëti'ipë Dios y'oyjya'apën, paaty kyopkpëkyëty ets oy tsuj jyuuky'atëty. Ka'ap kyujuunta'akëty, ka'ap wyin'äkë'atëty, ni kya'uuk kyamu'ukëtëty, ni tsip tka'ixta'ajëty, ni meeny tka''atsokëty

1 Timoteo 3:11

Näyjyëtu'un yë tyo'oxytyëjk wiinkutsë'ëkëtëp ja ja'ay, ka'ap pyi'tskajpxëty, mëtëy tyu'uye'eyëty ets oy winë tunëty.

2 Corintios 12:20

Tsë'këpës ko ënety nëjkx nku'ixëtë ets nkapaatëty ijxtëmës njatsokyën ets ko miits nëjkx mjamintë nän ka'apës xypyaatëty ijxtëm xyjyatsoktën. Tsë'këpës ko wä'änxyëp ënety miits jam xymyëët'atë ja tsip äkë, näkya'oy'ixë; ëkë pi'tskäjpxy pi'itsmëtyä'äky, xim yam myajpaatë, mnäy'ëxëëk'ijxëtëp, nixim niyam; mnanyi'oj mnanyiyaaxëtë ets je'eyë tii të xyajma'ta'atë.

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

Proverbios 29:22

Mëti'ipë ja'ay ëxëëk ëtëtsp ënaanpën ets janty pojën winë timtyunankojy, je'eyë xëmë tsyippaata'any ets ka'ap tii oy tunëty.

Proverbios 14:17

Mëti'ipë ja'ay ka'ap myä'kxtukyën, nëkooyë pën tnipëtë'ëky; mëti'ipë jëyëjp winë myëmääpy myëtäjpyën, ka'ap tii ajotkumonë tuny.

Proverbios 10:18

Antakp yë ja'ay mëti'ipë ka'ap tyajkëxë'ëkyën ko myëku'uk t'ëxëëk'ixy, ets tsuuwinma'any yë'ë ko yajnikäjpxy yajnimëtyä'äky xii yaa muum yë pi'tskäjpxy.

Proverbios 10:12

Yë näy'ëxëëk'ixë je'eyë yajtsiptuny, e yë tsojkën ja'awën myä'kxtääpy yë nëë poky.

1 Timoteo 5:13

Näy tää ja'ay jyëtitë winjëën wintëjk mëti'ipë nuuxëtyën ets ka'ap je'eyë nyuux'atë, nän pi'itskajpxtëp, xii yaa muum nyakuye'ey nyakunaxëtë ets wi'ix kawi'ixëty y'ëna'antë.

Gálatas 5:20

y'ëwtajtëp mëti'ipë ka'ap Tyiosëtyën, patooy panajxtëp, atsip a'äkë jyuuky'atë, mëtsip'ajtëp, pojën jyoot'anpëktë mëët yi'inëm tii, kyë'ëm oyajtën y'ixtaaytyëp, yajnäwya'kxëtëp ja ja'ay, ëpëky nyäpyëjkta'akëtë,

1 Corintios 5:8

Mëtëy ja Dios nwintsë'këmëty, ka'ap tii ntu'unmëty mëët ja ëxëëk winma'any, jëtu'un ijxtëm ja levadura tëëpë y'ëxëëkën, nikë jä'ä ntu'unmëty oypyë ijxtëm ja tsajpkääkyën mëti'ipë oyën mëti'ipë yajkääpyën ëmaay xyëëwjoty, ets ka'ap ja levadura tmëëtëty.

Romanos 3:14

Kajpxpojktëp ets ëxëëkëty y'ëna'antë,

Proverbios 25:23

Ko pyojy anëkëjxytsyow tu'ujaanp ënety, ko ja'ay ëxëëkjaty kyäjpxy myëtyä'äky, ëxëëk yë wyiin jyëjp tuny.

Proverbios 18:8

Yë pi'tskäjpxy jëtu'un yë'ë tä jë'kxy pëkyën pa'akpë ets ka'ap jyotkëtä'äky; e ko yajmëtoow'ity, jëtu'un yajmëtoy tim atëjk tim jotëjkëp yowë.

Proverbios 6:19

Ko ja'ay nipi'tskäjpxy myëku'uk, ets ko ja'ay yajtsiptuny.

Salmos 140:11

Wä'än t'atëkoytyë yaa naaxwiiny ja ja'ayëty mëti'ipë je'eyë ëxëëk kajpxtëpën. Wä'än yë ëyo'on jotmay tpajëtitëtë ets yajkutëkoyëtë.

Salmos 64:3

Jëtu'un yë y'aaw yä'än tyajjëjpëtë tä yë tëypyujxnën ets ënät yë y'aaw y'ayuk tkajpxtë tsaaty ma'at ets yajtsëtyuty jëtu'un tä ti'pxnën mëti'ipë yaj'o'kpën.

Salmos 50:20

Tëkatsyëty yë mjëëky mmëku'uk xynyi'ëy xynyikäpxy, ets myajjotma'typ yë mmëkä'äx ko tsaatsyëty ma'atëty xymyëkäjpxy.

Salmos 15:3

mëti'ipë ka'ap jyiiky myëku'uk tëkatsy tnimëtyä'äkyën; mëti'ipë ka'ap jyiiky myëku'uk ëxëëkjaty t'ënëëmën, mëti'ipë ka'ap nëkoo myëjëën myëtëjk tyajjotma'atyën;

2 Samuel 19:27

Yë'ë ojts xywyin'ëënyës, ma mijtsën mëj'ënä'ämpë. E mijts mëj'ënä'ämpë mëti'ipë jëtu'un tä tu'uk yë Wintsënën, yë'ë tun mëti'ipë m'ijxypyën ko myëtëyëty,

Génesis 37:4

Ko ojts jëtu'un t'ixtë ja y'äjtyëjkëty, ko ja tyeety mëk ni'ik tsyokyë këtiinëm ja wiinkpë y'u'unk y'ëna'k, ënät ojts tmëtsiptsoontë ets ka'ap t'ëkmëkajpxanëtë.

Génesis 27:41

Jä'ä xëëw jä'ä jëmëjt yë Esaú ojts tmëtsiptso'onë ja Jacob, ko ënety të pyëjkëty ja näkyënu'kxë, mëti'ipë yë'ë patëpën ma tyeetyën. Ënäty ja Esaú ojts myäy tyäjy: Tim wäänë jëtu'un täätsës nmëët'atëty yë monyëtukyë mëët yë nteetyës, ko wiinkoonëp ma y'o'knëtyën. Ko ja jëtu'unpë kyëxëty nyaxëty, taats nyaj'ookëty yë n'uty Jacob.

Génesis 4:8

Ënet yë Caín twooy yë y'uty Abel tu'kxëëw tu'kjëmëjt jëtijtpë jam kamjotm, ko ënety jëtu'un nimäjtsk jam yajpaatë kamjotm. Ënet yë Caín ojts yë y'uty tnipëtë'ëky ets tyaj'o'ky.

Apocalipsis 12:10

Ënätës nmëtooy ja ayuk janty mëk jam tsajpjotm mëti'ipë ënaanpën: Tëë ja tiempo tpaaty ko ja Dios ja naaxwiinyëtë ja'ay tyajnitso'oka'any ets ja myëk'ajtën ets ja kyutujkën tyaj'ixëtëty ets ko Kristë yajkutukëty, jä'ä ko tëë ja mëjku'u yaj'ixkäjxnë mëti'ipë ja nmëku'uk'ajtëm ijty xëëny koots nyi'ë'ën nyipëjktso'owëpën jam Dios wintum.

1 Juan 3:15

Pën ja myëku'uk kyatsojkpy kyame'kxyp, jëtu'un ja tpaaty ijxtëm jeexyë yaja'ay'ookyën, miits mnija'awëtëp ko yë yaja'ay'o'kpë ka'ap tmëëtëty ja xëmëkyëjxmëpë ja juukyajtën.

Tito 2:3

Näyjyëtu'un ja mëjja'aytyo'oxyëty wintsë'kën mëët jyä'äy'atëty, ka'ap pyi'tskajpxtëty, ka'ap y'uuktëty myu'ukëtëty. Oy tii tnajtstunëtëty,

2 Timoteo 2:23

Këtii xymyëjpëjkta'akëty yë näkyäjpxytsyiikë mëti'ipë ka'ap tsyoowpaatyën; jä'ä ko jëtu'unpë jä'ä y'awinpity tsip.

1 Timoteo 3:3

ka'ap y'uukëty myu'ukëtëty, ka'ap tsyipja'ay'atëty, mä'kxtukëp, ka'ap meeny t'ook'atëty.

Hechos 21:30

Tääts ja ja'ay tyëjkëtyë ëtëtstë ënaanpë, myiintë pëyi'ikyë; ojts ja Pablo tmatstë ets jam tsajptëjk'ëkë'ëm tnajtsjëtujtëtyë ets ënätyë t'ix'ëkëëytyë.

Jeremias 6:28

Wintsën, tääpë ja'ayëty aak je'eyë kyäjpxykyumëtoownaxtë; je'eyë y'ëxëëkpi'tskajpxtë ets aak ëxëëk jyot wyinma'any tmëët'atë; jëtu'un yajpaatë tä tsuxkpujxn ets juunpujxnën.

Proverbios 29:9

Ko tu'uk yë wijyjyä'äy nyäy'ojyë mëët yë tsuuja'ay, nëkoo je'eyë nyäyajjoot'anpëkyë ets je'eyë yajnëxi'ik yajtukxi'iky ets nitii tkayaj'oyë.

Proverbios 19:12

Ko tu'uk yë mëj ënä'ämpë jyoot'anpëky, jëtu'un yë'ë tä tu'uk yë mëj kaa nyiitsyën; e ko oy nyäjyawëty, jëtu'un tä yë maanik kyä'äyën ujtskëjxy.

2 Samuel 19:43

Tä ja Israel ja'ayëty y'ëtsoowtë: Ëëtsëty xypyatëp ni'ik etsës yë yajkutujkpë nmëtuntëty këtiinëm miitsëty ets ko mpatëkëja'anmëty ma tikts aats yajmëët'atyën, ëëts kä'äxkopk yë nteety'ajt n'ap'ajtëpës, miitsëty utymyës yë'ëjëty. E paaty ënät, ¿tii ko miitsëty ëxkexy ëxwa'any xyaj'itës? ¿Ëk ja'amyätstë tii këtii y'ëëts'atë ojts jëyëjp n'ëna'antë ets yajkutujkpë wyimpitëty jatëkok ma ja nyaax kyajpnënë? E ko jyëtu'un'ajnë, ja Judá ja jyä'äyëty ni'ik ojts yaj'ijxnëtë y'ëwa'antaknëtë ka'ap jyëtu'unëty ja Israel ja'ayëty.

2 Samuel 13:22

Yë Absalón ka'ap wi'ix t'ënëmaay yë Amnón, oy ënety tja'ëxëëk'ixy mëët ko jëtu'un ja Tamar ja wyintsë'kën të tyajtëkooyë.

Génesis 37:21

Ko yë Rubén jëtu'un tmëtooy, ënät tjanikajpxtu'utany yë y'uty ets y'ënäny: Ka'ap y'oy'atëty ko ntimyaj'o'kmëty.

2 Timoteo 3:3

Ka'ap nëjkx t'ëkmëët'ajnëtë ja pa'ëyo'owën, je'eyë pyi'tskajpxanëtë, ka'ap nëjkx tkumä'kxëtë ja y'ëxëëk winma'anyëty, ëxëëk ja'ay y'ita'antë ets myëtsip'atantëp tu'kë'ëyë ja oypyë.

Jeremias 9:4

Yë'ëpaat ka'ap yajtukjotkujk'aty ja jëëky mëku'uk ets ja mëkä'äx, jä'ä ko aak win'ë'ëntëp.

Salmos 37:8

Ixmats yë äkë toyë, ets ja'atyëkoy yë ëwa'an'at; këtii mjoot'anpëkëty, jä'ä ko yë joot'an ni'ikyë winë tyajma'aty.

Efesios 4:22

Ixmajtsta'atë wi'ix ijty miits tëëyëp mjuuky'atën, ëxmatstë ja m'ëxëëk winma'anyëty mëti'ipë mnätyukwin'ë'ënëtëpën, jä'ä tëkokyë tääpë tëë mya'ta'ay ko yi'iyë të yaj'atsoky ka'apë myëtëyëtyën.

Efesios 4:25

Paaty tyam, këtii m'ëk'antaknëtëty, ko mmëku'uk xymyëmëtya'aktëty mëtëy tii xytyuk'ëwaanëtëty, jä'ä ko tu'ukyë n'ijtëm ijxtëm tu'ukpë ja ni'kx kopkën.