Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efesios 4:25 - Biblia Dc en Mixe de Quetzaltepec

25 Paaty tyam, këtii m'ëk'antaknëtëty, ko mmëku'uk xymyëmëtya'aktëty mëtëy tii xytyuk'ëwaanëtëty, jä'ä ko tu'ukyë n'ijtëm ijxtëm tu'ukpë ja ni'kx kopkën.

အခန်းကိုကြည့်ပါ။ ကော်ပီ

Biblia Mixe de Quetzaltepec

25 Paaty tyam, këtii m'ëk'antaknëtëty, ko mmëku'uk xymyëmëtya'aktëty mëtëy tii xytyuk'ëwaanëtëty, jä'ä ko tu'ukyë n'ijtëm ijxtëm tu'ukpë ja ni'kx kopkën.

အခန်းကိုကြည့်ပါ။ ကော်ပီ




Efesios 4:25
42 ပူးပေါင်းရင်းမြစ်များ  

E ja mëjja'ay ni'ikyë y'ënaan'ëtë'ëtsy: Käjpxynyajxpës ëjts näjyëtu'un, jëtu'un tä mijtsën, e yë'ëts yë Wintsën tu'uk yë kyukäjpxy të xy'ënëëmës, ko mijts nwoownëjkxëty maas yë ntëjkën ets jam nyajkay nyaj'uuky. Ya'atë ja mëjja'ay, antakp ënety,


Tukukäkës ja win'ë'ënën antakën, ets yë'ëjës tukmëtsojk yë m'ijxpëjkën.


Yë'ë mëti'ipë oy yajxon juukyajtpën, mëti'ipë ka'ap pyokymyëëtëtyën; mëti'ipë aakjä'ä tyuunpyën oypyë, ets mëti'ipë tëyajtën winë nyimëtyäkpyën;


Yi'iyë ëxëëkpë mtsojkën'ajtyp tä oypyën, ets mwin'ëëny tä jeexyë mëtëy winë xykyäjpxyën.


Këtii xymyëpëkëty mëti'ipë je'eyë myëku'uk wiinkjaty nyikäjpxyp nyimëtyäkpyën. Këtii xyaj'ookëty mëti'ipë ka'ap tii poky tmëët'atyën; jä'ä ko mëti'ipë pokymyëëtën ka'apës nnikajpxa'any ko ka'ap pyokymyëëtëty.


Ja'ay mëti'ipë tii mëtëy të t'ixyën, mëtëy tii tnimëtyä'äky, e mëti'ipë ka'ap tii të t'ixyën je'eyë nëkoo y'antä'äky.


Pën mëtyakpën tëyajtën xëmë y'ita'any; e mëti'ipë je'eyë antakpën, wäänë jyuuky'ata'any.


Yë Dios y'ëxëëk'ijxyp yë ja'ay mëti'ipë antakpën, e mëti'ipë winë mëtëy tyuunpyën, yë'ë y'oyjya'ap.


Ja wit meeny mëti'ipë yajpatpën mëët yë win'ë'ënën, ka'ap jeky y'ity ma ja'ayëtyën mëti'ipë o'kën y'ijxtaaytyëpën.


Këtii ajotkumonë xynyi'apëtsëmëty yë mjëëky mmëku'uk ets këtii tii xynyikajpxëty mëti'ipë ka'ap myëtëyëtyën.


ko ja'ay nyämyëjaw nyäjyääntyjyawëty, ko ja'ay wyin'ëëny, ko ja'ay yaja'ay'ooky nanëkookyëjxm,


Mëti'ipës yam nikajpxäämpyën yë'ë mëti'ipë jaantyën; ëjts ka'apës nwinjawë n'anta'akëty.


Jëtu'un të y'ënä'äny: Yë'ës nkajpn'ajtyp, ka'ap nijëna'a xy'ëxmatsa'antës. Ets ojts tyajtso'oky


Ja këpajk, yë'ë ja mëjja'aytyëjk ets ja kopktëjkëty yaj'antijtëp, e ja pi'ixy yë'ë ja käjpxynyajxpëtëjk yaj'antijtëp mëti'ipë je'eyë antaktëpën.


Yi'iyë mëjnajxnëp wi'ix wiinkë'ëy akë'ëy Dios xyëëw tukajpxpätëtyën ets y'ayuk ka'ap tkuuytyuntë, ja näwyin'ëën näwyinxajën ets ja ka'apë myëtëyëtyën, ma yaja'ay ooktën, ma myäätstën, ma pëjkën ukën ka'ap twintsë'ëkëtën ets ma je'eyë tsyiptuntën ets janaam jatsojk myëku'uk tyaj'ooktë.


Ya'atë mëpaat xëmë xytyuntë: Mëtëy winë xynyikajpx xynyimëtya'aktëty ma miitsëtyën nixim niyam, mëtëy tii xynyipaye'eytyëty ets yë'ë xëmë mmaytyëp mtajtëp yë oyajtën jotkujk'ajtën miitsëty yajkutujkpëtëjkëty;


Ko ja ayuu'ajtën y'itëty ma ja mëmajktaxk po'opën, mëmëkoxk po'opën, mëwëxtujk po'opën ets ja mëmajkpo'opë, jä'ä nëjkx y'awinpity tu'uk xoontakën, tu'uk yë xëëw ma y'itëtyën ja jotkujk'ajtën ets xyi'iktëty y'ëwë'ëktëty ja Judá ja'ayëty. Miitsëty yë'ë mtsoktëp mjawëtëp yë mëtëypyë ets jotkujk'ajtën.


Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.


näjyëtu'un ëëts'ajtëmë, oy jënu'un njanimay'ajtëmë, tu'ukyë nyajpatëmë mëët ja Kristë; jëtu'un ëëts nyajpatëmë ijxtëm jeexyë tu'ukyë ja ni'kx kopk yajmëëtëtyën mëët ja Kristë.


Oy njanimay'ajtëmë, ni'ëmukë ëëts ja tsajpkääky ojts nka'ayëmë ja tu'ukpë, paaty tu'ukyë nyajpatëmë ijxtëm ja nyi'kx kyopkën tu'ukpë.


Tëëyëm ënety ja Tito nëëmës ko miitsëty oy winë xytyuntë, ets ka'apës ja n'ayuk nëkoo të nyatëkë'aty. Jëtu'un ijxtëm tyiyëty jyääntyëty miits të ntukmëmëtya'aktën, näjyëtu'un tëy jaanty ja Tito të nëëmëtës: Ko ntukjotkëtaktëpës miits ja mtuunkëty.


Nikë oy ko nikajpxmëty ja tëyajtën mëët ja tsojkën ja'awën, tsojk nyä'këm npäjtëm ma ja Kristën, mëti'ipë ijtpën tä tu'uk ja këpajkën ma ni'kx kopkën.


Ixmajtsta'atë wi'ix ijty miits tëëyëp mjuuky'atën, ëxmatstë ja m'ëxëëk winma'anyëty mëti'ipë mnätyukwin'ë'ënëtëpën, jä'ä tëkokyë tääpë tëë mya'ta'ay ko yi'iyë të yaj'atsoky ka'apë myëtëyëtyën.


Ixmatstë ja äkë, ja näyya'ax näjyokë, nänyiwaanpätë ets tu'kë'ëyë ëxëëk winma'any.


jä'ä ko tu'ukyë nyajpatëmë mëët ja Kristë ijxtëm jeexyë tu'ukyë ja ni'kx kopkën.


E tyam mëpaat xy'ëxmajtsta'atë ja äkë, joot'an, ëxëëk winma'any, näwyinkajpxpätë ets ëxëëk aaw ëxëëk ayuk.


Këtii mnäwyin'ëënëtëty nixim niyam, jä'ä ko tëë xy'ëxmajtsnëtë jëtu'unpë ja juukyajtën ets ja ëxëëkpë mëti'ipë ijty mtuuntëpën,


mëti'ipë yajwintsë'këntëkooytyëpën ja pëjkën ukën, mëti'ipë ja myëye'etyëjk ëkë myëto'oxytyëjk myëët'ajtëpën, mëti'ipë ja'amyä'tstëp, mëti'ipë win'ë'ëntëp, mëti'ipë ja Dios yajkajpxtëpën mëët ja antakën, ni'ëmukë jënu'un tmëtsip'atën ja mëtëypyë ijxpëjkën.


Yë'ë myëjpëjkta'akantëp ja ja'ay mëti'ipë wiinkë'ëy akë'ëy ja'ay'ajtpën ets mëti'ipë win'ë'ënpën, jap jyootjoty wyinma'anyjoty tsa'ay jap yajpaaty mëët ja ëxëëkpë.


Ojts tu'uk yë ja'ay y'ity Creta ja'ay, yë'ë jyiiky myëku'uk nyimëtyäkpy ets y'ënäny: Yë Creta ja'ayëty, je'eyë y'anta'aktë, na'uk najëyujkën yë'ë jyä'äy'atë, käx ets nuuxëty.


mëti'ipë ijtpën ko yajjëjp'ixy ja juukyajtën xëmëkyëjxmëpë. Dios ka'apë y'antä'äkyën, mëti'ipë ya'atë juukyajtën ojts twinwanën ka'anëm ënety yë naaxwiinyëtë tsyo'ontä'äky,


Paaty, ko të nnija'awëmë ko may ja ja'ay na'ëwtity yajpaatë mëti'ipë të myëpëktën, tsojk n'ëxmajtsëm tu'kë'ëyë mëti'ipë ëxëëktuunpën, ets ja poky mëti'ipë yajwinma'anyjyo'pën ets ntu'unmëty mëti'ipë ja Dios tsyojkpyën, ijxtëm ja ja'ay myëjaaw t'ixyën mëti'ipë pëyë'kijpxtëpën.


Ixmajtsta'atë ja ëxëëk winma'any ets ja ëxëëkajtën mëti'ipë tëë nyipäjnën. Ëxajëtë wintsë'kën mëët ja aaw ayuk mëti'ipë të yajpëjktä'äkyën ma ja mjot mwinma'anyëtyën. Ya'atë aaw ayuk myëët'ajtyp ja mëk'ajtën ets xyajnitsokmëty.


Ixmajtsta'atë ja ëxëëkajtën, ja win'ë'ënën, ko ja'ay oy nyänyimëtyä'äkyë ets ëxëëk jyä'äy'äty, ja näy'ëxëëk'ixë ets ja pi'tskäjpxy.


E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.


Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.


Ets ja Sansón y'ëtsooy: Pën xytyuuntëpës mëët yë jemtyejpxy, ëjts ka'apës xymyäyëty tii ntunëty, ets jëtu'unës nëjkx n'awinpity tä oy napënën.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ