Efesios 4:14 - Biblia Dc en Mixe de Quetzaltepec

¹⁴ Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

Biblia Mixe de Quetzaltepec

¹⁴ Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

Efesios 4:14 ပူးပေါင်းရင်းမြစ်များ

Salmos 10:9

Jëtu'un tä yë kaajën jap y'aankjoty, jap yu'utsy tpa'ixy tpawoony yë ëyoopëja'ay, t'ëwxity jëna'a t'ëk matsy, e ko tmatsy tääts twinpajëtuty mëët yë tyejpxy.

Salmos 59:3

jä'ä ko tää ja'ay jotmëkëtypë ka'apë tsyë'ëkëtën, mëti'ipë y'ëwxijtëpën jëna'ajës xy'ëkyaj'ooktë.

Isaías 28:9

Xynyimëtyaktëpës ets y'ëna'antë: ¿Pën minaanp ets xyaj'ijxpëka'anëmë? ¿Pën minaanp ets xytyuknijawëja'anëmë mëti'ipë ja Dios të tnikäjpxyën?

Miqueas 7:2

Ka'ap naaxwiiny pën yë ja'aynyë mëtëypyë jyuuky'ätyën ets mëti'ipë Dios wyinkutsë'këpën; aakyë'ë jyëjp'ijxtëp jëna'a tsyiptun tyipkajpxtën; nixim niyam o'kënjëjp'am nyäy'ixa'anëtë.

Mateo 11:7

Tëë ënety tsyo'onëtë ja Juan ja kyexyye'epyë, ko ja Jesús tnimëtyaktëjkëy ja Juan, jëtu'un y'ënäny: ¿Tii ojts xynyinëjkxtë jam të'ëts'itjotm ets wi'ix ojts xy'ixtë? ¿Ojts xy'ixtë ja tsajpkäpyny tëëpë wyimpojtaaynyënë?

Mateo 24:11

May nëjkx nyätyijëtë Dios kyäjpxynyajxpë ets may ja ja'ay nëjkx twin'ëëny.

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Dios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënety ja Dios të twin'ixyën.

Hechos 23:21

Ka'ap xymyëpëkëty, jä'ä ko jap ja ja'ay tu'u ëkë'p y'owëxita'antë niwëxytyikxynyäxy. Tëë mëktä'äky nyäkyajpxëtë ko y'ayuu'ata'antë koonëm ja Pablo tyaj'ooka'antë. Je'eyë mijts ja m'ayuk yaj'ëwxijnë.

1 Corintios 12:2

Mnija'awëtëp miitsëty, ko ijty ka'anëm xymyëpëktë ja Wintsën Jesukristë, ja awinax ijty mwintsë'këtëp, mëti'ipë ka'ap kyäjpxyën.

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

1 Corintios 3:19

Yë naaxwiinyëtë ixpëkyajtën tsuuwinma'any yë Dios tyajnaxy, jëtu'un ja Dios ja y'aaw y'ayuk kyëxja'ayëty: Näy yë'ë kyë'ëm wijyajtën nëjkx ja ixpëkyjyä'äy Dios tyu'u'ëtukëtë ijxtëm tu'uk ja jëyujk yajtu'u'ëtukyën, jä'äkyëjxm ko tkanijawëtë ko ja y'o'kën t'anëjkxëtë.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

2 Corintios 4:2

Ka'apës tii ayu'utsy të ntuntë jëtu'un tä jeexyë tii yajtsëtyu'unjawën; ka'apës pën je'eyë të nwin'ëëntë ets ja Dios ja y'aaw y'ayuk të nyajtëkajtsëtë, tëy jaantyës të nnikäjpxy të nnimëtya'aktë mayjyä'äyjoty Dios wyintum.

Gálatas 3:1

Miits, Galacia ja'ayëty kutsuujëty. ¿Pën të mpatoy të mpanaxëtë? Tëëts yajxon ntuk'ijxpëktë miits mwintuuyëty ijxtëm ja Jesukristë ojts kyëruutspetyën.

Efesios 6:11

Nekyuwa'anëtë jëtu'un ijxtëm ja tsiptuunpë nyäxyoxëtën ko tsyiptuna'antë. Jëtu'un näkyëwent'atëtë mëët ja mëk'ajtën mëti'ipë Dios të mmo'ojëtën këtiipë ja mëjku'u wyinma'anypyaatëty wi'ix myajpokytyunëtëty.

1 Timoteo 3:6

Paaty ka'ap mëpaat yë'ë kyutuunk'aty ja ja'ay mëti'ipë naamnëm Dios mëpëjkpën; këtiipë nyämyëjpëjkta'akëtëty ets kya'ajëty ëxëëktum ijxtëm jyäjtyën ja mëjku'u.

2 Timoteo 1:15

Tëë xynyijawë ko tëëjës xynyikäkta'atë ja Asia ja'ayëty, ja Figelo ets ja Hermógenes.

2 Timoteo 3:13

E ja ëxëëkja'aytyëjkëty ets ja win'ë'ëmpëtëjkëty ni'ikyë y'o'ktëwa'antë, win'ëënantëp ni'ikyë ets näjyëtu'un yajwin'ëëna'antë.

2 Timoteo 4:3

Jä'ä ko pyatäämpy ja xëëw po'o ko ja ja'ay ka'ap tmëmëta'aka'antëty ja oypyë ijxpëjkën, kyë'ëm tsojkën yajtuna'antëp ets t'ixta'aja'antë kanaakjëjp ja yaj'ixpëjkpëtëjk ets tyuk'ijxpëkëtëty mëti'ipë yë'ë tsyojktëpën.

Hebreos 13:9

Këtii myajwin'ëëntëty mëët ja wiinkëtypë ja ijxpëjkën ets mëti'ipë wiinktsow tso'onpën. Yë'ë ni'ik oy ko amëk jotmëk nyajpatmëty ma ja Dios ja tsyojkën jya'awënën ets këtii ko npatu'unmëty ja ënä'ämën mëti'ipë nyikäjpxypën wi'ix ja ka'ayën ukën mëpaat yajjë'kxy yajpëkyën; jä'ä ko tääpë ënä'ämën ka'ap nimaa tyuny.

Santiago 1:6

Mëët yë mëpëjkën tii t'amëtowëty ets ka'ap kyumay kyutajëty; jä'ä ko pën kuma'ay kutajëp jëtu'un yë'ë ijxtëm yë nëë jyä'tsminy jyä'tsxëpyën, ko pyojminy pyojxëpy.

Santiago 3:4

Tim näjyëtu'un ja kepy nëëwinye'epyë, oy jyamëjëty ets mëk ja poj jyatukja'tyë, ja mëti'ipë yajye'epyën ja yajnëjkxyp ma tsokyën mëët ja kepy mëti'ipë yajtijpën timón.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënety jemnyëm t'ëxmatstë ja ëxëëk juukyajtën.

1 Juan 2:19

Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.

1 Juan 2:26

Paaty miits nnijäyëtë këtiipë myajwin'ëëntëty.

1 Juan 4:1

Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Dios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Dios tmëtuntë.

Judas 1:12

Je'eyë yajtsëtyuntë ko jam kyäytyë y'uuktë ma miits mxëëwtuntën, ko jam y'ätstë xyoonta'aktë ets ka'ap ninu'un wyinkutsë'ëkëtë. Jëtu'un y'ëtë'ëtstë ijxtëm jënaakën ja kupixyny këwent'ajtpë kë'ëm je'eyë nyäkyëwent'atyë. Jëtu'un yë'ëjëty ijxtëm yootsën ka'apë nyëëmëëtëtyën mëti'ipë pojjëtijtpën. Ijxtëm yë kepyën ka'apë tyëëmpetyën ma jyapaatyën, nikë oy ko tyimyajwijxë'ëkëty tyiktspaat ets tyimtë'ëtsëty.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.