Efesios 4:13 - Biblia Dc en Mixe de Quetzaltepec

¹³ koonëm tu'ukyë nyajpatmëty ma ja mëpëjkënën ets ma të yajnijawën ja Dios ja y'U'unk, ets jëtu'un npatmëty ja mëjja'ay'at ma ënety yajxon ja Kristën të nija'awëmën,

Biblia Mixe de Quetzaltepec

¹³ koonëm tu'ukyë nyajpatmëty ma ja mëpëjkënën ets ma të yajnijawën ja Tios ja y'U'unk, ets jëtu'un npatmëty ja mëjja'ay'at ma ënäty yajxon ja Kristën të nija'awëmën,

Efesios 4:13 ပူးပေါင်းရင်းမြစ်များ

Isaías 53:11

E oy ënety ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënety nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Sofonías 3:9

Ko ënety jëtu'un tpaaty ja xëëw jëmëjt, jääjës nëjkx nyajwatsta'ay ja naax kajpn ja y'aaw y'ayuk ets nitëkokyë xymyëkajpxtëtyës ets xymyëtuntëtyës.

Zacarías 14:9

Jä'ä xëëw nëjkx yë Wintsën yë'ë yajkutuky, naaxwiinyëtë apëtsëmy. Tu'kpajk nëjkx yë'ë y'ëne'emy ets tu'kpajk yë xyëëw nëjkx mëj'äämpy nyäxy.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Juan 1:16

Ni'ëmukë yë Dios të xykyënu'kxëmë kanaak ok mëjwiin këjää.

Juan 16:3

Paaty nëjkx jëtu'un y'ëtë'ëtstë, jä'ä ko ka'ap ja Dios Teety t'ixy'atë, ets ëjts nän ka'apës xy'ixy'atë.

Juan 17:21

N'amëtoy npëjktsoy ets tu'ukyë y'itëty; ijxtëmës tu'ukyë n'ityën mëët mijts ets mijts tu'ukyë mëët ëjts. Näjyëtu'unës n'amëtoy ets tu'ukyë y'itëty mëët ëëtsëty ets tmëpëktëty ja naaxwiinyëtë ja'ayëty ko mijtsës të xykyexy.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Juan 6:69

Tëës mijts nmëpëktë ets nija'awëtyëpës ko mijts mKristëty, Dios Wa'atspë.

Hechos 4:32

Ja mayjyä'äy mëti'ipë myëpëjktën ja Jesús, tu'ukyë ijty ja jyot wyinma'any tyaj'itë; ni pën ja pyëjktä'äky tkajä'äpëjktä'äky nätyu'uk, aak tu'knax tyajtuntë.

1 Corintios 1:10

Mëku'uktëjkëty, Wintsën xyëëwkyëjxm miits tyam nmënu'kxta'aktë ets mnäkyäjpxyjyä'äkyukëtëty këtiipë mnäpyëjkwa'kxëtëty. Tu'ukyë mëpaat mjuuky'atë, tu'ukyë mmaytyëty mtajtëty, tu'ukyë tii xytyuknipëjktaakëtëty.

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

1 Corintios 2:6

E ma ja mëti'ipë tëë ënety myëpëjknëtën yajxon, nyajtuuntës ja aaw ayuk tsipëtypë. Je'eyëp ko ka'ap yë'ëjëty wijyajtën kejyajtën mëti'ipë ja naaxwiinyëtë ja'ay ets yajkutujkpëtëjk yajtuuntëpën, mëti'ipë ka'ap tii mëk'ajtën tmëët'atyën.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

Gálatas 4:19

U'unk ëna'këty, mëk miits jatëkok nku'ëyowëtë ijxtëm tu'uk ja u'unktaak y'ëyoyën ko y'u'unk tyajmëxu'unk'ata'any ets nku'ëyoowëtëtstëp koonëm jëtu'un mjuuky'attëty ijxtëm ja Kristë tsokyën.

Efesios 1:17

N'amëtoopyës ja Dios ja myëj'ajt jyääntyajtën mëët ja Wintsën Jesukristë ets mmo'ojëtëty ja Kënu'kxymyëkajtën mëti'ipë yäjkpyën ja wijyajtën kejyajtën, ets yajxon xynyijawëtëty ja mëti'ipë Tios'ajtpën.

Efesios 1:23

Yë Kristë mëti'ipë myëët'ajtypyën tu'kë'ëyë winë, yë'ë tu'kë'ëyë nyitënaaytyääpy ja mëpëjkpëtëjk, mëti'ipë ijtëpën ijxtëm jeexyë jam yajpaatën ma ja Kristë ja nyi'kx kyopkën.

Efesios 2:15

jëtu'unts ka'ap y'ëktuunë ja ënä'ämën mëti'ipë winë nyikäjpxypën tii yajtun kayajtunëpën, tu'ukyë të tyajwë'ëmy ja jutiis ja'ayëty mëët ja mëti'ipë ka'ap jyutiisëty. Ets të tyajnaaxkëtä'äky ja jotkujk'ajtën.

Efesios 4:12

Jëtu'un tuknipëjktakëy ets tja'akyukëtëty ja Dios ja jyä'ä ets tja'akyukëtëty wi'ix ja Dios tmëtuntëtyën ets jyotmëkpëktëty mëti'ipë mëpëjktëpën, mëti'ipë ijtëpën ijxtëm ja Kristë nyi'kx kyopkën

Efesios 4:3

Mëmay mëtajtë wi'ix mnäyaj'itëtëtyën tu'ukyë ets jotkujk mëët ja Kënu'kxymyëkajtën.

Efesios 4:5

Tu'ukyë ja Wintsën, tu'ukyë ja mëpëjkën, tu'ukyë ja nëëpäjtën;

Filipenses 3:10

Yë'ës ntsojkpy etsës oy nnijawëja'any ja Kristë, etsës npaatëty ja mëk'ajtën ko të jyuukpyiky ets ko të tmënaxy të tyajnaxy ja ëyo'on jotmay; ets të xyajnaxyës tä yë'ëjën ko të y'ooky,

Filipenses 3:8

Ni tiis tyam jëtu'un nka'ixy tsyowpaaty ijxtëm ja oyajtënën mëti'ipë yajmëët'ajtpën ko ja Kristë Jesús të yajnijawë, mëti'ipës nWintsën'ajtypyën. Mëët koos ja Kristë të nmëpëky tëëjës winë nyajtëkooytyä'äy, aak pu'uxmën tu'kë'ëyë winë njawës koos ja Kristë npaata'any,

Colosenses 1:28

Yë'ëjës nikajpx nimëtyaktëp ja Kristë ets nyaj'ijxpëktës ntukmëkajpx ntukmëmëtya'aktës ni'ëmukë ja ja'ayëty ja wijyajtën, ets yajpaatëty oy wa'ats ma ja Kristën.

Colosenses 2:2

Paatyës jëtu'un ntuny jä'äkyëjxm koos ntsoky ets ni'ëmukë mjotmëkta'aktëty ets m'itëty tu'ukyë mëët ja nitsokën ets xymyëët'atëty kä'pxy ja wijyajtën kejyajtën, jëtu'unts xyjyä'äkyukëtëty xymyëtoowkukëtëty ja Dios ja jyä'ä mëti'ipë ijty kayajnija'apën, yë'ë jëtu'un ja Kristë.

Hebreos 5:14

E ja mëti'ipë yajpatëpën ijxtëm yë mëjatyjyä'äyën mëti'ipë kaaytyëp uktëpën, yë'ë mëti'ipë të tmëyujtën ets nyija'awëtyëp mëti'ipë oy ka'oyën.

2 Pedro 1:4

Ets mëët ja jëtu'unpë tëë xytyukwinwa'anëmë ja këjääpë ets tsowpë, yë'ëkyëjxm xypyata'antë ja Dios ja y'oyajtën, myëj'ajtën ets xykyukä'äktëty ja mëti'ipë këjxp najxpën, yääyëpë naaxwiinyëtën.

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.