Efesios 4:12 - Biblia Dc en Mixe de Quetzaltepec

¹² Jëtu'un tuknipëjktakëy ets tja'akyukëtëty ja Dios ja jyä'ä ets tja'akyukëtëty wi'ix ja Dios tmëtuntëtyën ets jyotmëkpëktëty mëti'ipë mëpëjktëpën, mëti'ipë ijtëpën ijxtëm ja Kristë nyi'kx kyopkën

Biblia Mixe de Quetzaltepec

¹² Jëtu'un tuknipëjktakëy ets tja'akyukëtëty ja Tios ja jyä'ä ets tja'akyukëtëty wi'ix ja Tios tmëtuntëtyën ets jyotmëkpëktëty mëti'ipë mëpëjktëpën, mëti'ipë ijtëpën ijxtëm ja Kristë nyi'kx kyopkën

Efesios 4:12 ပူးပေါင်းရင်းမြစ်များ

Lucas 22:32

je'eyëp ko tëëjës ja Dios nmënu'kxtä'äky ets ja mmëpëjkën ka'ap tyëkoy'atëty ets ko mjootwinpitëty mëët ëjts, jotmëkwinkajpxë ja mjëëky mmëku'uk.

Hechos 1:17

Ja Judas tu'ukyë ijty mëët nyajpatëmë, ets myëët'ajtyp ja tuunk ënety ma ëëtsajtëmën.

Hechos 1:25

Wä'än tuny ja tuunk mëti'ipë ja Judas y'ëxmajtsën ko ojts nyijkx ma ënety tuknipëjktaakë y'ityën.

Hechos 11:23

Ko jam jyä'äjty ja Bernabé ets t'ijxy wi'ix ja antioquiiëtë ja'ay ënety tëë ja Dios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Hechos 20:24

Ka'apës yë'ë nmëjpëjktä'äky; yë njuukyajtënës ka'ap tii tsowëty, yi'iyës ntukjotkujk'ajtyp ko ja ntuunkës nyajwintu'upëka'any mëti'ipës yë Wintsën Jesús të xytyuknipëkyën ets nkajpxwa'kxëtyës ja aaw ayuk oypyë ets ntuknijawëtës wi'ix ja Dios ja ja'ay ttsoky tjawën.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Dios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Dios jyä'äy'äjtypyën mëti'ipë të tku'ookën.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Romanos 12:5

näjyëtu'un ëëts'ajtëmë, oy jënu'un njanimay'ajtëmë, tu'ukyë nyajpatëmë mëët ja Kristë; jëtu'un ëëts nyajpatëmë ijxtëm jeexyë tu'ukyë ja ni'kx kopk yajmëëtëtyën mëët ja Kristë.

Romanos 12:7

Pën ja tuunk të yajmo'oyën ets tmëtunëty ja myëku'uk, wä'än oy tuny; mëti'ipë yaj'ijxpëjkpën, wä'än tyaj'ijxpëky;

Romanos 14:19

Wä'än yë'ë n'ixta'ayëmë wi'ix npatmëtyën ja jotkujk'ajtën ets nnäpyutëjkëmëty nixim niyam wi'ix nwinpäjtmëtyën ma ja mëpëjkën.

Romanos 15:14

Mëku'uktëjkëty, nmëpëjkpës ko tyiyëty ko miits ni'ik xymyëët'atë ja oyjyot oywyinma'any, ja wijyajtën kejyajtën ets mjajtëp wi'ix mnäkyajpxwijëtëty.

Romanos 15:2

Ni'ëmukë ëëts xypyaat'ajtëmë ntukjotkëtakmëty ja nmëku'uk'ajtëmë ets tuk'oy'atëty wi'ix wäänë oy tmëpëktëty ja Kristë.

Romanos 15:29

Nija'apës ko mëj këjää ja Kristë xykyënu'kxa'anëmë ko ënety nja'tyës jam ma miitsëtyën.

1 Corintios 12:27

Jëtu'un miits ja Kristë mëët mwë'ëmtë ijxtëm ja ni'kx kopk tu'ukpën ets jëtu'un miits nitu'ukjaty ijxtëm tu'kpëky ja ni'kx kopkën.

1 Corintios 12:7

Dios yäjkpy ja nyi''ijxpäjtën ets nyikëxë'ëkëty ja Kënu'kxymyëkajtën ets ni'ëmukë ntuk'oy'ajtmëty.

1 Corintios 14:12

Paaty, ko miitsëty yë'ë mtsojkën'ajtëp ja tuunk mëti'ipë ja Kënu'kxymyëkajtën yäjkpyën, yë'ë mëmay mëët'ajtëp mëti'ipë mtukputëkëtëpën ja mëpëjkpëtëjkëty ets ja myëpëjkën wyimpätëty.

1 Corintios 14:14

Pën ëjts Dios mëkajpxpës mëët ja wiink ayuk, ja njot nja'awënës ënety mëët ja Dios nja'amyetsy, je'eyëp ko ka'apës nwinmëtoy mëti'ipës nkäjpxypën.

1 Corintios 14:26

Mëku'uktëjkëty. Ko miits mye'eymyuktëty, jyëkyejpy jam pënëty y'ëwtëty, yaj'ijxpëktëty, nimëtya'aktëty ja Dios ja y'aaw y'ayuk, tkajpxtëty ja wiink ayuk ets wiinkpë tyajniwijtëty. Je'eyëp ko yë'ë mëti'ipë ni'ëmukë yajtuk'oy'atëpën.

2 Corintios 12:19

¿Wä'än jëtää miits mmaytyë mtajtë? ko mä'kxën yam mpëjktsoowtëpës ma miitsëtyën, je'eyëp ko ka'ap jyëtu'unëty. Dios wyintuuy wyinkujk ëëts nkajpxtë nmëtya'aktë ijxtëm ja Kristë të xymyo'otënës ja aaw ayuk. Mëku'uktëjkëty mëti'ipës ni'ik ntsojktëpën, tu'kë'ëyë mëti'ipës ntuuntëpën, yë'ëkyëjxm ets miits mwinpätëty ma ja mmëpëjkënëtyën.

2 Corintios 13:11

Tyamës nkajpxwë'ëmy mëku'uktëjkëty, ntukmëtsojktëp ets akujk jotkujk mjuuky'atëty. Yë'ë ixta'atë mëti'ipë wa'atsën. Patuntë mëti'ipë ojts ntuknijayëtën ets itë tu'ukyë mëët ja jotkujk'ajtën. Pën mtuuntëp jëtu'un, m'itantëp mëët ja Dios mëti'ipë ja oyjyot oywyinma'any yäjkpyën tëy tëtä'äky.

2 Corintios 13:9

Paaty jotkujk näjya'awëm ko ëmaay paki'ix nyajpatëmë ets miits mëk myajpaatëty; xëmës ja Dios n'amëtowa'any mpëjktsowa'antë ets wa'ats m'awinpitëty.

2 Corintios 3:8

¿Wi'ixpëm jëtää wäänëni'ik ja mëj'ajtën jaanty'ajtën tmëët'ata'any yë jempyë käjpxytyu'unën mëti'ipë Kënu'kxymyëkajtën jyä'ä'ajtypyën?

2 Corintios 4:1

Paatyës ka'ap n'ëxëëkjawëtë, jä'ä ko Tiosës të xytyuknipëktë ya'atë tuunk mëët yë pya'ëyo'ow nyajts'ëyo'owën.

2 Corintios 5:18

Tu'kë'ëyë ya'atë, aak Dios jëtu'un të tuknipëjktakëtyä'äy, mëti'ipë mëët ja Kristë të xyajnämyë'oypyëjkëmën ets të xymyo'oyëm ja tuunk ets ja ja'ay ntuk'ëwa'anëmëty wi'ix yë tsyip y'äkë tyaj'oyëtëtyën.

2 Corintios 6:3

Ka'apës pën tëkatsy të najtstunëtë, këtiipë ja ntuunkëtyës nyipäxëtëkëty.

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Dios, tsojk ntu'unëm ja oypyë ets ja wa'atspë Dios wyintuuy.

Efesios 1:23

Yë Kristë mëti'ipë myëët'ajtypyën tu'kë'ëyë winë, yë'ë tu'kë'ëyë nyitënaaytyääpy ja mëpëjkpëtëjk, mëti'ipë ijtëpën ijxtëm jeexyë jam yajpaatën ma ja Kristë ja nyi'kx kyopkën.

Efesios 4:16

Mëët ja Kristë oy y'ity ja ni'kx kopk ets tu'ukyë nyämyajts'ijta'ayë; ko aak'oy tyuunta'ay oy ni'ëmukë yääktë pyätë ets tyajmëjtëkëtë ja nätsyok näjyawë.

Efesios 4:29

Ka'ap y'ëk'ëxëëk kajpxnëty, yë'ë kyajpxëp myëtya'akëp ja oypyë ja aaw ayuk mëti'ipë tyukmëjnaxëpën ja naax kajpn ets tuk'oy'atëty ja ja'ay ko tmëtowtëty.

Efesios 4:4

Tu'ukyë ëëts'ajtëmë nyajpatëmë ijxtëm ja ni'kx kopkën ets tu'ukyë ja Kënu'kxymyëkajtën yajpaaty, jëtu'un ijxtëm ja Dios të xytyukwinwa'anëmën tu'ukyë ja mëti'ipë yajjëjp'ijxpën.

Colosenses 1:24

Jotkujkës näjyawëty ko miits nku'ëyowëtë, jëtu'unës nyajkä'pxy ja ëyo'on maas ja njot nini'kxën, mëti'ipë ja Kristë kyayajka'pxën ma tku'ëyo'owëyën ja mëpëjkpëtëjkëty, mëti'ipë yë'ë nyi'kx'ajtyp kyopk'ajtypyën.

Colosenses 1:28

Yë'ëjës nikajpx nimëtyaktëp ja Kristë ets nyaj'ijxpëktës ntukmëkajpx ntukmëmëtya'aktës ni'ëmukë ja ja'ayëty ja wijyajtën, ets yajpaatëty oy wa'ats ma ja Kristën.

Colosenses 4:17

Tukmëmëtya'aktë ya'atë yë Arquipo: Kä'pxy xypyatunëty ja mtuunk ijxtëm ja Wintsën të mtuknipëkyën.

1 Timoteo 1:12

Nkukajpxëpës ja nWintsën'ajtëm Jesukristë koos të xymyo'oy mëk'ajtën, yë'ëjës të xyajnaxy wa'ats ja'ay etsës të xywinwitsy etsës nmëtunëty,

2 Timoteo 4:11

Lucas yam nätyu'uk të jyaak wë'ëmy. Ixta'a ja Marcos ets mëët mminëty, jä'ä ko xytyukputëjkëpës yë'ë ja Wintsën ja tyuunk.

2 Timoteo 4:5

E mijts, niwijy nikejy mja'ay'atëty, mëtanë ja ëyo'on, kajpxwa'kx xëmë yë aaw ayuk oypyë, patun oy yë mtuunk.

Hebreos 13:17

Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Dios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.

Hebreos 6:1

Tsojk nyajtu'uye'eyëm ja Dios ja y'aaw y'ayuk koonëm kä'pxy nnija'awëmëty mëti'ipë ja Dios tsyojkpyën. Ka'ap yi'iyë ntukjotkujk'ajtmëty mëti'ipë të nyajtukni''ijxëmën ko Kristë ojts ëka'any nmëpëjkëmë. Ka'ap jatëkok n'a'ijxpëjkëmëty, wi'ix ja ja'ay jootwinpittëty, wi'ix t'ëxmatstëty ja ëxëëk juukyajtën mëti'ipë tukpatpën ja o'kën, ëkë wi'ix tmëët'atëty ja mëpëjkën ma Tiosën,