Efesios 3:20 - Biblia Dc en Mixe de Quetzaltepec

²⁰ E tyamm, mëj'äämpy ja Dios nyäxy, ko tmëët'aty ja mëk'ajtën ets winë tunëty, wäänëni'ik këtiinëm ijxtëm n'amëto'owëmën ëkë ijxtëm nmëma'ay nmëtajëmën, oy ko tmëët'aty ja kuttujkën ets winë tunëty ma ëëtsajtëmën.

Biblia Mixe de Quetzaltepec

²⁰ E tyamm, mëj'äämpy ja Tios nyäxy, ko tmëët'aty ja mëk'ajtën ets winë tunëty, wäänëni'ik këtiinëm ijxtëm n'amëto'owëmën ëkë ijxtëm nmëma'ay nmëtajëmën, oy ko tmëët'aty ja kutujkën ets winë tunëty ma ëëtsajtëmën.

Efesios 3:20 ပူးပေါင်းရင်းမြစ်များ

Génesis 17:1

Ko ënety yë Abram yë jyëmëjnë majkta'px majkmokx majktaxk, ënety yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Génesis 18:4

Tyamës nëjkx yë nëë nyajtsoony ets mkë'ëpuj mtekpyujtëty. Tääts wäänë mwinpo'kxnaxtëty yaa kepypya'tkë'ëy ma nyiktuuyëtyën.

2 Samuel 7:19

Wäänë jëtäätën xy'ixy, ko yë'ëpaat xynyikajpxnë wi'ix myiny wyinkonyën ja n'ënä'ämënës nkutujkënës, wi'ix ja n'u'unk n'okës nëjkx y'ënä'ämtën yajkutuktën. Jëtu'un ijxtëm mijts winë xytyunyën, ka pën mkamëpaatëtëty Wintsën.

1 Reyes 3:13

Ëpëky näjyëtu'un nmo'oja'any ja wit meeny ets mëj'ajtën oyajtën ets winëjaty mëti'ipë ka'ap të xy'amëtoyën, ka'ap pën mmëpaatëtëty tä mijts tyam myajkutuka'anyën.

2 Crónicas 25:9

Tä ja Amasías tyajtëëy ja Wintsën ja myëtuunpë: ¿E ja tëkëëk mil ja tëkëëk mëko'pxpë ja poop pujxn meeny, mëti'ipës të ntukmëjuyën ja ja'ayëty mëti'ipë tsiptunantëpën? Tääts ja Wintsën ja tyuunpë y'ëtsooy: Yë Wintsën tam jyätyë tmëëtëty, yë'ë mo'ojëtëp jaakwäänëmay.

2 Crónicas 9:12

Ja yajkutujkpë Salomón ojts tmo'oy ja to'oxytyëjk, Sabá yajkutujkpë tëkokyë mëti'ipë amëtoowën, ëpëky mëti'ipë ënety të tmo'oyën ko winë näjyëtu'un myooyë. Ok ja to'oxytyëjk, Sabá yajkutujkpë ojts wyimpijnë ma nyaax kyajpnën, mëët ja jyä'äy mëti'ipë jämyëët'ajtëpën.

Éxodo 34:6

Jam ojts nyäxy winkon ma ja Moisés yajpaatyën ets mëk y'ënäny ja mëto'owën: Yë Wintsën, yë Wintsën. Yë Dios mëti'ipë oyjyot oywyinma'any myëët'ajtypyën, mëti'ipë pa'ëyoop najts'ëyo'owëpën, mëti'ipë mä'kxtujkpën ets mëj këjää tsyoky jyawë ets aak mëtëy winë tuny.

Cantares 5:1

Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Isaías 35:2

wä'än jam tyony yë pëjy, lirië pëjy, wä'än tuktuky mëët yë xoontakën ets jotkujk'ajtën. Yë Wintsën oy tsuj tyaj'awinpita'any tä ja Líbano kopkën, jë'kxynyaaxjot tä ja Carmel kopk ets Sarón joyën. Ni'ëmukë nëjkx t'ijxtë ja Wintsën ja myëj'ajt y'oyajtën, mëti'ipë ja Wintsën yajmëjnajxëpën.

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Jeremias 32:17

Mijts Wintsën, mëët ja mëk'ajtën ets ja kuttujkën të xyajkojy ja tsajp ets naaxwiinyëtë, ka'ap nitii tsip xyjyawë.

Jeremias 32:27

Ëjts jëtu'un Wintsënajtp, mëti'ipë Tyios'ajtëpën tëkokyë juukpyë. Nitii kyatsiptä'äky mëët ëjts.

Daniel 3:17

Ëëts ja nTiosëty, mëti'ipë n'ëwtajtëpënës, yë'ëjës xyajtso'oktëp jap jëënjoty ets muum ëxëëktum ma ënety ja yajkutujkpë ëëts xypyëjkta'aka'antën, yë Wintsën yë'ë ëëts xyajtso'okantëp.

Daniel 6:20

Ko tmëwinkoony ja kaa ijtakn, ënät jë'ë ya'ax tmëkäjpxy ja Daniel: Daniel, Dios mëtuunpë, ¿tëë ja mTios myajtso'okyë kaa aawjoty, mëti'ipë m'ëwtajtypyën ets mëtuumpyën ëmuumtu'ukjotë?

Mateo 3:9

këtii nëkoo mnätyukmëjjawëtëty tii ets m'ëna'antëty: Abraham ëëts nteety'ajt n'ap'ajtëp, ka'apës Dios xyaj'ëyowtëty. Tyam miits nëëmëtë ko Dios mayëtëp ets tsaa tyaj'awinpitëty Abraham y'u'unk y'ok.

Juan 10:10

Yë mä'tspë, yi'iyë nyimiimpy ets myäätsa'any, yaj'ooka'any ets yajkutëkoyä'äny. Ëjts yë'ëjës të niminy ets ja ja'ay jyuuky'atëty akujk jotkujk.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

Romanos 4:21

tëë ënety ja y'aaw jyot tpëjktä'äky ko Dios ja mëk'ajtën tmëëtëty ets tpatun ja wyaantä'äky.

1 Corintios 2:9

E jëtu'un të jyäty ijxtëm kuja'ay myinyën: Ni pën tka'ixy tkamëtoynyëm ets ni pën tkawinmaynyëm mëti'ipë ja Dios të tuknipëjktaakën.

2 Corintios 9:8

Mmo'ojanëtëp miits ja Dios wäänëni'ik oymyëti'ipë kënu'kxënëty ets xymyëët'attëty xëmë mëti'ipë mtukjuuky'attëpën; näjyëtu'un nyatëkëty mëti'ipë mtukputëjkëtëpën ja ka'apë tii tmëëtëtyën.

Efesios 1:19

ets näjyëtu'un xyjyä'äkyukëtëty ko ja Dios ja myëk'ajtën ka'ap kyixy kyäxy, yë'ë tuunp ma ëëtsajtëmën ko nmëpëjkëmë. Ya'atë mëk'ajtën nän yë'ë mëti'ipë Dios ojts tyaj'ixyën mëët ja kuttujkën

Efesios 3:7

Dios të tuny ja mëyajtën ma ëjtsën mëët ja y'oy jot y'oy winma'any ets pya'ëyo'ow nyajts'ëyo'owën, tëëjës xytyuk'ixy ja myëk'ajtën.

Colosenses 1:29

Paatyës mëk ntuntë ets npajotëkoytyës mëët ja mëjaaw mëk'ajtën mëti'ipës ja Kristë xymyooytyëpën.

1 Timoteo 1:14

Jëtu'un ja Wintsën ja mëjmëyajtën të tuny maas ëjtsën etsës të xymyo'oy ja mëpëjkën, tsojkën ja'awën mëti'ipë nmëët'ajtëmën ko tu'ukyë ja Kristë Jesús të nmëpëjkëmë.

Hebreos 11:19

Paaty ja Abraham jëtu'un tuuny ko ojts myäy tyäjy ko Dios myëët'ajtyp yë mëk'ajtën ets o'kpë paat tyajuukpyëkëty, paaty ja Abraham ja y'u'unk jatëkok t'ëxajëy ets ojts yë'ë wyi'imy ijxpät.

Hebreos 7:25

Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Dios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

Santiago 4:12

Tu'uk je'eyë mëti'ipë ja ënä'ämën yajkën ets ja ja'ay tpaye'eyëty; nän yë'ë yajnitso'okaanp ets yajwintëkoyaanp. E mijts, ¿Mpënmës ko ja mmëku'uk ja pyoky xytyukwinmëtoy?

2 Pedro 1:11

Jëtu'un akujk jotkujk mtëkëtëty ma ja Wintsën Jesukristë Yajnitsokpë kyutujktaknën ets jam m'itëty xëmëkyëjxm.

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.