Efesios 3:10 - Biblia Dc en Mixe de Quetzaltepec

¹⁰ Jëtu'un'äämpy tyam, mëët ja mëpëjkpëtëjkëty, nijawëtëty ja tsajpjotmëpë yajkutujkpëtëjk ja Dios ja wyijy'ajtën kyejyajtën mëti'ipë kanaakjëjp nikëxë'kpën.

Biblia Mixe de Quetzaltepec

¹⁰ Jëtu'un'äämpy tyam, mëët ja mëpëjkpëtëjkëty, nijawëtëty ja tsajpjotmëpë yajkutujkpëtëjk ja Tios ja wyijy'ajtën kyejyajtën mëti'ipë kanaakjëjp nikëxë'kpën.

Efesios 3:10 ပူးပေါင်းရင်းမြစ်များ

Salmos 103:20

Mëjjaw kënu'kxyjyawëtë yë Wintsën miitsëty Dios kukäjpxy ninu'un myaj'ënä'äm myajmëkajpxtën; ninu'un jëjp'ixy myajpaatën ets xymyëmëtowa'antë.

Salmos 104:24

Mëj këjää winë të xytyuny, Wintsën. Winma'anymyëët winë të xyajkojy; yë naaxwiinyëtë ujts yajpaaty mëët mëti'ipë të xyajkojy të xypyëjktä'äkyën.

Ezequiel 3:12

Ënet ja Dios ja myëk'ajtën ojts xywyijtsë'ëkyës ets jap njëxkë'pës nmëtooyës tu'uk yë mëto'owën mëkpë, jëtu'un y'amu'uy tä yë naaxwiinyëtë yu'kxyën, ko jyëwä'äky jam ma y'ijtaknën ja Wintsën ja myëj'ajt y'oyajtën.

Romanos 11:33

Ni'ik ja Dios ja myëj'ajt jyääntyajtën kyëjääjëty ets näjyëtu'un ja wyijy'ajt kyejyajtën. Ni pën kyamayë tkajpxtë'kxëty mëti'ipë të tuknipëjktaakën ets ka'ap pën myäyëtëty twinjawëty ja nyë'ë tyu'u.

Romanos 8:38

Nnija'apës ko ka'ap pën xypyëjkëmëty ja Dios ja tsyojkën: ni o'kën, ni juukyajtën, ni tsajpjotmëtë kukäjpxy, ni ku'oypyë, ni tyampë, ni miinpë wiinkoonpë,

1 Corintios 1:24

e mëti'ipë ja Dios të wyin'ixëtën, wä'än tjutiisëty tkajutiisëty, ya'atë Kristë, yë'ë Dios yë myëk'ajtën ets wyijy'ajtën.

1 Corintios 2:7

Yë'ë yajtijp ja Dios ja wyijy'ajtën kyejyajtën mëti'ipë ijty kayajnija'apën, mëti'ipë ja Dios tyuknipëjktakëyën tëëyëp ma ja naaxwiinyëtë ënety ka'ap tyajkojynyëmën ets ëëtsajtëm ntuk'oy'ajtmëty.

Efesios 1:21

ojts tpëjktä'äky ets tnikopk'atëty tu'kë'ëyë ja ënä'ämën kuttujkën, mëk'ajtën ets ma tu'kë'ëyë mëti'ipë jää'ajtëpën, ma tyampën ets mëti'ipë miimp këtakpën.

Efesios 1:23

Yë Kristë mëti'ipë myëët'ajtypyën tu'kë'ëyë winë, yë'ë tu'kë'ëyë nyitënaaytyääpy ja mëpëjkpëtëjk, mëti'ipë ijtëpën ijxtëm jeexyë jam yajpaatën ma ja Kristë ja nyi'kx kyopkën.

Efesios 1:3

Mëjjaw jaantyjawë nyäxy ja Dios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Efesios 1:8

Jëtu'un ja Dios tyaj'ixyë ja tsyojkën ko xymyo'oyëmë tu'kë'ëyë ja wijyajtën kejyajtën,

Efesios 6:12

Jä'ä ko ka'ap jyä'äyëty mëët ntsiptu'unëm, yë'ë mëët ntsiptuntë mëti'ipë tsajpwinm yajkutujktëpën; kutujkënmëëtpë, mëk'ajtënmëëtpë ets mëti'ipë ënä'ämtëpën ma ja ja'ay tkamëmëtowtën ja Dios.

Colosenses 1:16

Mëët ja Kristë ojts ja Dios winë t'oytyuunta'ay mëti'ipë tsajpjotm ijtpën ets mëti'ipë naaxwiinyëtën, mëti'ipë yaj'ijxp, kayaj'ijxpën. Wä'än tkutujktaknëty, wä'än tmëk'ajtënëty, wä'än tyajkutujkpëty ëkë wä'än tkutuunkëty. Mëët ja Kristë ojts winë t'oytyuunta'ay ets yë'ë ojts yajtukni'oytyunë.

Colosenses 2:10

ets yë'ë ko tu'ukyë m'itë mëët ja Kristë, jam ja Dios y'ity ma miitsëtyën. Ja Kristë nyikëpajk'ajtääpy tu'kë'ëyë mëti'ipë myëët'ajtëp ja mëk'ajtën ets ja kuttujkën.

Colosenses 2:15

Kristë mëët yë Dios ojts tpëjkëtë ja kuttujkën yaapë naaxwiiny y'ënä'ämtën ets yajkutuktën ets ojts naxym tyajnajxtë tsumpyë matsypyën ko ojts yë Kristë myëtä'äky.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

1 Pedro 1:12

Dios tyuk'ijx tyuknija'awëy ja kyäjpxynyajxpëtëjk ko ka'ap yë'ëjëty tuk'oy'ata'antë mëti'ipë kyajpxwa'kxtëpën, miits mtuk'oy'atantëp. Tëë ënät tyam miits xy'ixtë xypyaatë mëti'ipë ojts yë'ë tkajpxwa'kxtën ko ojts yajtuk'ëwaanëtë ja aaw ayuk oypyë Kënu'kxymyëkajtën mëët mëti'ipë tsajpjotm tso'onpën. Kukäjpxy paat ojts jëtu'unpë tjanijawëja'antë.

1 Pedro 3:22

mëti'ipë ojts pya'tëkën tsajpjotm ets nyaaxwe'tsy ma ja Dios Teety yajkutukyën a'oytsyow, ets yë'ë tyam y'ëne'empy ja anklëstëjk ets mëti'ipë ja mëk'ajtën ets ja kuttujkën myëët'ajtëpën.