Efesios 3:1 - Biblia Dc en Mixe de Quetzaltepec

¹ Paatyës, ëjts Pablo, yap tsumy n'ity mëët yë'ëkyëjxm koos ja Kristë nmëtuny ets miits xytyuk'oy'attëty mëti'ipë ka'ap jyutiis'atën.

Biblia Mixe de Quetzaltepec

¹ Paatyës, ëjts Pablo, yap tsumy n'ity mëët yë'ëkyëjxm koos ja Kristë nmëtuny ets miits xytyuk'oy'attëty mëti'ipë ka'ap jyutiis'atën.

Efesios 3:1 ပူးပေါင်းရင်းမြစ်များ

Lucas 21:12

Naamka'anëm ënety jëtu'un jyäty kyëpetynyëm, ko nëjkx miits myajmatstë, myajpajëtijta'aktë, myajkë'ëyaktë ma ja tsajptëjkën ets myajtsumtë ets myajmënëjkxtë ma ja yajkutujkpëtëjkën jä'äkyëjxm ko ënety miits të mëpëktë ma ëjtsën.

Hechos 21:33

Ënet ja mëj tsiptuunpë wintsën tmajtsy ja Pablo ets tni'ënä'ämëy ets yajkë'ëtsumëty mëët mäjtsk ja pujxntejpxy. Ok tyajtëy pën ja'ay ets tii të tuuntëkoy.

Hechos 23:18

Tääts ja tsiptuunpë tu'uwinye'epyë ojts twoownëjkxy ja yä'äy ëna'k ma ja tsiptuunpë wintsënën, ets t'ënëmaay: Yë'ës yë Pablo të xyaaxë mëti'ipë jap tsumyën, etsës të xy'ënëëmë ko ya'atë yä'äy ëna'k yaa nwoowminëtyës, aaw ayukëk myëmiinpy mëti'ipë mtuk'ëwaanëjanëpën.

Hechos 26:29

Tääts ja Pablo y'ëtsooy: Pën ënätyë ëkë pën ka'ap, npëjktsoopyës yë Dios ets mijts, mëët ni'ëmukë yë mja'ay mëti'ipë yam myëtoowtëpën, m'itëty ijxtëm ëjtsën, oy kyakë'ëtsumyëty ijxtëmës yamën.

Hechos 9:15

Tää ja Wintsën y'ënäny: Nëjkx, tëëjës ntuknipëky. Nyajtunäämpyës yë'ë ets nyëjkxëty ma ja ja'ay mëti'ipë ka'ap jyutiisëty. Jamts tnikäjpxy tnimëtya'akëty ja n'aaw n'ayukës ma ja mëti'ipë tsënaaytyëpën wiink it wiink naax ets ja yajkutujkpë mëti'ipë ënä'ämtëpën, näjyëtu'un ja Israel ja'ayëty.

2 Corintios 1:6

Pën ëyoowtëp ëëtsëty, yë'ëkyëjxm ets miitsëty xypyaatëty ja jotkujk'ajtën ets ja nitsokën; ets pën xyajjotkujk'ajtpës ja Dios, yë'ëkyëjxm ets miits mjotkujk'atëty ets amëk jotmëk xymyënax xyajnaxtëty ja ëyo'on mëti'ipë ëëts näjyëtu'un të nmënax nyajnaxtën.

2 Corintios 10:1

Ëjts, Pablo, n'amëtoy npëjktsoyës ja mëyajtën ma miitsëtyën, mëët ja Kristë yujy'ajt nyäxym'ajtën; oy pën y'ëna'anëty ko amonyës n'ity koos jam nyajpaaty ma miitsëtyën, ko ku'aawës näpyëjktä'äkyë koos jëkäm nyajpaaty.

2 Corintios 11:23

¿Kristë myutuuntëpë? Wäänë ni'ikës ëjts, oy jëtu'un yajmëtoy kupojës yowë koos jëtu'un n'ëna'any. Wäänë ni'ikës winë të ntuny këtiinëm yë'ëjëty, kanaak okës të nyajtsumy këtiinëm yë'ëjëty. Ni'ikës të nyajwopy të nyajka'atsy këtiinëm yë'ëjëty, kanaak okës o'kënjëjp'am të nyajpaaty.

Gálatas 5:11

Mëku'uktëjkëty, ko jeexyë ëjts n'ëkni'ënä'ämë ets ja ja'ay yajnatsujk'ëwëtitëty ja ye'etyëjkajtën, ka'ap jeexyë yë jutiis ja'ay xymyëtsip'attës, jä'ä ko ka'ap jeexyë ja Kristë ja y'aaw y'ayuk t'ëxëëkjawëtë, ko yajnimëtyä'äky ko yë'ë të y'ooky kruutskëjxm.

Gálatas 5:2

Ëjts nxëëwajtyp Pablo, mëtoow'itë wi'ixës yam n'ëna'ana'anyën. Pën mkupëjktëp miits ets yajnatsujk'ëwtitëty ja mye'etyëjk'ajtënëty, tii ja Kristë nyawa'anëty ma miitsëtyën.

Gálatas 5:24

Pën ja Kristë jä'ä''ajtëtëp jëtu'un tpaaty ijxtëm jeexyë të tyajkruutspätën ja y'ëxëëkjot y'ëxëëk winma'anyëty.

Efesios 3:11

Jëtu'un ja Dios të tuny winë ma ja Kristë Jesusën ijxtëm tëëyëp tuknipëjktaakën.

Efesios 3:13

Paaty këtii xymyëmay xymyëtajtëty ko miits nku'ëyowëtë. Miits yë'ë mtuk'oy'ajtëp koos yap n'ity.

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Efesios 4:1

Paaty ëjts, maas yap tsumy n'ityën koos yë Wintsën Jesukristë tmëpëky, tyam miits nmënu'kxta'aktë ets jëtu'un mjuuky'attëty ijxtëm ja ja'ayëtyën mëti'ipë ja Dios të myëkajpxëtën, ijxtëm miitsëty ojts mjuuky'atën.

Efesios 6:20

Tëës ja Dios xykyexy etsës yë aaw ayuk oypyë nkajpxwa'kxëty, mëti'ipës të nkutsumtsyëënën. Ja'amyätstë ja Dios etsës amëk jotmëk nikajpx nnimëtya'akëty, ijxtëm pyäätyën.

Filipenses 1:7

Jëtu'un pyaat'atyë ko miits nmëmay nmëtajtëty, jä'ä ko mëk miits n'oyjyawëtë ets jä'ä ko nän mëët miits n'itë ma ja Dios ja kyënu'kxënën, oyës tsumy matsy nyajpaaty ëkë oyës ja kutuunktëjk nwinkuwa'akëty, ja oy aaw oy ayuk jootjoty nwinma'anyjyotyës yajpaaty.

Colosenses 1:24

Jotkujkës näjyawëty ko miits nku'ëyowëtë, jëtu'unës nyajkä'pxy ja ëyo'on maas ja njot nini'kxën, mëti'ipë ja Kristë kyayajka'pxën ma tku'ëyo'owëyën ja mëpëjkpëtëjkëty, mëti'ipë yë'ë nyi'kx'ajtyp kyopk'ajtypyën.

Colosenses 4:18

Ëjts Pablo, ëjts yam kë'ëm njääpy ya'atë kajpxpo'kxën ets miits ntuknijayëtë. Xyjä'ämyätstëpës koos yam tsumy n'ity. Dios mkënu'kxëtëp.

Colosenses 4:3

Tuknija'amyäjtsëtëkës ja Dios ets ja në'ë tu'u y'ëwa'atsëty ets nkajpxwa'kxëtyës ja Kristë ja y'aaw y'ayuk, mëti'ipë ijty kayajnija'apën ets mëti'ipës tsumy nku'ijtëpën.

2 Timoteo 1:16

Wä'än ja Dios tpa'ëyoy ja Onesíforo ja y'u'unk y'ëna'k, y'u'unk tyo'oxytyëjk, jä'ä ko kanaak okës të xynyiminy ets të xyajjotkujktä'äkyës ets yë'ë ka'apës të xytyuktsëtyuny oyës yap tsumy n'ity.

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

Filemón 1:1

Pablo, mëti'ipë tsumy ijtpën ko ja Kristë Jesús ja y'aaw y'ayuk tkajpxwa'kxë ets ja nmëku'uk'ajtëm Timoteo tkexy ja kajpxpo'kxën ma ja Filemonkën, mëti'ipë yajmëku'uk'ajtpën ma ja tuunkën

Filemón 1:23

Mkajpxpo'kxëtëp ja Epafras, nmëpujxntëjk ja'ayës ma yajkutsumy'itën ja Jesukristë,

Filemón 1:9

nikë oy yajmëtowëty ko mijts nmënu'kxta'akëty mëët ja tsojkën ja'awën. Ëjts Pablo, tëëjës nmëjja'ayënë ets tsumy matsyës yap n'ity koos ja Kristë Jesús ja y'aaw y'ayuk nkajpxwa'kxë.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.