Efesios 2:19 - Biblia Dc en Mixe de Quetzaltepec

¹⁹ Miitsëty ka'ap m'ëk jaaypyo'kxy ja'ay'ajnëtë, tu'kkukajpn miitsëty tyamnë, tu'ukyë ja Dios myaj'itëtë ijxtëm ja ja'ay tu'kjëën tuktëjkpën.

Biblia Mixe de Quetzaltepec

¹⁹ Miitsëty ka'ap m'ëk jaaypyo'kxy ja'ay'ajnëtë, tu'kkukajpn miitsëty tyamnë, tu'ukyë ja Tios myaj'itëtë ijxtëm ja ja'ay tu'kjëën tuktëjkpën.

Efesios 2:19 ပူးပေါင်းရင်းမြစ်များ

Mateo 10:25

Yë ijxpëjkpë yë'ë tyukjotkujk'atëp ko jëtu'un jya'ta'any tä ja yaj'ijxpëjkpën ets ja mëtuunpë tä wyintsënën. Pën Beelzebú yajtijy ja u'unkteety, ¿tii ko näjyëtu'un kyayajtijtëty ja y'u'unk y'ëna'k?

Gálatas 6:10

Paaty, oy tyimjëna'ajëty, ntu'unmëp ja oypyë ma ja ja'ayëtyën ets yë'ë ka'ap nja'atyëko'omyëty yë nmëku'uk'ajtëmë mëti'ipë näjyëtu'un mëpëjktëpën.

Efesios 2:12

ja'amyätstë ko jëwyiinyëp ka'ap ijty mëët ja Kristë m'itë, winjëkämjaty ijty myajpaatë ma ja Israel ja'ayëtyën, ets mëjëkäm'ajtëp ja Dios ja wyaantakën. Jëtu'un ijty miits yaa naaxwiiny mjuuky'atë, ka'ap ja Dios xynyijawëtë ets nitii xykyajëjp'ixtë.

Efesios 3:15

ma ja xyëëw tsyoontën tëkokyë naaxwiinyëtë ja'ay ets tsajpjotmëpë yajpaatën.

Efesios 3:6

Ya'atë ijty kayajnija'ap: mëët ja oy aaw oy ayuk Dios tmëkajpxta'ay ja naax kajpn ets yajpaatëty mëët ja Kristë Jesús ets t'ëxajëtëty mëti'ipë ja Dios të twaantä'äkyën.

Filipenses 3:20

E ëëts'ajtëmë, jam tsajpjotm nkukajpn'ajtëmë, yë'ë njëjp'ijxëmë ko tsajpjotm tsyoonëty ja Yajknitsokpë, ja Wintsën Jesukristë,

Hebreos 11:13

Tëkokyë ya'atë ja'ayëty ojts y'o'kta'atë ets kä'äpyëm t'ëxajëtyë mëti'ipë ja Dios ënety të tyukwinwanëtën; je'eyëp ko mëët ko myëpëjktë ojts jëkämpaat myäytyë tyajtë ets jotkujk nyäjya'awëtë jä'ä ko jëtu'un yaa najxëmë naaxwiiny jaaypyaat jaaypyo'kxyën.

Hebreos 13:14

Yaa naaxwiiny ka'ap yaa ja kajpn nmëët'ajtëm mëti'ipë xëmëkyëjxm itëpën, yë'ë n'ixta'ayëm ja naax kajpn mëti'ipë miimp wiinkoonpën.

1 Pedro 2:11

Mëku'uktëjkëty jëtu'un yam miits nmënu'kxta'aktë tääjës jeexyë ëjts njaaypyo'kxyjyä'äyëtyën tëyëpë nyäxyën yaa naaxwiiny; ko ka'ap xyajmëta'aktëty ja yääyëpë naaxwiiny yajxoontä'äkyën mëti'ipë ja n'anëmë'ajtëm ka'ap tkupëkyën.

1 Juan 3:1

Ixtë wi'ix ja Dios Teety mëj këjää të xytsyojkëmën ko të xy'u'unkniwa'anëmë. Paaty ka'ap xy'ixy'ajtëm ja ja'ay mëti'ipë tyuuntëpën ja yääyëpë naaxwiinyëtë kyixy nyäxyën, jä'ä ko ja Dios tka'ixy'atë.