Efesios 2:18 - Biblia Dc en Mixe de Quetzaltepec

¹⁸ Kristë xypyutëjkëmëp ni'ëmukë mëët ja kënu'kxymyëk'ajtën ets npatmëty ja Dios, jëtu'un ja jutiis ja'ayëty ets näjyëtu'un mëti'ipë ka'ap jyutiisëty.

Biblia Mixe de Quetzaltepec

¹⁸ Kristë xypyutëjkëmëp ni'ëmukë mëët ja kënu'kxymyëk'ajtën ets npatmëty ja Tios, jëtu'un ja jutiis ja'ayëty ets näjyëtu'un mëti'ipë ka'ap jyutiisëty.

Efesios 2:18 ပူးပေါင်းရင်းမြစ်များ

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënet nëjkx t'ijxpaatë ja mëti'ipë ënety të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Mateo 28:19

Nëjkxtë naaxwiinyëtë apëtsëmy ets xyaj'awinpitëty yë ja'ay ëjts n'ijxpëjkpë; yajnëëpätë mëët yë Dios yë xyëëw, Dios U'unk ets mëët yë Kënu'kxymyëkajtën yë xyëëw,

Juan 10:7

Ënet ja Jesús ojts y'ënëmaaykyojënëtëpë: Tëy miits nëëmëtë, ëjts jëtu'un ijxtëm ja kemy aawën ma ja kupixyny nyaxtën.

Juan 10:9

Ëjts jëtu'un ijxtëm ja kemy aawën. Pën tëjkëp ma ëjtsën yë'ë nitso'okaanp. Jëtu'un nyaxa'any ijxtëm ja kupixyny tyëkëtën pyëtsëmtën ets jap jyi'kxypyaatë.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Romanos 5:2

Mëët ko ja Kristë të nmëpëjkëmë paaty të tjëkyepy wi'ix nmëwinko'onmëtyën ja Dios, ets xoontä'äky nyajpatmëty ko të xypya'ëyo'owëmë, mëk ja mëpëjkën nmëët'ajtmëty, ets amëj akëjxm njëjp'ijxmëty ja Dios ja myëj'ajt y'oyajtën.

Romanos 8:15

Miitsëty ka'ap yë'ëjëty të myajmo'otë ja Kënu'kxymyëkajtën mëti'ipë tëytyuunpën ets yajtsë'këpën, yë'ë të myajmo'otë mëti'ipë myajnaxëtëpën Dios u'unk. Mëët ya'atë ja Kënu'kxymyëkajtën ëëts n'ëna'anëmë: Tatë, Teety.

1 Corintios 12:13

Yë'ëkyëjxm ko tëë ni'ëmukë nnëëpäjtëmë mëët ja Kënu'kxymyëkajtën paaty tu'ukyë nyajpatëmë ijxtëm ja ni'kx kopkën tu'ukyëpë, wä'än tjutiis ja'ayëty ëkë wä'än tkajutiis ja'ayëty, wä'än tmëtuunpëty ëkë tkamëtuunpëty.

1 Corintios 8:6

Mëët ëëts'ajtëmë, tu'ukyë je'eyë ja Dios, ja Dios Teety yë'ë winë të tyajtso'ontakta'ay ets yë'ë ëëts nnijuuky'ajtëmë. Näy tu'ukyë ja Wintsën Jesukristë, paaty tu'kë'ëyë winë jää yajpata'ay näjyëtu'un ëëts'ajtëmë.

Gálatas 4:6

Paaty ojts tkexy ja y'u'unk myääy ma ja n'aaw'ajt njot'ajtëmën ets tyaj'ijxë ko xy'u'unk'ajtëmë, jëtu'unts ja Jya'awën xyaj'ëna'anëmë: Abbá. Tatë

Efesios 3:12

Mëët ko ja Kristë të nmëpëjkëmë, jyëkyejpy nmëwinko'onmëty ja Dios mëët ja oy'aaw oyjyot.

Efesios 3:14

Yë'ëkyëjxmës nwinkoxtänë ja Dios,

Efesios 4:4

Tu'ukyë ëëts'ajtëmë nyajpatëmë ijxtëm ja ni'kx kopkën ets tu'ukyë ja Kënu'kxymyëkajtën yajpaaty, jëtu'un ijxtëm ja Dios të xytyukwinwa'anëmën tu'ukyë ja mëti'ipë yajjëjp'ijxpën.

Efesios 6:18

Këtii xy'ëxmatstëty ja Dios ja'amyäjtsën, mënu'kxta'aktë ets amëtowtë pëjktsowtë ja Dios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Dios ja kyajpn.

Colosenses 1:12

nëjkxëp ja Dios xykyukajpxëtë, mëti'ipë të mtukjatëtën ets xy'ëxajëtëty ja kuma'ayën mëti'ipë myo'ojäämpyën ja nyaax kyajpn të'kxëntuuypyë y'itën.

Hebreos 7:19

jä'ä ko ja Moisés ja y'ënä'ämën nitii ojts oy wa'ats tkayajwë'ëmy, ëëtsajtëm yë'ë jawäänë oypyë njëjp'ijxëm, paaty nmëwinko'onëm ja Dios.

Santiago 3:9

Näy yë'ë n'aaw'ajt nyä'än'ajtëm mëët nmëjja'aw njaantyja'awëmëty ja Dios, ets nän yë'ë n'aaw'ajt nyä'än'ajtëm mëët nkajpxpojkmëty ja nmëku'uk'ajtëm mëti'ipë Dios të pyëjktä'äkyën tä yë'ë kë'ëmën.

1 Pedro 1:17

Pën miitsëty Tatë, xynyëëmëtë ja Dios, mëti'ipë paye'epyën mëtëy ets ka'ap wyin'ixy wyinkexyëty, kopkpëky ko xywinkutsë'ëkëtëty xëmë mapaat yaa naaxwiiny mjuuky'atën.

1 Pedro 1:21

Mëët yë'ë ko yë Kristë të xymyëpëktë paaty ja Dios näjyëtu'un xymyëpëktë, mëti'ipë të tyajjuukpyikyën ja Kristë jatëkok ets të tmëjjaw të tjaantyjyawë, jëtu'unts të xypyëjkta'aktë ja mjot mwinma'anyëty ma Tiosën ets xy'a'ix xyjyëjp'ixtë.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

Judas 1:20

E miits, mëku'uktëjkëty, yaj'itë tu'ukyë ja mmëpëjkënëty. Jëëytya'ak nu'kxta'aktë, jëtu'un ijxtëm ja Kënu'kxymyëkajtën mtu'uwinwowëtën.