Efesios 2:10 - Biblia Dc en Mixe de Quetzaltepec

¹⁰ Dios të xypyëjktakëm ets ntu'unmëty ja oypyë tuunk tu'ukyë mëët ja Jesukristë, ijxtëm të tuknipëjktaakën.

Biblia Mixe de Quetzaltepec

¹⁰ Tios të xypyëjktakëm ets ntu'unmëty ja oypyë tuunk tu'ukyë mëët ja Jesukristë, ijxtëm të tuknipëjktaakën.

Efesios 2:10 ပူးပေါင်းရင်းမြစ်များ

Salmos 100:3

Ja'amyätstë ko Wintsën yë'ë Tios'ajtp; yë'ë të xyajkojëm, e paaty yë'ë xyjyä'äniwa'anëmë. Yë'ë xykyajpn'ajtëm ets yë'ë xy'ijx'ijt xykyëwent'ajtëm tä ja'ay kyupixyny tkëwent'atyën.

Salmos 119:3

mëti'ipë ka'ap tii tuuntëkoy tkajpxtëkoytyën, mëti'ipë yi'iyë pyanëjkxtëpën ja Wintsën ja nyë'ë aaw tyu'u aaw.

Salmos 138:8

Yë Wintsën, oy tsuj tyajwinpëtsëma'any yë tyu'unën kyajpxën maas ëjts xypyutëkën. Wintsën, yë mtsojkën mja'awën xëmëkyëjxm yë y'ity; këtii jëtu'unyë xy'ëxmatsy tuuntuk mëti'ipë tëë xyajtso'ontä'äkyën.

Salmos 51:10

Wintsën, pëjkta'ak ma ëjtsën tu'uk jot winma'any wa'atspë ets mooykyës yë jot winma'any oypyë ets mëtëypyë.

Salmos 81:13

Koos jeexyë yë nnaax nkajpn të xymyëmëtoy ets ko jeexyë Israel kajpn të tpanëjkxy yë nnë'ë ntu'ujës,

Isaías 19:25

Yë Wintsën mëti'ipë maaytyääyëpën winë, nëjkxëp y'ënë'ëmxëtë: Tyam nkënu'kxy mijts Egiptë, mëti'ipës nkajpn'ajtypyën, ets Asiria mëti'ipës ojts nyajkojyën mëëtës yë nkë'ë n'aaw, ets ja Israel mëti'ipës njä'ä'ajtypyën.

Isaías 29:23

Ko ënety ja y'u'unk y'ok t'ixtë wi'ixës winë të ntunyën ma ja nyaax kyajpnëtyën, ënät nëjkx t'ijxpaatë ja nwa'ats'ajtënës ets nëjkxëpës xywyinkutsë'ëkëtë, maas ëjts nxëëwatyën Dios mëti'ipë Israel ja'ayëty kyënu'kxyjya'awëtëpën.

Isaías 43:21

ja naax kajpn mëti'ipës të nyajkojyën ets nimëtya'akëty ja nmëj'ajtënës.

Isaías 43:7

tëkokyë mëti'ipës yë nxëëw nyija'awëtëpën, mëti'ipës të nkojy të nmä'kxyën, mëti'ipës të nyajkojy të mpëjktä'äkyën koos nmëët'aty ja mëj'ajt oyajtën.

Isaías 44:21

Israel kajpn, mëti'ipë Jacob kyajpn'ajtypyën, ja'amyäts ko mijts nkajpn'ajtyp; mijts ntuunpë'ajtyp, ëjts mijts të nyajkojy. Israel kajpn, këtiis xyjyä'äytyëkoy.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Mateo 5:16

Näyjyëtu'un miitsëty, tuk'ixtë ja ja'ay ja m'oyjä'äy'ajtënëty. Jä'äts ja ja'ay y'ixtëp ets tmëjjawëtëty tjaantyjawëtëty ja Dios Teety mëti'ipë tsajpjotmën.

Juan 3:21

E ja mëti'ipë juuky'ajtëpën mëtëy, myëwinkoontëp ja kujaj kutë'kxën ets yaj'ix yajnijawëty tu'kë'ëyë mëti'ipë tyuuntëpën ijxtëm ja Dios tsokyën.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Hechos 9:36

Jam ma ja Jope kajpnën, jam ijty tu'uk ja to'oxytyëjk mëpëjkpë tsyëënë, Tabita''ajtp. Dorcas yajtijy griego ayuk. Ya'atë to'oxytyëjk xëmë ijty tuny mëti'ipë oy ets pyutëjkëp ja ëyoopëja'ay.

Romanos 8:1

Paaty tyam ka'ap pën poky y'ëk'ijnë, mëti'ipë ja Kristë Jesús mëët tu'ukyë yajpaatyën,

Romanos 8:29

Mëti'ipë tëëyëp ja Dios y'ixy'äjtypyën ets ojts tuknipëjktaakë ko t'u'unk'ata'any; jëtu'un ja y'u'unk mëj y'itëty ma nimay ja myëkä'äxtëjkën.

1 Corintios 3:9

Tu'ukyë ëëts ja Dios ja tyuunk ntuunëtë ets jëtu'un miitsëty ijxtëm ja kamën ma ja Dios ja tyuunk tyu'uye'eyën, jëtu'un miitsëty ijxtëm tu'uk ja mëj tëjkën mëti'ipë Dios të tkojyën.

2 Corintios 5:17

Paaty tyam, pën tu'ukyë mëët ja Kristë y'ityën, jemyjä'äy yajpatnë; ka'ap y'ëkjëtu'un'ajnë ijxtëm të y'ityën, aak jemy tu'kë'ëyë të y'awinpijtaaynyë.

2 Corintios 5:5

Dios ya'atë jëtu'unpë të xytyuknipëjktakëmë ets të xymyo'oyëm ja Kënu'kxymyëkajtën ets yajnijawëty ko xypyaat'ajtëmë ja oyajtën mëti'ipë minaanpën.

2 Corintios 9:8

Mmo'ojanëtëp miits ja Dios wäänëni'ik oymyëti'ipë kënu'kxënëty ets xymyëët'attëty xëmë mëti'ipë mtukjuuky'attëpën; näjyëtu'un nyatëkëty mëti'ipë mtukputëjkëtëpën ja ka'apë tii tmëëtëtyën.

Gálatas 6:15

Ka'ap tsyowpaaty oy ja ja'ay ye'etyëjk'ajtënën jyanatsujk'ëwtityëty; yi'iyë tsoowpatp ko ja'ay tmëëtëty ja juukyajtën jempyë.

Efesios 1:1

Ëjts Pablo, Jesukristë y'ayuk kajpxwa'kxpë mëët ko ja Dios jëtu'un të tuknipëjktaakë. Yë'ëjës ya'atë noky ntuknikäjxtëp mëti'ipë ja Dios jä'ä''ajtëtëpën ets myëpëjktëp ja Kristë Jesús jam Éfeso.

Efesios 1:4

Dios të xywyin'ijxëmë ko ja Kristë të nmëpëjkëmë naamka'anëm ënety ja naaxwiinyëtë tsyo'ontä'äkynyëm ets jëtu'un wa'ats n'ijtmëty wyintuuy mëët ja tsyojkën jya'awën.

Efesios 2:13

E tyam, miitsëty mëti'ipë ijty ijtëpën jëkäm, tëë xymyëwinkontë ja Kristë ets të xymyëpëktë; jä'ä ko ja nye'pyny të tyajtsuny të tyajkxe'kxy.

Efesios 2:15

jëtu'unts ka'ap y'ëktuunë ja ënä'ämën mëti'ipë winë nyikäjpxypën tii yajtun kayajtunëpën, tu'ukyë të tyajwë'ëmy ja jutiis ja'ayëty mëët ja mëti'ipë ka'ap jyutiisëty. Ets të tyajnaaxkëtä'äky ja jotkujk'ajtën.

Efesios 2:2

Yë'ë ijty mpatuuntëp ja naaxwiinyëtë ja'ay ja wyinma'any ets ja ku'oypyë mëti'ipë jëtijtpën pojjotm ets tjotmëkmo'oy ja ja'ay mëti'ipë ka'ap tmëmëtowtën ja Dios.

Efesios 2:6

Tëë ja Dios xyajjuukpyëjkëm tu'ukyë mëët ja Kristë Jesús ets yë'ë mëët të xyajnaaxwä'tsëmë jam tsajpjotm.

Efesios 4:1

Paaty ëjts, maas yap tsumy n'ityën koos yë Wintsën Jesukristë tmëpëky, tyam miits nmënu'kxta'aktë ets jëtu'un mjuuky'attëty ijxtëm ja ja'ayëtyën mëti'ipë ja Dios të myëkajpxëtën, ijxtëm miitsëty ojts mjuuky'atën.

Efesios 4:24

ets ja jempyë juukyajtën xyajtso'onta'aktëty ijxtëm ja Dios të tuknipëjktaakën ko të nyäyaj'akojnaxyë ets nyikëxë'ëkëty ja mëtëypyë juukyajtën oypyë wa'atspë.

Deuteronomio 32:6

¿E jëtu'un ja Wintsën ja y'oyjyot y'oywyinma'any xyajwinpijtëtë? Miitsëty naax kajpnëty, ma ka'ap yajxon mmaytyën mtajtën ets ka'ap tii xynyijawëtë, ¿këtii xytyimnija'awënëtë ko yë'ë xytyeety'atë ets yë'ë të myajkojëtë? Yë'ë të myajkojëtë ets yë'ë ja juukyajtën të mo'ojëtë.

Deuteronomio 5:33

Yë'ë ja në'ë tu'u panëjkxtë mëti'ipë ja Dios të mtukni''ixëtën ets jëtu'un jotkujk mjuuky'atëty jeky ma ja it naaxwiinyëtën mëti'ipë ja Wintsën të mmo'ojëtën ets xyjyä'ä'atëty.

Filipenses 1:6

Njëjp'ijxypës ko ja oypyë tuunk mëti'ipë ja Dios yajtso'ontakën ma miitsëtyën, yë'ë oy yajtu'uye'eyäämpy koonëm ja Jesukristë wyimpitëty.

Filipenses 2:13

jä'ä ko Dios jëtu'un të tuknipëjktaakë ma mjot mwinma'anyëtyën ets xytyuntëty mëti'ipë yë'ë tsyojkpyën.

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Dios oy xynyijawëtëty.

Colosenses 3:10

tëë xypyaatë ja jempyë ja juukyajtën, ja jempyë ja ja'ayajtën mëti'ipë ja Dios yaj'ajemyëpën xëmë ets jyuuky'atëty tä Tiosën, mëti'ipë të yajkojyën ets yajxon t'ixy'atëty.

2 Tesalonicenses 2:17

yë'ë myajjotkujk'atëtëp, mjotmëkmo'ojëtëp ets tu'kë'ëyë winë oy xytyuntëty xykyajpxtëty.

1 Timoteo 2:10

Yë'ë mëpaat oy nyätyukyajkëxë'ëkëtë ja oypyë tuunk, ijxtëm pyaat'atëtën ja to'oxytyëjkëty mëti'ipë yajmëjnajxtëpën ja Dios.

1 Timoteo 5:10

Yajnija'awëp ko oy ënety winë tuny, pën tëë ja y'u'unk y'ëna'k tsuj tyajyeeky, pën tëë ja ja'ay oy tsuj tyajja'ty ma tyëjkën, pën tëë ja mëpëjkpëtëjk ja tyeky tpujë, pën tëë tputëkë mëti'ipë ëyo'onpatëpën. Ets pën tëë winë oy tuny.

1 Timoteo 5:25

Näyjyëtu'un ko ja oypyë ntu'unmëty, nikëxë'kp jä'ä; e mëti'ipë ka'ap y'oyëtyën ka'ap xëmë yu'utsy y'ity.

1 Timoteo 6:18

Tuk'ënä'äm, wä'än tuntë ja oypyë, wä'än tjotkujkta'aktë ko tuntëty ja oypyë tuunk, pyutëkëtëp mëti'ipë tii ka'ijtxëtëp.

2 Timoteo 2:21

Pën ja'ay wa'ats nyäyaj'ityë ets näkyëwent'ajtëp, jëtu'un nyaxa'any tä tii y'oyëtyën tsyujëtyën, tëëpë Dios yajtuknipëjktaakën ets tyunëty, ma ja oypyë myëyätyën.

2 Timoteo 3:17

jëtu'unts ja Dios ja jyä'äy winma'anymyëët yajpaatëty ets nijawëty wi'ix oypyë tunëtyën.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Tito 2:7

oymyaatsowëty, ets najtstunë mijts kë'ëm wi'ix oy tii tuntëtyën. Ko xyaj'ijxpëkëty, tun mëët wa'ats aaw wa'ats jot, ka'ap tii in tsots xyajwinkëxë'ëkëty.

Tito 3:1

Tukja'amyäts ja mëpëjkpëtëjkëty ets twintsë'ëkëtëty ja yajkutujkpë ets ja kutuunktëjk, wä'än xëmë winë oy tuntë mëti'ipë yajkutujkpë tuk'ënä'ämëtëpën.

Tito 3:14

Wä'än näjyëtu'un ja nmëku'uk'ajtëmë tjatë ja oyajtën wi'ix ja myëku'uktëjk tputëkëtëty mëti'ipë tii yajmëyajtëpën ets ja jyuukyajtën tyajtuntëty.

Tito 3:8

Tëyajtën ya'atë, ntsojkpyës ets xynyikajpxëty mëk'äämpy, wä'än ja oypyë tuntë mëti'ipë ja Dios myëpëjktëpën. Oy ya'atë ijxpëjkën tu'unxëtëp ja ja'ay oypyënëty.

Hebreos 10:24

Tsojk n'ixta'ayëm wi'ix nnäpyutëjkëmëty nixim niyam, wi'ix nätsyojkëmëty ets wi'ix ntu'unmëty ja oypyë.

Hebreos 13:21

wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

1 Juan 2:6

Pën ënaanp ko ja Dios mëët y'ity, jëtu'un jyuuky'atëty ijxtëm ja Jesukristë jyuuky'äjtyën.