Efesios 1:1 - Biblia Dc en Mixe de Quetzaltepec

¹ Ëjts Pablo, Jesukristë y'ayuk kajpxwa'kxpë mëët ko ja Dios jëtu'un të tuknipëjktaakë. Yë'ëjës ya'atë noky ntuknikäjxtëp mëti'ipë ja Dios jä'ä''ajtëtëpën ets myëpëjktëp ja Kristë Jesús jam Éfeso.

Biblia Mixe de Quetzaltepec

¹ Ëjts Pablo, Jesukristë y'ayuk kajpxwa'kxpë mëët ko ja Tios jëtu'un të tuknipëjktaakë. Yë'ëjës ya'atë noky ntuknikäjxtëp mëti'ipë ja Tios jä'ä''ajtëtëpën ets myëpëjktëp ja Kristë Jesús jam Éfeso.

Efesios 1:1 ပူးပေါင်းရင်းမြစ်များ

Lucas 16:10

Pën oy yajtuunpy ja wit meeny wäänëpë, näjyëtu'un tyajtuna'any ja maypyë. Pën ka'ap tyajtuny oy ja wit meeny wäänëpë, nän ka'ap tyajtuna'any oy ja maypyë.

Hechos 16:15

Tää ojts nyëëpety mëët ni'ëmukë mëti'ipë jam tsënaaytyëpën ma tyëjkën. Täätsës xymyënu'kxtaktës ets y'ënäny: Tuntë mëyajtën, mintë maas yë ntëjkën, pën m'oyjya'awëtëp miits koos nmëpeky ja Wintsën. Ënätës kwanë ojts xyajnëjkxtë.

Hechos 18:19

Ko jyajtë jam Éfeso, jam ja Pablo ojts tyajwë'ëmy ja Priscila ets ja Aquila ets ojts nyijkxy jam tsajptëkotm tääts tyëjkëy kajpxpë mëtyakpë mëët ja jutiis ja'ayëty.

Hechos 18:21

Ko nyäjyëkajpxënë ets y'ënäny: Pën ënaanp Dios, minëpës jatëkok. Tääts ja Pablo tyëjkëy kepy nëëwinye'epyëjoty ets tsyo'ony jam Éfeso.

Hechos 9:13

Ko ja Ananías jëtu'un tmëtooy, tää y'ënäny: Wintsën, may yë ja'ay të xytyuk'ëwaanës ko tääpë ja'ay ëxëëk të y'ëti'itsy ets ëxëëk të tuny ja mnaax mkajn jam Jerusalén.

Romanos 1:1

Ëjts Pablo, Kristë Jesús myëtuunpë. Tiosës të xywoowtsoy etsës nmëtunëty, të xytyuknipëkyës ets nkajpxwa'kxëtyës ja y'aaw y'ayuk oypyë.

Romanos 8:1

Paaty tyam ka'ap pën poky y'ëk'ijnë, mëti'ipë ja Kristë Jesús mëët tu'ukyë yajpaatyën,

1 Corintios 4:12

Ënu'kxëtëpës näjyëtu'un koos nyajtuntë ja nkë'ë ntekyëty. Koos ja ja'ay xypyoktë, oy aaw oy ayukës ntuk'ëtsoowinpijtëp. Tëës ja'ay xy'ixjëtit xypyajëtitë e ëëtsëty tëëjës nmëmëta'aktë.

1 Corintios 4:17

Paaty ntuknikäxtë ja Timoteo, mëti'ipës ni'ik ntsojkpyën ets n'u'unkja'apën ma ja mëpënjkënën. Yë'ë nëjkx mtukja'amyätsëtë wi'ixës winë të ntunyën koos ja Kristë të nmëpëky, jëtu'un ijxtëmës të nyaj'ijxpëkyën maajatyës të nnaxyën.

2 Corintios 1:1

Ëjts Pablo, Jesukristë y'ayuk kajpxwa'kxpë. Ëjts, mëët ja Timoteo ntuknikäxtës ya'atë noky ja mëpëjkpëtëjkëty mëti'ipë jam ye'eymyujktëpën Corinto ets ja Dios ja jyä'äyëty mëti'ipë yajpatëpën ma Acaya itjotmën.

Gálatas 1:1

Ëjts Pablo, ka'apës jyä'äyëty të xykyexy, ni ja'ayës të xykyapëjktä'äky oy ayuk käjpxynyajxpë; Jesukristë mëët ja Dios Teety mëti'ipë ojts tyajjuukpyikyën ja Jesukristë, yë'ëjës të xypyëjktä'äky oy ayukkajpxwa'kxpë.

Gálatas 3:26

Dios miits tyam ni'ëmukë m'u'unk'ajtënëtëp ko të xymyëpëktë ja Jesukristë,

Gálatas 3:28

Ka'ap ma y'ëktuunnë pën jutiis kajutiis, mëtuunpë ëkë kamëtuunpë, ye'etyëjk ëkë to'oxytyëjk, jä'ä ko tu'ukyë miitsëty ijxtëm ja ja'ay tu'ukpën, jä'äkyëjxm ko tu'ukyë mëët ja Kristë Jesús m'itë.

Gálatas 3:9

Paaty, pën ja Dios myëpëjktëpën, kënu'kxanëtëp ja Dios mëët ja Abraham, mëti'ipë ojts näjyëtu'un myëpëkyën.

Efesios 1:15

Paaty koos nnijawë ko miits xymyëët'atë ja mëpëjkën ma ja Wintsën Jesúsën ets ja tsyojkën jya'awën mëti'ipë myëët'ajtypyën ma ja nyaax kyajpnën wa'atspë,

Efesios 2:10

Dios të xypyëjktakëm ets ntu'unmëty ja oypyë tuunk tu'ukyë mëët ja Jesukristë, ijxtëm të tuknipëjktaakën.

Efesios 2:13

E tyam, miitsëty mëti'ipë ijty ijtëpën jëkäm, tëë xymyëwinkontë ja Kristë ets të xymyëpëktë; jä'ä ko ja nye'pyny të tyajtsuny të tyajkxe'kxy.

Efesios 2:6

Tëë ja Dios xyajjuukpyëjkëm tu'ukyë mëët ja Kristë Jesús ets yë'ë mëët të xyajnaaxwä'tsëmë jam tsajpjotm.

Efesios 6:21

Yë nmëku'uk'ajtëm Tiquico, mëti'ipë ni'ik yajmëku'ukja'apën ets mëti'ipë yam ëëts oy xypyutëjkëtyëpën mëët ja Wintsën ja tyuunk, yë'ë mtuk'ëwaanëjanëtëp wi'ixës yam nyajpaatyën ets wi'ixës yam ntunyën.

Colosenses 1:2

tyam ntuknikäxtë ja kajpxpo'kxën miitsëty Dios ja nyaax kyajpn, ja nmëku'uk'ajtëm mëti'ipë të tmëpëktën ja Kristë jampë Colosas yajpaatën. Wä'än ja nTeety'ajtëm Dios mmo'ojëtë ja kënu'kxën ets ja jotkujk'ajtën.

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Apocalipsis 2:13

Nija'apës ko jam mtsëënë ma ja mëjku'u kyutujktaknën; je'eyëp ko wa'ats jam mnäyaj'ityë koos ëjts xymyëpëky. Ka'ap ja mmëpëjkën të xyajjëwä'äky ma ëjtsën, ni jää ma ja Antipas y'o'kyën, mëti'ipës oy xymyëtuunën, ma tääpë kajpnën ma mëjku'u tsyëënën.