Eclesiastés 9:9 - Biblia Dc en Mixe de Quetzaltepec

⁹ Tukxoontä'äky yë juukyajtën mëët ja to'oxytyëjk mëti'ipë mtsojkpyën mja'apën, janaam jatsojk xytyukxon xytyuk'itëty yë mjuukyajtën tsojkyëpë nyäxyën naaxwiiny naaxkëjxy; yi'iyë tu'ukyë mpatëp xytyukxoonta'akëty naaxwiiny naaxkëjxy.

Biblia Mixe de Quetzaltepec

⁹ Tukxoontä'äky yë juukyajtën mëët ja to'oxytyëjk mëti'ipë mtsojkpyën mja'apën, janaam jatsojk xytyukxon xytyuk'itëty yë mjuukyajtën tsojkyëpë nyäxyën naaxwiiny naaxkëjxy; yi'iyë tu'ukyë mpatëp xytyukxoonta'akëty naaxwiiny naaxkëjxy.

Eclesiastés 9:9 ပူးပေါင်းရင်းမြစ်များ

Génesis 26:8

Nyäjxy jëtu'un ja xëëw po'o xëëw jëmëjt yë'ë jam ojts wyi'imy. Tëkok yë Abimélec jam ënety y'ijxnaxy vyentanë joty, ko t'ijxy ja Isaac twinkoy t'akoy ja Rebeca.

Salmos 144:4

Yë naaxwiinyëtë ja'ay jëtu'un yë'ë tä yë ja'ay myëkxejy y'o'kxejyën; ets jyuukyajtën jëtu'un nyäxy tä yë äpkën.

Salmos 39:5

Janty wäänës yë njuukyajtën të xytyimmooynyë; yë njuukyajtënës mijts mwintuuy ka'ap nijënu'un tii tkëjxmëty. Tëkokyë yë ja'ayëty jëtu'un yaa naaxwiiny jyuuky'ajtkojtë tä yë ja'ay myëkxejyën.

Proverbios 18:22

Ko ja'ay tpaaty yë tyo'oxytyëjk, mëj këjää jëtu'un winë të tpaaty. Yë'ë jëtu'un y'ëxajëp tu'uk mëj nämyëyatë mëti'ipë Dios yäjkpyën.

Proverbios 19:14

Yë taak teety yë'ë yajktëp ja jëën tëjk ets wit meeny, e Dios yë'ë yäjkpy kutëjk wijypyë.

Eclesiastés 2:10

Tëës winë ntuunta'ay mëti'ipë ntsojkën'ajtypyën; tëë n'ety nxoontä'äky janaam jatsojk. Tëës yajxon ntukxony yë ntuunkës, etsës yë'ë të nkuma'ayën'aty.

Eclesiastés 2:24

Yi'iyë mëpaat yë naaxwiinyëtë ja'ay mëpaat tuny ets kyäyëty y'uukëty ets tukxoonta'akëty mëti'ipë nyijëtu'unëpën, jä'ä ko yi'iyës të nwinjawë ko tääpë yë'ë Dios yäjkpy.

Eclesiastés 3:13

jä'ä ko pën ëëtsajtëm ka'ayëm ukëm jää n'ijxmëty wi'ix yë ntuunk'ajtëm ntuk'oy'ajtëmën, mëti'ipë Dios të xymyo'oyëmën.

Eclesiastés 3:22

Tëës nijawë ko ka'ap maa wiinkpë tii jaak'oypyë mëti'ipë yë naaxwiinyëtë ja'ay mëpaat tukxoontä'äkyën, yi'iyë patëp tukxoonta'akëty ko tyunëty ye'eyëty, jä'ä ko yi'iyë jëtu'un pät nitëjkëyëp, jä'ä ko ka'ap tjëkyepy pën tyuk'ëwa'anxëtëty tii tunan jatanëp ko ënety të y'o'knë.

Eclesiastés 5:18

Yi'iyës ëjts oy njaak'ijxyp ko ja'ay kyäy y'uuky ets ko tukxoontä'äky mëti'ipë jam pëtsëëmpën ma kyam tyu'ujën mëti'ipë të tnitunën naaxwiiny naaxkëjxy ma yaa wäänë jyuuky'ajtkojyën mëti'ipë Dios xymyo'oyëmën, jä'ä ko jëtu'unyë jëtu'un mëpaat njak winma'anypyätëmë.

Eclesiastés 6:12

Ni pën tkanijawë, tii jëtää naaxwiinyëtë mëpaat yajxon tukxoontä'äky ma yaa wäänë jyuuky'ajtkojyën ets ma mëtyoy yë xyëëw jyëmëjt nyäxyën. Tä äpkën yë jyuukyajtën nyajxkojy, ¿ets pën ëktuk'ëwa'anxëtëp tii miimp wiinkoonp? ma ënety të y'o'knën.

Eclesiastés 7:15

Tëkokyë ya'atë tëëjës n'ixta'ay ntuunta'ay ma yaa naaxwiiny naaxkëjxy njuuky'ajtkojëmën; yë oyjyä'äytyëjk nän je'eyëm y'ooktë ets oy të jyajuuky'atë ets ëxëëkja'aytyëjk jeky jyuuky'atë ets ëxëëk të jyajuuky'atë.

Malaquías 2:15

¿Ti këtii yë'ëjëty yë Dios të tyajkojy yë jot nini'kx ets jot ja'awënë? ¿E këtii yë'ëjëty yë Dios tsoky tjawë ets ja'ay yë y'u'unk y'ok tmëët'atëty mëti'ipë mëjjaw kënu'kxyjyawëtëpënë? Kë'ëm xykyëwent'atëty yë mjot mmëjaawëty ets këtii xytyukxi'iktëty ja m'ayukëty mëti'ipë ojts xytyukwinwanëtën ja to'oxytyëjk mëti'ipë mpëjktën m'uktën ko mpi'k ëna'k'ajtë.