Eclesiastés 9:12 - Biblia Dc en Mixe de Quetzaltepec

¹² Ets ka'ap tii jëna'ajëty nyayajtuk'oyë, ka'ap yajnijawë jëna'a yajtuk'oyëja'any: Jëtu'un tä yë nëë jëyujkën ëkë tä yë joonën muum ajotkumonë kyukäkë ma y'o'ktaknën, näjyëtu'un yë naaxwiinyëtë ja'ay nän ajotkumonë muum y'ëkëty y'ëyo'onpaaty.

Biblia Mixe de Quetzaltepec

¹² Ets ka'ap tii jëna'ajëty nyayajtuk'oyë, ka'ap yajnijawë jëna'a yajtuk'oyëja'any: Jëtu'un tä yë nëë jëyujkën ëkë tä yë joonën muum ajotkumonë kyukäkë ma y'o'ktaknën, näjyëtu'un yë naaxwiinyëtë ja'ay nän ajotkumonë muum y'ëkëty y'ëyo'onpaaty.

Eclesiastés 9:12 ပူးပေါင်းရင်းမြစ်များ

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

Proverbios 29:6

Yë ëxëëk ja'ay kyë'ëmpoky muum kyu'o'këp; e yë ja'ay mëti'ipë winë oy tyuunpyën, akujk jotkujk jyuuyky'äty.

2 Timoteo 2:26

Wä'än twijtë tkäjtë ets tkukä'äktëty ja ku'oypyë mëti'ipë yaj'ijtëtëpën tsumy matsy ets y'ëxëëktunëtë ijxtëm yë'ë tsokyën.

2 Corintios 6:2

Jä'ä ko jëtu'un kyëxja'ayëty ma ja Dios ja y'aaw y'ayukën: Ma ënety nixëëwëtyën jää të nmëtoow'ity, ma ënety ja nitsokën jyää'atyën jää të nputëkë; tyam ja xëëw jëmëjt të tpaaty. Tyam yë xëëw po'o ma ja nitsokën jyää'atyën.

Proverbios 6:15

Paaty yë'ë ajotkumonë ëyo'on jotmay tyukëta'aka'anyë; tu'k ijxmi'kxyë o'ktëy jyata'any, ets ka'ap nëjkx y'ëktsooypyatnë.

2 Pedro 2:12

Yë jëtu'unpë ja'ayëty Dios yajwintsë'këntëkooytyëp ko ka'ap tii tja'akyyukëtë. Jëtu'un nyäpyëjkta'akëtë jëyujkën, nitii ja'aykyujkën tkamëët'atë ets näjyëtu'un y'ooka'antë jëyujkën mëti'ipë të t'amin t'akä'äxëtën ja o'kën tëko'oyën.

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

Lucas 12:39

Ets yë'ë näjyëtu'un mnijawëtëp: Ko jeexyë tu'uk ja kutëjk t'ëknijawë jëna'a ja mä'tspë myina'any mä'tspë ma tyëjkën; a'ixy jëjp'ixy jeexyë nyäyaj'ityë këtiipë pën tyëkëty tyëkoty.

Lucas 12:20

Tyam ënety jëtu'un y'ënä'äny ko ja Dios y'ënëmaayë: Winma'anytyuk, tyam koots ënät m'o'knëty, ets mëti'ipë jap të xypyëjke'ekyën, ¿pën jyä'ä'atëp?

Isaías 30:13

paaty miitsëty mmëët'ajtëp ja poky. Jëtu'un miitsëty tä tu'uk potsyën mëti'ipë të kyë'tstaaynyën, ma ënety ka'ap tii xymyäytyën xytyajtën jää kyëtawa'any;

Eclesiastés 8:11

jä'ä ko mëët ko ojts jëtu'unyë nyayaj'ijxninaxy ja nyëë pyoky mëti'ipë ënety të tuuntëkoyën ets ka'ap ënätyë yajtukumëtooy, yë naaxwiinyëtë ja'ay xëmë ëxëëk tuun'ëtë'ëtsa'any.

Salmos 11:6

Yë'ë yajtu'ujäämpy jëënpajk jëënyä'änk ma ëxëëkja'aytyëjkën ets tyajmina'any yë jëënpoj mëti'ipë winë yajtëtsta'ajäämpyën. Yë Wintsën yë'ë tukumëtowanëtëp nyëë pyokyëty.

Eclesiastés 3:19

Jää ënät yajwinjawë ko yë naaxwiinyëtë ja'ay ets aayjëyujk ujtsjëyujk tu'knax kyukëxëja'antë; tu'knax yë o'kën tëko'oyën jyää'aty wintu'uk paatu'uk ets tu'knax näjyëtu'un ja juukyajtën tsuxk'ajtën jyää'aty. Ka'ap tii mëk'ajtën yë naaxwiinyëtë ja'ay tmëëtëty mëti'ipë aayjëyujk ujtsjëyujk ka'ap tmëët'atyën; tääpë nän natëkë winma'any yë'ë,

Eclesiastés 9:13

Näy tëëjës n'ixy naaxwiiny naaxkëjxy mëti'ipës nmëmääpy nmëtäjpyën ets jä'äs nyajnaxy tu'uk mëj ijxpëjkën:

Isaías 24:18

Mëti'ipë ja käkpën jutjoty nëjkx kyukääkë, e mëti'ipë jutjoty ja pëtsëëmpën jam nitëyë nyëjkxa'any ma të yajxokyën. Mëk komtuu jam tsajpjotm tsoonaanp ets nëjkx ja naaxwiinyëtë y'ëtëtstä'äky.

Oseas 9:8

Dios jëtu'un yë kyäjpxynyajxpëtëjk të tpëjktä'äky tä këwent'ajtpën jam ma Efraín kyajpnën, e miitsëty je'eyë xy'ix ix xypya'ixtë ma y'ëkkä'äy; yë'ëpaat xytyuk'ëxëëk'ixtë ko jap tyuny ma ja Dios ja tsyajptëjkën.

Proverbios 24:22

jä'ä ko yë'ëjëty wäänë oy y'itë ets ëxëëk jyata'an kyëpäta'antë, ni pën tkanijawë tii tëytyu'unën mo'ojanëtëp yë Dios mëti'ipë ënä'ämp yajkutujkpën.

Eclesiastés 8:8

Ni pën ja'ay tkamëët'aty yë kuttujkën ma juukyajtënën ets ni pën ja'ay tkamëtaty mëk'ajtën ets tyajtu'uwë'ëmëty ets ni pën ja'ay näjyëtu'un tkamëët'aty yë mëk'ajtën ma o'kënën. Ka'ap tjëkyepy nkukäkmëty ya'atë tsiptuunk, oy jënu'un ëxëëk ja'ay ëxëëk y'ëtë'ëts y'ëna'anëty ka'ap yë'ëkyëjxmëty tsyo'oka'any.

Ezequiel 32:3

Jëtu'un yë Wintsën y'ënä'äny: Oy muum mjayajpatpëty wiink kajpnjoty, je'eyëm nkujëpijpë'ëka'any mëët yë ntsaayës ets nmatsa'any.

Oseas 7:12

E ko ënety jam jyanëjkxtë, ntukujëpijpë'ëkäämpyës yë ntsaayës; etsës nyajkuka'anaxa'any joonën, jëtu'unyës nmajtsmujkta'aja'any mëët ko të pyok tyuntë.