Eclesiastés 9:11 - Biblia Dc en Mixe de Quetzaltepec

¹¹ Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Biblia Mixe de Quetzaltepec

¹¹ Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Eclesiastés 9:11 ပူးပေါင်းရင်းမြစ်များ

2 Samuel 17:14

Absalón ets tëkokyë yë Israel ja'ayëty ojts tkajpxmuktë ko oy ni'ik tmëtoowtë ijxtëm ja Husai myäy tyäjyën ets ijxtëm të tuknipëjktaakën këtiinëm jyëtu'unëty ja Ahitófel. Ja Wintsën ënety jëtu'un të tnipëjktaakë ets tjo'opanë ja Ahitófel ja wyinma'any mëti'ipë jeexyë tuunpën, mëët ko ënety jä'ä t'ëyo'onmo'oja'any ja Absalón.

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënety të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

2 Crónicas 20:15

Mëtoow'itë ya'atë aaw ayuk mëti'ipës yam nikajpxäämpyën ma miitsëtyën Judá ja'ayëty, mëti'ipë yaa ijtëpën tsënaaytyëpën Jerusalén ets näjyëtu'un mijts Josafat. Jëtu'un m'ënë'ëmxëtë yë Wintsën: Këtii ninu'un mtimtsyë'ëkëtëty ma tääpë maymyëtsipën, jä'ä ko ma ya'atë tsip tyuna'anyën ka'ap myiitsëty mtsiptuna'antë, yë Wintsën yë'ë tsiptunaanp.

Job 34:29

E ko Dios näjyëtu'un y'ëmoonpëty, ¿pën tëytyunëp? Pën yë'ë näyu'tsëp ¿pën winë y'ixëp? Yë'ë y'ijx'ijtyp Kyëwent'ajtyp yë naax kajpn ets ja'ay

Salmos 76:5

Yë ja'ayëty mëti'ipë ënety näjya'awëtëpën jotmëk, ojts winë yajpëjkëtya'atë; mëti'ipë ënety kumëjaawëtyën nitii ojts tka'ëktuunëtë. Ojts jyaak ma'a jyaak po'kxtë oy ets jääyë jëtu'un.

Proverbios 1:5

Pën këpetyën ets wijyën, y'amëtoow'ijtyp yë jëtu'unpë ets pyaat'ëtëtyp ni'ikyë nija'awën ets ja winma'any,

Eclesiastés 2:12

Ënätës të nmëmay të nmëtajy näjyëtu'un yë wijyajtën, yë tsuuajtën ets kunëpap'ajtën: ¿Tiitën jyaak timtyunëp yë ja'ay mëti'ipë yajkutukaanpën? yi'iyë mëti'ipë tëë y'ëktuun y'ëkjajtëpën.

Eclesiastés 3:14

Ets nän nija'apës ko tëkokyë mëti'ipë yë Dios të tyajkojyën kë'ëyxyëëw kë'ëyjyëmëjt yë y'ita'any. Mëti'ipë të tyajkojyën ka'ap tjëkyepy ni'ikyë nyaj'o'oyëmëty ëkë ni'ikyë nyajma'tmëty; tëë winë tyajkojy ijxtëm mëpaat yajtuk'oy'ätyën ets yë'ë yajmo'ojëty tu'uk ja.

Eclesiastés 3:17

Paatyës ëjts n'ëna'any ko yë Dios yë'ë nyija'ap wi'ix tuna'any yë ja'ay mëti'ipë oy ja'ay'ajtpën ets ja'ay mëti'ipë ëxëëk ja'ay'ajtpën, jä'ä ko myëët'ajtääpy yë nyixëëw nyijëmëjt jëna'a winë tyunyë jyätyën ets ma winë yajtuny yajkäjpxyën.

Eclesiastés 4:1

Ënätës ojts n'ixy ntuny wi'ix ja'ay tyaj'ëyoyën yaa naaxwiiny naaxkëjxy. Ënätës ojts n'ixy ko mëti'ipë ja'ay ëyoopën jëëytyëp yaxtëp yë'ëjëty ets ka'ap pën pyutëkëty; mëti'ipë ja'ay myëku'uk yaj'ëyoopyën ëxëëk myëku'uk tyajjaty tyajkëpety ets ka'ap pën pyutëkëty mëti'ipë ëxëëk yajtuuntëpën.

Eclesiastés 4:4

Tëës näjyëtu'un n'ixy ko ja'ay mëk nyäyajtunyë ets wyimpety ja wyit myeeny, yi'iyë näy'ëxëëk'ixë näkya'oy'ixë y'ixkujkëp, tääpë nän natëkë winma'any yë'ë, jëtu'un tä jeexyë nëkoo jyuukyajtën tuk'ëyi'ikyën.

Eclesiastés 7:13

Ix yajxon wi'ix yë Dios winë të tuny të tkäjpxyën; ¿Pën y'ëk'u'uytyëwëp? mëti'ipë yë Dios näy xëkety të tpëjktä'äkyën.

Eclesiastés 9:2

Aak o'kpë aak tëkoopyë ja'ay y'itë, wä'än yë'ëjëty wa'ats ja'aytyëjk ets ëxëëkja'aytyëjk, wä'än t'oyjyä'äyëty wä'än t'ëxëëkja'ayëty, wä'än të'kxypyëty ets wä'än tpu'uxm mëëtpëty, wä'än yë'ëjëty mëti'ipë wintsë'kën yäjkpyën ets wä'än yë'ëjëty mëti'ipë ka'ap tyäkyën; näjyëtu'un yë wa'ats ja'ay ets pokyjyä'äy, mëti'ipë, jëtu'un mëti'ipë Dios xyëëwkuuykyäjpxypën ets mëti'ipë ka'ap txëëwkuuykyäjpxyën.

Eclesiastés 9:3

Yë'ë jëtu'un ya'atë ka'ap oy n'ijxmëty mëti'ipë naaxwiiny naaxkëjxy tuunëpën jajtëpën. Näyjyëtu'un ënät jatu'kpëky ja ayuk, yë naaxwiinyëtë ja'ay jä'ä xëmë myëmääpy myëtäjpy tuuntëko'oy kajpxtëko'oyën; ja tsuuwinma'any kupoj winma'any jä'ä nätyuk'ënä'ämëp mapaat jyuuky'ätyën; ets ko y'ooky tyëkoy nitëyë yajmënëjkxnë jutjoty.

Jeremias 46:6

Ka'ap tjëkyepy kyä'äktëty mëti'ipë pe'tymyëtyën, ja'ay mëti'ipë jotmëkëtyën ka'ap tjëkyepy maa nyëjkxtëty. Jam anëkëjxmtsow ma Éufrates mëjnëëjën, jam të y'anäpëtë ets të kyëtawtë.

Jeremias 48:14

Këtiipë y'ëna'antëty yë Moab ja'ayëty: Ëëtsëty jotmëk, tsip'ixy, ka'apës nyajmëta'aktë yë nmëtsiptëjk.

Jeremias 9:23

Jëtu'un yë Wintsën y'ënä'äny: Ka'ap tjëkyepy yë wijyjyä'äy nyätyukmëjjawëtëty ko wyijyëty, näjyëtu'un yë yajkutujkpë ko tmëët'aty ja mëk'ajtën ets kumeenyjyä'äy ko kyuwit kyumeenyëty.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Zacarías 4:6

Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

Malaquías 3:18

Ënet jatëkok xywyinjawëtëty mëti'ipëtën oy, ka'oyën; mëti'ipë ja Dios y'ëwtajtypyën ets mëti'ipë kya'ëwtajtypyën.

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.

Deuteronomio 8:17

Ijxkëm jëna'a mmaaytyëpë mtajtëpë ko tëkokyë mëti'ipë mmëët'ajtëpën, kë'ëm të xyajnimëjaawta'aktë.

Deuteronomio 8:18

Ja Wintsën mëti'ipë mTiosajtëpën yë'ë xëmë mja'amyätstëp. Jä'ä ko yë'ë mooyëtëp ja oyajtën mëk'ajtën ets winë xypyaatë xy'ixtëty. Ttuny jëtu'un ja mëti'ipë tyukwinwa'anëyën ja m'ap m'okëty.

1 Samuel 17:50

Jëtu'un ja David ja nyitsaa mëët ja tsaawëjëtu'un kujk tmooy ma tjawëtyën wintu'upëky ets yë'ë tmë'ookëty. E ja David ka'ap ja pyujxn ënety tii,

1 Samuel 6:9

Je'eyëp tëy ko yajxon xytyim'ixtëty pën jamtsow nyijkxy Bet-semes ma të tsyoonyën ma tnaax'aty tkajpn'atyën. Yë'ë yajtujknijawëp ko janty Dios ënety o'ktëy xyajjajt xyajkëpäjtëm mëti'ipë y'ëwtajtëpën yë Israel ja'ayëty. E pën kajts jamtsow nyijkxy jää näjyëtu'un ntuknija'awëmëty ko ka'ap yë'ëjëty, tim pa'amën ënety jëtu'un të tyimmiimpë.