Eclesiastés 8:17 - Biblia Dc en Mixe de Quetzaltepec

¹⁷ etsës të nwinjawë ko ka'ap yë naaxwiinyëtë ja'ay myäyëtëty ets tja'akyujëtya'ajëty mëti'ipë yë Dios tyuunpyën ets mëti'ipë tuunëp jajtëpën naaxwiiny naaxkëjxy. Oy jënu'un tja'ixta'ajëty ets tjapaata'anëty yë nyiwinma'any wi'ix ko jëtu'un tii tyunyë jyätyë ka'ap tpaatëty; oy yë ixpëkyjyä'äy jya'ëna'anëty ko tëë tpaaty nyiwinma'any, yë'ë ka'ap tii myäyë tpaatëty.

Biblia Mixe de Quetzaltepec

¹⁷ etsës të nwinjawë ko ka'ap yë naaxwiinyëtë ja'ay myäyëtëty ets tja'akyujëtya'ajëty mëti'ipë yë Tios tyuunpyën ets mëti'ipë tuunëp jajtëpën naaxwiiny naaxkëjxy. Oy jënu'un tja'ixta'ajëty ets tjapaata'anëty yë nyiwinma'any wi'ix ko jëtu'un tii tyunyë jyätyë ka'ap tpaatëty; oy yë ixpëkyjyä'äy jya'ëna'anëty ko tëë tpaaty nyiwinma'any, yë'ë ka'ap tii myäyë tpaatëty.

Eclesiastés 8:17 ပူးပေါင်းရင်းမြစ်များ

Job 5:9

yë'ë tyuunpy winë mëjwiin këjää ets yaj'ijxëp yë myëj'ajtën tsipë nja'akyujkëmëtyën.

Salmos 104:24

Mëj këjää winë të xytyuny, Wintsën. Winma'anymyëët winë të xyajkojy; yë naaxwiinyëtë ujts yajpaaty mëët mëti'ipë të xyajkojy të xypyëjktä'äkyën.

Salmos 40:5

Wintsën mëti'ipës nTios'ajtypyën, mëj këjää winë të xytyuny të xykyäjpxy ma ëëtsëtyën koos xyajmëj'atë. Ni pën kyajëtu'unëty tä mijtsën. Ëjts njanikajpxäämpyës tëkokyë mëti'ipë të xytyunyën, je'eyëp ko may oy, ka'apës xymyäyëty nikajpxta'ajëty.

Salmos 73:16

Tëës ya'atë yajxon njaja'akyukëja'any e ni kä'äpyëmës të nja'akyukë jä'ä ko tsip oy.

Eclesiastés 1:13

Etsës ojts ni''ijxpëjkëtyä'äy winë, n'ijxtaay ntuuntaayës ets nmëmaay nmëtajyës tëkokyë mëti'ipë yaa naaxwiiny naaxkëjxy yajtuunp yajkajpxpën. Mëktuunk ets je'emty tyimy yë Dios të xymyo'oyëmë ets yë'ë mëët xynyaxmëtijëmëty.

Eclesiastés 11:5

Jëtu'un ijxtëm ka'ap xynyijawën maatsow yë poj nyijkxyën ets wi'ix yë pi'k ëna'k jap kyojyën tyaakjootjoty, nän ka'ap xynyijawë wi'ix yë Wintsën tiijaty tuny, mëti'ipë ojts winë tyajkojta'ayën.

Eclesiastés 3:11

Yë Wintsën aak nyixëëw nyijëmëjt ojts tukpata'ay ets oy winë kyëxë'ëkëty ets aak oyëty t'oytyuuny; ojts näjyëtu'un yë naaxwiinyëtë ja'ay tyajkojy mëët yë jyot wyinma'any ka'apë kyixy tyukyën, oy yë naaxwiinyëtë ja'ay tkaja'aykyujkëtyä'äy wi'ix'äämpy myëjwiin kyëjääjëtyën mëti'ipë Dios të tuny të tkäjpxyën ets mëti'ipënëm tyunäämpy kyajpxäämpyën.

Eclesiastés 7:13

Ix yajxon wi'ix yë Dios winë të tuny të tkäjpxyën; ¿Pën y'ëk'u'uytyëwëp? mëti'ipë yë Dios näy xëkety të tpëjktä'äkyën.

Isaías 40:28

¿Tii këtii ënety xynyijawë? ¿Këtii të xymyëtoyë? Yë Wintsën, yë'ë Dios xëmëpë y'ijtëyën, mëti'ipë yajkojën yë naaxwiinyëtë, ka'ap nijëna'a y'ënu'kxë ets myëjaawkëxy; yë wyijy'ajtën xëmëkyëjxm yë y'ity.

Romanos 11:33

Ni'ik ja Dios ja myëj'ajt jyääntyajtën kyëjääjëty ets näjyëtu'un ja wyijy'ajt kyejyajtën. Ni pën kyamayë tkajpxtë'kxëty mëti'ipë të tuknipëjktaakën ets ka'ap pën myäyëtëty twinjawëty ja nyë'ë tyu'u.