Eclesiastés 8:13 - Biblia Dc en Mixe de Quetzaltepec

¹³ e yë ja'ay mëti'ipë ëxëëk juukyajtpën, ëxëëk jyatë kyëpätë mëët ko të tkamëët'atë näywyinkutsë'kën ma Tiosën.

Biblia Mixe de Quetzaltepec

¹³ e yë ja'ay mëti'ipë ëxëëk juukyajtpën, ëxëëk jyatë kyëpätë mëët ko të tkamëët'atë näywyinkutsë'kën ma Tiosën.

Eclesiastés 8:13 ပူးပေါင်းရင်းမြစ်များ

Job 14:2

Jëtu'un tä pëjyën mëti'ipë pëjwa'kxpën ets poj'am xyootsy; najxp ets tëkoopy yë'ë tä äpkën.

Job 18:5

Yë ëxëëk ja'ay kupi'itsëjaanp yë'ë ets jyëën ka'ap y'ëkmëjëjanë.

Job 20:5

yë ëxëëkja'aytyëjk yë xyoontakënëty wäänë pyo'oxy; tsojkyë yë jyotkujk'ajtkojtë.

Job 21:30

mëti'ipë ënantëpën ko yë Dios jyoot'anpëky, kyejxyp yë ëyo'on ets ëxëëkja'aytyëjk ka'ap wi'ix jyatë kyëpätë?

Salmos 11:5

Yë Wintsën nyija'ap pën oyjyä'äy ka'oyjyä'äy ets ëxëëk t'ixy yë ëxëëkja'aytyëjk.

Salmos 144:4

Yë naaxwiinyëtë ja'ay jëtu'un yë'ë tä yë ja'ay myëkxejy y'o'kxejyën; ets jyuukyajtën jëtu'un nyäxy tä yë äpkën.

Salmos 37:1

Këtii mjoot'anpëkëty ko jyää'atë ëxëëkja'aytyëjk, këtii xy'ëxëëk'ixëty yë ja'ay mëti'ipë ëxëëk ëtëtstëp ënantëpën,

Salmos 39:5

Janty wäänës yë njuukyajtën të xytyimmooynyë; yë njuukyajtënës mijts mwintuuy ka'ap nijënu'un tii tkëjxmëty. Tëkokyë yë ja'ayëty jëtu'un yaa naaxwiiny jyuuky'ajtkojtë tä yë ja'ay myëkxejyën.

Salmos 55:23

Dios mëti'ipës nTios'ajtypyën, ka'ap jeky jyuuky'ata'any yë yaja'ay'o'kpë ets win'ë'ëmpë; mijts kë'ëm myajkutukëp ets kyuka'anaxtëty jap o'kpëjutjoty, e ëjts ënät, mijts tu'ut ntuk'ijxpätäämpy.

Eclesiastés 3:14

Ets nän nija'apës ko tëkokyë mëti'ipë yë Dios të tyajkojyën kë'ëyxyëëw kë'ëyjyëmëjt yë y'ita'any. Mëti'ipë të tyajkojyën ka'ap tjëkyepy ni'ikyë nyaj'o'oyëmëty ëkë ni'ikyë nyajma'tmëty; tëë winë tyajkojy ijxtëm mëpaat yajtuk'oy'ätyën ets yë'ë yajmo'ojëty tu'uk ja.

Eclesiastés 5:7

Mijts myajkëxë'ëkëp yë näwyinkutsë'ëkë ma Tiosën, oy pën tëkatsy tyajtu'uye'eyëty yë jyuukyajtën ets oy pën je'eyë tii ëxëëk tnikäjpxy tnimëtya'akëty.

Eclesiastés 6:12

Ni pën tkanijawë, tii jëtää naaxwiinyëtë mëpaat yajxon tukxoontä'äky ma yaa wäänë jyuuky'ajtkojyën ets ma mëtyoy yë xyëëw jyëmëjt nyäxyën. Tä äpkën yë jyuukyajtën nyajxkojy, ¿ets pën ëktuk'ëwa'anxëtëp tii miimp wiinkoonp? ma ënety të y'o'knën.

Eclesiastés 7:15

Tëkokyë ya'atë tëëjës n'ixta'ay ntuunta'ay ma yaa naaxwiiny naaxkëjxy njuuky'ajtkojëmën; yë oyjyä'äytyëjk nän je'eyëm y'ooktë ets oy të jyajuuky'atë ets ëxëëkja'aytyëjk jeky jyuuky'atë ets ëxëëk të jyajuuky'atë.

Eclesiastés 7:18

Oy ko tii ta'tspëky nmajtsmëty ets ka'ap nmajtstutmëty. Mëti'ipë ja'ay jyä'ämyejtsypyën yë Dios aak'oy winë wyimpëtsë'ëmxëty.

Eclesiastés 8:8

Ni pën ja'ay tkamëët'aty yë kuttujkën ma juukyajtënën ets ni pën ja'ay tkamëtaty mëk'ajtën ets tyajtu'uwë'ëmëty ets ni pën ja'ay näjyëtu'un tkamëët'aty yë mëk'ajtën ma o'kënën. Ka'ap tjëkyepy nkukäkmëty ya'atë tsiptuunk, oy jënu'un ëxëëk ja'ay ëxëëk y'ëtë'ëts y'ëna'anëty ka'ap yë'ëkyëjxmëty tsyo'oka'any.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënety ja nyëë pyoky kyëjääjëtyën.

Isaías 30:13

paaty miitsëty mmëët'ajtëp ja poky. Jëtu'un miitsëty tä tu'uk potsyën mëti'ipë të kyë'tstaaynyën, ma ënety ka'ap tii xymyäytyën xytyajtën jää kyëtawa'any;

Isaías 57:21

Mëti'ipë ja'ay winë tyuuntëkoopy kyajpxtëkoopyën, nijëna'a jotkujk kyayajpaata'any. Jëtu'un yë Wintsën të y'ënä'äny.

Isaías 65:20

Jam ka'ap nëjkx pi'k ëna'k y'ëk'o'knëtë tsojk, yë mëjja'aytyëjk jeky nëjkx jyuuky'atë. Ja mëko'px jëmëjtpë y'ookyën tsojkën ënety y'ooky, ko pën mëko'px jëmëjt kyajuuky'atëty, poky ënety y'ity.

Jeremias 44:10

Miitsëty ka'ap ninu'un xyaj'oyëtë mjot mwinma'anyëty, ka'ap mtsë'ëkëtë ets ka'ap të xypyatuntë ja ënä'ämën tëyajtën ets ja ijxpëjkën mëti'ipës nmooytyën ja m'aptëjkëty ets miitsëty.

Malaquías 3:18

Ënet jatëkok xywyinjawëtëty mëti'ipëtën oy, ka'oyën; mëti'ipë ja Dios y'ëwtajtypyën ets mëti'ipë kya'ëwtajtypyën.

Juan 5:29

ets pyëtsëmtëty jap jutjoty. Pën të tuntën mëti'ipë oyën, nëjkxëp jyuukpyëktë ets tmëët'atëty ja juukyajtën; ets pën të tuntën mëti'ipë ëxëëkën, juukpyëkantëp ets yajmo'otëty ja ëyo'on.

Santiago 4:14

Nijënu'un xykyanijawëtë mëti'ipë jëpom tunan jatanëpën. Jëtu'un miitsëty ijxtëm ja maanikën, wäänë y'ity ets tyëkoy.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.