Eclesiastés 8:11 - Biblia Dc en Mixe de Quetzaltepec

¹¹ jä'ä ko mëët ko ojts jëtu'unyë nyayaj'ijxninaxy ja nyëë pyoky mëti'ipë ënety të tuuntëkoyën ets ka'ap ënätyë yajtukumëtooy, yë naaxwiinyëtë ja'ay xëmë ëxëëk tuun'ëtë'ëtsa'any.

Biblia Mixe de Quetzaltepec

¹¹ jä'ä ko mëët ko ojts jëtu'unyë nyayaj'ijxninaxy ja nyëë pyoky mëti'ipë ënäty të tuuntëkoyën ets ka'ap ënätyë yajtukumëtooy, yë naaxwiinyëtë ja'ay xëmë ëxëëk tuun'ëtë'ëtsa'any.

Eclesiastés 8:11 ပူးပေါင်းရင်းမြစ်များ

Isaías 26:10

Mijts oy jënu'un xypya'ëyowëty yë ëxëëkja'aytyëjk, yë'ëjëty ka'ap nijëna'a oypyë tja'akyukëtëty; yë'ëjëty ëxëëk yë jyot wyinma'any tyaj'ixëtë ma nyaaxjotmën yë oyjyä'äytyëjkëty ets ka'ap nijënu'un myäytyë tyajtë ets tmëjjaw tkënu'kxyjyawëtëty yë Wintsën.

Salmos 10:6

ets ënät myäy tyäjy ko ni pën kyamayëtëty, ets nijëna'a tkapaata'any yë ëyo'on jotmay.

Jeremias 48:11

Yë Moab ja'ayëty jotkujk xëmë të jyuuky'atë, nijëna'a muum të kyanëjkxtë tsum matsy wiink naax wiink kajpn. Jëtu'un tä tu'uk yë tsatym nyëë tëëpë nyimaanaxyën tu'tsjotypë y'ityën ets ka'ap ëpëky yajtäämnaxy wiink tu'tsjoty, xëmë xu'kx jyawë ets pa'ak xëmë y'ity.

Éxodo 8:15

E ja mëj'ënä'ämpë ko jëtu'un t'ijxy tëë y'o'kta'atë ja nooty, tä jatëkok ja mëkwinma'any tpaty, ka'ap tja'akyujkëy, tä ja Moisés ets ja Aarón jya'ëna'antën, jëtu'un ojts y'ëti'itsy, tä ënety ja Dios të t'akäjpxyën.

Isaías 57:11

¿Pën tiosën ijty mijts ëxëëk xytsyë'ëkë ets janty mëj'äämpy xyjyëkyepy koos të xykyawintsë'ëkë etsës të xyjyä'äytyëkooynyë? Koos ënety ka'ap xy'ëkmëj'ijxnë, amonyës ijty je'eyë nyajpaaty, ets jëtu'unës nnäpyëjktä'äkyë ka'apës yowë tii nnijawë.

Jeremias 42:15

miitsëty Judá ja'ayëty ninu'un të wyë'ëmtën yaa, mëtoow'itë wi'ix yë Wintsën y'ënä'änyën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën: Pën miitsëty jëtu'un m'ëna'antë ko jap mnëjkxa'antë Egiptë tsënääpyë,

Éxodo 8:32

Ja mëj'ënä'ämpë ojts kyujuun'o'kojnëpë ets kä'äpyëm t'ëxmajtsy ja Israel ja'ayëty.

Éxodo 34:6

Jam ojts nyäxy winkon ma ja Moisés yajpaatyën ets mëk y'ënäny ja mëto'owën: Yë Wintsën, yë Wintsën. Yë Dios mëti'ipë oyjyot oywyinma'any myëët'ajtypyën, mëti'ipë pa'ëyoop najts'ëyo'owëpën, mëti'ipë mä'kxtujkpën ets mëj këjää tsyoky jyawë ets aak mëtëy winë tuny.

2 Samuel 11:15

Ja noky jëtu'un y'ënä'äny: Yë'ë pëjkta'ak yë Urías jëwyiin ets jam xynyaskäxëty ma ni'ik ja tsip myëkëtyën, jamts atu'uk xyajwë'ëmtëty ets mëtsip yaj'ookëtëty.

Salmos 86:15

E mijts Wintsën, jä'ä mTios'aty yujy tëtä'äky, ets pa'ëyoop, mä'kxtujkp mëët yë tsojkën ja'awën ets tëyajtën.

Eclesiastés 9:3

Yë'ë jëtu'un ya'atë ka'ap oy n'ijxmëty mëti'ipë naaxwiiny naaxkëjxy tuunëpën jajtëpën. Näyjyëtu'un ënät jatu'kpëky ja ayuk, yë naaxwiinyëtë ja'ay jä'ä xëmë myëmääpy myëtäjpy tuuntëko'oy kajpxtëko'oyën; ja tsuuwinma'any kupoj winma'any jä'ä nätyuk'ënä'ämëp mapaat jyuuky'ätyën; ets ko y'ooky tyëkoy nitëyë yajmënëjkxnë jutjoty.

Job 24:23

Dios yë'ë yajjuuky'ajtëtëp akujk jotkujk, je'eyëp ko ijxëtëp wi'ix nyë'ëye'ey tyu'uye'eytyën.

Salmos 10:4

Yë ëxëëk ja'ay amëj akëjxm yë wyiin jyëjp tsajptijy ets y'ënä'äny: ko ka'ap ma Dios, pën xy'ëkyajtëwëpës tiis ntuunpy nkäjpxypën. Yi'iyë myääpy tyäjpy.