Eclesiastés 8:10 - Biblia Dc en Mixe de Quetzaltepec

¹⁰ Tëës näjyëtu'un n'ixy wi'ix yë ëxëëkja'aytyëjkëty yajnixoonta'aktën ko y'ooktë, oy ënety nijëna'a yë tsajptëjk të tka'ixy'atë ets ma ja nyaax kyajpnëtyën ka'ap ni pën y'ëkja'aymyäjtsënëtë. Tyaapë nän nëkoopë yë'ë,

Biblia Mixe de Quetzaltepec

¹⁰ Tëës näjyëtu'un n'ixy wi'ix yë ëxëëkja'aytyëjkëty yajnixoonta'aktën ko y'ooktë, oy ënäty nijëna'a yë tsajptëjk të tka'ixy'atë ets ma ja nyaax kyajpnëtyën ka'ap ni pën y'ëkja'aymyäjtsënëtë. Tyaapë nän nëkoopë yë'ë,

Eclesiastés 8:10 ပူးပေါင်းရင်းမြစ်များ

Eclesiastés 9:5

Ets näjyëtu'un mëti'ipë ja'ay juuky'ajtëpën nyija'awëtyëp ko y'ooka'antë, e yë o'kpëty nitii tka'ëknija'awënëtë ets nitii tka'ëkpatnëtë, jä'ä ko ja'atyëkoy yë nyëjkxnëtë.

Eclesiastés 2:16

Jä'ä ko mëti'ipë ja'ay wijyën ëkë mëti'ipë ja'ay tsuujën ka'ap nimëti'ipë yajja'amyätsa'antë; ko nyäxy yë xëëw jëmëjt tääts winë yajja'atyëkooynyë, yë wijyjyä'äy ets tsuuja'ay tu'knax y'oka'an tyëkoya'antë.

Proverbios 10:7

Ja'ay mëti'ipë oy tsuj të jyuuky'ätyën, xëmë yaja'amyetsy oy të y'o'knë; e mëti'ipë ëxëëk të jyuuky'ätyën, ¿pën ëkja'amyätsanëp?

Hebreos 10:38

Yë n'u'unkës mëtëy jyuuky'ata'any mëët ja mëpëjkën; jää tëy ko tyu'utëkatsëty ka'apës nëjkx oy näjyawëty.

Hechos 6:13

Näy ojts t'ixta'atë ja ja'ayëty mëti'ipë nyi'antaakëtëpën ja Esteban, ets y'ëna'antëty: Ya'atë ja'ay, xëmë tni'ojë yë mëjtsajptëjk ets Moisés yë y'ënä'ämën.

Lucas 16:22

Ënet ojts y'o'knë ja Lázaro ets yajnëjkxë ja Dios ja y'anklës jam tsajpjotm ma ja Abraham yajpaatyën; ok ja kumeenyjyä'äy näjyëtu'un y'o'ky, tääts nyaaxtëjkëy.

Jeremias 17:13

Wintsën, mijts yë Israel ja'ayëty m'a'ijx mjëjp'ijxëp. Mëti'ipë m'ëxmajtsëpën, tsëtyu'unmëët wyë'ëma'any. Mëti'ipë mmëjëkämkäkëpën, jëtu'un nëjkx jyäty tä ja'ayxyëëw naaxwayjoty yajkëxja'ayën, poj'am pyojtëkoy, mëët ko ënety mijts të myaj'ëxmatsy ma jëtu'un m'ityën tä nëëkopkën.

Eclesiastés 1:11

Tëëpë nyäxyën tëë ja yajja'atyëkooynyë ets näjyëtu'un yajja'atyëkoyä'äny mëti'ipë tunan jatanëpën.

Salmos 31:12

Jëtu'unës të xyjyä'äytyëkooynyëtë tëës yowë n'o'knë. Jëtu'unës ëjtsnë tä tu'uk yë tu'tsën tëëpë tyukpu'ujëtyääynyën.

Job 21:18

¿Jëna'a të y'ëkwa'kxtëpë jëtu'un tä yë pu'uxm pyojwä'kxyën ko pojxujtyky nyäxy?

Eclesiastés 9:15

E jam tu'uk yë ëyoopëja'ay tsyëënë je'eyëp ko wijy ets mëët yë wyijajtën jyëkyejpy tu'uk yë naax kajpn tyajtso'okëty, je'eyëp ko yë'ë ni pën kyaja'aymyetsyë.