Eclesiastés 7:29 - Biblia Dc en Mixe de Quetzaltepec

²⁹ Yi'iyës të nijawë ko yë Dios wa'ats yë naaxwiinyëtë ja'ay të tyajkojy, je'eyëp ko yë naaxwiinyëtë ja'ay kë'ëm yë jyuukyajtën tyajtsiptëkë.

Biblia Mixe de Quetzaltepec

²⁹ Yi'iyës të nijawë ko yë Tios wa'ats yë naaxwiinyëtë ja'ay të tyajkojy, je'eyëp ko yë naaxwiinyëtë ja'ay kë'ëm yë jyuukyajtën tyajtsiptëkë.

Eclesiastés 7:29 ပူးပေါင်းရင်းမြစ်များ

Génesis 5:1

Yaa jëtu'un kuja'ay myiny ja y'u'unk y'okëty yë Adán. Ko yë Dios ojts tyajkojy yë naaxwiinyëtë ja'ay. Jëtu'un ojts tyajkojy ijxtëm yë Dios kë'ëm y'ixëtyën.

Salmos 106:29

Mëët ja y'ëxëëktu'un y'ëxëëk kajpxënëty yë'ë ojts mëët ja Dios tyajjoot'anpëktë, paatykyëjxm ojts tu'uk yë mëj ëyo'on kyëtä'äky ma yë'ëjëtyën.

Salmos 106:39

Yë'ëjëty ojts nyäyaj'ëxëëkëtë, mëët ja y'ëxëëktu'un y'ëxëëk kajpxën.

Salmos 99:8

Wintsën mëti'ipë ëëtsëty nTios'ajtëpën, mijts ojts xy'ëtsoy. Jä'ä ojts mijts mTios'aty pojkpëmä'kxpë ma yë'ëjëtyën, je'eyëp ko ojts näjyëtu'un xytyiytyuny ko muum tyëkooytyë.

Eclesiastés 8:1

¿Pën y'ëkmëpaatëp yë wijyjyä'äy? ¿Ets pën y'ëkja'aykyukëp wi'ix ko winë tyunyë jyätyë tä yaj'ixyën? Yë wijyajtën këxë'kp ma wiin ma jëjpën; ets oy tyajkëxë'ëky yë wiin jëjp. Ko tmëmëtowtën ja yajkutujkpë

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

Ezequiel 28:15

Mijts nitii poky ënety xykyamëëtëty ko ojts mkojy, oknëm yë pokytyu'unën xyäjty ma mjot mwinma'anyën.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.