Eclesiastés 7:13 - Biblia Dc en Mixe de Quetzaltepec

¹³ Ix yajxon wi'ix yë Dios winë të tuny të tkäjpxyën; ¿Pën y'ëk'u'uytyëwëp? mëti'ipë yë Dios näy xëkety të tpëjktä'äkyën.

Biblia Mixe de Quetzaltepec

¹³ Ix yajxon wi'ix yë Tios winë të tuny të tkäjpxyën; ¿Pën y'ëk'u'uytyëwëp? mëti'ipë yë Tios näy xëkety të tpëjktä'äkyën.

Eclesiastés 7:13 ပူးပေါင်းရင်းမြစ်များ

Job 11:10

Pën miimp yë Dios ets tsumy tmatsy yë ja'ay ets tukumëtowa'any ja tyëko'oyën, ¿pën y'ëkjëjpkuwa'akëp?

Job 12:14

Mëti'ipë Dios të tyajkutëkoyën, ka'ap tjëkyepy pën jatëkok t'akojëty; mëti'ipë Dios të tyajku'ëtukyën, ka'ap tjëkyepy pën tyajniku'ëwa'atsëty.

Job 34:29

E ko Dios näjyëtu'un y'ëmoonpëty, ¿pën tëytyunëp? Pën yë'ë näyu'tsëp ¿pën winë y'ixëp? Yë'ë y'ijx'ijtyp Kyëwent'ajtyp yë naax kajpn ets ja'ay

Job 37:14

Job, ëwxit mä'kxtuk ets mëtoow'it, yë'ë mëmay mëtaj wi'ix yë Dios winë tunyën.

Job 9:12

Ko tii tjä'äniwa'anëty, ¿pën tuk'ojëtëp? ¿Pën ëkyajtëwëtëp tiijaty tyuunpy?

Salmos 107:43

Mëti'ipë ja'ay wijyën jyä'äkyujkëp yë jëtu'unpë ets wyinja'ap wi'ix yë Wintsën yë tsyojkën jya'awën myëjëtyën.

Salmos 8:3

Koos n'ixy ja xëëw po'o ets ja mëtsa'a jam tsajpjotm mëti'ipë të xyajkojyën,

Eclesiastés 1:15

Mëti'ipë näy xëketyën ka'ap tjëkyepy nwo'ontë'ëwmëty ets ka'ap tjëkyepy tii nipëjktakëmëty pën ka'ap yajmëët'aty ja mëtakën.

Eclesiastés 3:11

Yë Wintsën aak nyixëëw nyijëmëjt ojts tukpata'ay ets oy winë kyëxë'ëkëty ets aak oyëty t'oytyuuny; ojts näjyëtu'un yë naaxwiinyëtë ja'ay tyajkojy mëët yë jyot wyinma'any ka'apë kyixy tyukyën, oy yë naaxwiinyëtë ja'ay tkaja'aykyujkëtyä'äy wi'ix'äämpy myëjwiin kyëjääjëtyën mëti'ipë Dios të tuny të tkäjpxyën ets mëti'ipënëm tyunäämpy kyajpxäämpyën.

Eclesiastés 8:17

etsës të nwinjawë ko ka'ap yë naaxwiinyëtë ja'ay myäyëtëty ets tja'akyujëtya'ajëty mëti'ipë yë Dios tyuunpyën ets mëti'ipë tuunëp jajtëpën naaxwiiny naaxkëjxy. Oy jënu'un tja'ixta'ajëty ets tjapaata'anëty yë nyiwinma'any wi'ix ko jëtu'un tii tyunyë jyätyë ka'ap tpaatëty; oy yë ixpëkyjyä'äy jya'ëna'anëty ko tëë tpaaty nyiwinma'any, yë'ë ka'ap tii myäyë tpaatëty.

Isaías 14:27

Yë Wintsën mëti'ipë maaytyääyëpën winë, tëë tuknipëjktaakë, ni pën tkajëkyepy y'ëtukëtëty. Yë ëyo'on mëti'ipë yajkëta'akäämpyën, ka'ap tjëkyepy pën t'akajpxtukëty.

Isaías 43:13

Jëtu'un tyimminy tyimku'ty, ëjts jëtu'un Tios'ajtp ets ni pën kyamayëtëty tjëjpmëwa'akëty ja nmëk'ajtënës. Ni pën kyamayëtëty ets tyajma'atëty mëti'ipës tëë ntuknipëjktaakën.

Isaías 5:12

Xuxpë wojpë, ëëwpë koowpë mëët mxëëwtuntë, ka'ap ja ka'ayën ukën y'ëmaaytyä'äky ma kaaypyäjnën; je'eyëp ko tëë xyjyä'äytyëkooynyëtë mëti'ipë Dios të tunyën, ka'ap xy'ëkja'amyäjtsnëtë mëti'ipë të tyajkojyën.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Lucas 12:26

Pën ka'ap mayëtë yiinpë wäänpë, ¿tii ko xymyëmay xymyëtajtë ja këjääpë?

Romanos 9:15

Jëtu'un ja Moisés Dios y'ënëmaayë: Npa'ëyowäämpyës pën ënety npa'ëyowäämpyës, najts'ëyoowëjäämpyës ja ja'ay pën ënety najts'ëyowëjäämpyës.

Romanos 9:19

E jam ma miitsëtyën wä'än jëtää jam pën y'ëna'anëty: Pën jëtu'un, ¿tiixë ko ja Dios ja ja'ay tpoky'ixy? ¿Pën jëtää mëpaat t'ëk'ëtuky mëti'ipë ja Dios të tuknipëjktaakën?

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.