Eclesiastés 7:12 - Biblia Dc en Mixe de Quetzaltepec

¹² Jä'ä ko yë wijyajtën jëtu'un kyuwa'any tä yë wit meenyën, je'eyëp yë wijyajtën yäjkpy ets kyuwäämpy yë juukyajtën ma wijyjyä'äyën.

Biblia Mixe de Quetzaltepec

¹² Jä'ä ko yë wijyajtën jëtu'un kyuwa'any tä yë wit meenyën, je'eyëp yë wijyajtën yäjkpy ets kyuwäämpy yë juukyajtën ma wijyjyä'äyën.

Eclesiastés 7:12 ပူးပေါင်းရင်းမြစ်များ

Job 1:10

Mijts ka'ap xyajkutuky ets pën kyë'ënixajëtëty, mëk xykyëwent'ajtë jyuukyajtën, jyiiky myëku'uk ets tëkokyë mëti'ipë myëët'ajtypyën; aak mkënu'kxyp mëti'ipë myëët'ajtypyën ets kumeenyjyä'äy yë'ë, may ni'ik yë jëyujk tsajpkaa tmëëtëty këtiinëm yë myëku'uktëjk, myëkunaax myëkukajpn.

Salmos 57:1

Dios, mëti'ipës nTios'ajtypyën, mëët'at pa'ëyo'owën najts'ëyo'owën mëët ëjts, jam ma mijtsën jamës n'ixta'ay yë kuwa'anën. Jamës nnäyutsa'anyë ma mijts mkëwent'atyën koonëm ja ëyo'on jotmay nyaxëty.

Proverbios 11:4

Yë wit meeny nijënu'un kyatuna'any ko ënety ja poky yajnipaye'ey, je'eyëp ko jyää'aty ja nipaye'eyën, mayjyä'äy tpaatë nitsokën.

Proverbios 14:20

Yë ëyoopëja'ay, yë'ëpaat yë jyiiky myëku'uk y'ëxëëk'ixyë mëti'ipë oy mëët të nyäjyawëtyën; e tu'uk yë kumeenyjyä'äy nëkooyë nimay tmëët'ajnë mëti'ipë oyjya'awëyëpën.

Proverbios 2:11

Ja wijyajtën ets ja këpetyajtën yë'ë nëjkx mkëwent'atyë.

Proverbios 2:7

Dios pyutëjkëp ets y'ijx'ijtyp Kyëwent'ajtyp yë ja'ay mëti'ipë oy tsuj juukyajtpën ets ka'ap tii tuuntëkoy tkajpxtëkoy.

Proverbios 3:18

Yë ja'ay mëti'ipë wijyën, ets mëti'ipë winë nyija'apën, mëj këjää yë juukyajtën tpaaty t'ixy, janty jotkujk ja ja'ay yajpaaty mëti'ipë tyukjajtypyën wi'ix jëtu'unpë tyajwë'ëmëtyën jyootjoty kyëpajkjoty.

Proverbios 8:35

Jä'ä koos ëjts pën xypyääty, jëtu'un tä pën tpaatyën yë juukyajtën, ets Dios janty'oy jyawëty;

Proverbios 9:11

Oy ko jyää'aty wijyajtën, jeky mjuuky'ata'any ets këjääjëjaanp ja xëëw jëmëjt ma mjuuky'ata'anyën.

Eclesiastés 10:19

Yë ka'ayën ukën paatykyëjxm yë'ë të yajtuknikojë ets yajtukxon yajtuk'itëty, yë tsatym nyëë yë'ë të yajtuknipëjktaakë ets yajtukxoonta'akëty; e yë meeny yë'ë të yajtuknipëjktaakë ets tääpë mäjtsk yajjuyëty.

Eclesiastés 2:13

Ets të npaaty yë winma'any ko oy ni'ik yë wijyajtën ets këtii yë tsuuajtën, jëtu'un tä ni'ik y'oyëtyën yë të'kxën jajën ets këtii yë kootsajtën.

Eclesiastés 7:19

Ni'ik yë ja'ay jotmëk nyäjyawëty mëti'ipë wijyën, këtiinëm jëtu'un ko nimajk njatukjotmëk'ajtmëty yë yajkutujkpë naaxjoty kajpnjoty.

Eclesiastés 9:16

Ëjts jëtu'un n'ëna'any ko ni'ik mëpaat tsyowpaaty yë wijyajtën këtiinëm yë jotmëk'ajtën, oy yë oyoopë ja'ay wijypyë pën kyatunëtëty këwentë ets oy pën kyamëj'ixëtëty ets tkämëtoow'itëty yë y'aaw y'ayuk.

Eclesiastés 9:18

Ni'ik tsyowpaaty yë ixpëkyajtën këtiinëm yë pujxn mëti'ipë ja'ay myëtsiptuunpyën. Ko tii oy tkatuny mëj këjää ëyo'on jotmay y'ity.

Isaías 30:2

Jap pëyi'ikyë nyëjkxtë Egiptë, ëjts ka'apës pën tii xyajtëy; ja yajkutujkpë faraón jä'ä tyukjotkujk'ajtëp, jap Egiptë kyäktso'oktë.

Isaías 32:2

Nitu'ukjaty jëtu'un të yajpëjkta'aktë tä tu'uk tsoktaknën, oy mëkpoj myinëty, oy mëk tuu myinëty; jëtu'un nëjkx nyaxtë tä yë nëë ntuk'yajxo'kmëtyën aay ujts, tä muum të'ëts'itum nyinikën yë mëjtsaa.

Isaías 33:6

Ja naax kajpn xëmë tyaj'ita'any jotkujk. Yë ixpëkyajtën ets nija'awën, yë'ë mëk tsoowpatp ets yajnitsokp. Ko yë Wintsën ntsë'këmëty nja'awëmëty, mëj këjää tsyowpaaty.

Juan 12:50

Nija'apës ko ja mëti'ipë ja Dios Teety të ni'ënä'ämën, yë'ë mëti'ipë yajjuuky'ajtpën xëmëkyëjxm. Paaty mëti'ipës nkäjpxypën, jëtu'unës nkäjpxy ijxtëm ja Dios Teety të ni'ënä'ämën.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Deuteronomio 32:47

Ya'atë aaw ayuk ka'ap tjëkyepy namaa natii xyjyawëtëty, ya'atë ënä'ämën yë'ë nëjkx myajjuuky'atëtë ko xypyatuntëty. Ko xytyuntëty ijxtëm y'ëne'emyën, jeky nëjkx mjuuky'atë ma ja it naaxwiinyëtën jampë yajpaatyën nëë awinaxy, ma Jordán mëjnëëjën, mëti'ipë miitsëty mniwa'akantëpën.

Filipenses 3:8

Ni tiis tyam jëtu'un nka'ixy tsyowpaaty ijxtëm ja oyajtënën mëti'ipë yajmëët'ajtpën ko ja Kristë Jesús të yajnijawë, mëti'ipës nWintsën'ajtypyën. Mëët koos ja Kristë të nmëpëky tëëjës winë nyajtëkooytyä'äy, aak pu'uxmën tu'kë'ëyë winë njawës koos ja Kristë npaata'any,

Jueces 9:15

Ets ja äpynykyepy y'ënäny, pën janty ënantëp ets yë'ë yajkutukëty, kopkpëky ko jam yajpata'atëty ma ja y'äpkën; e pën kajts tsoktë, nëjkxëp pyëtsimy tu'uk ja jëënyä'änk mëti'ipë nëjkx tyajtooytyëkoyën ja Líbano itjotm.