Eclesiastés 6:2 - Biblia Dc en Mixe de Quetzaltepec

² Jëtu'un yaj'ixy win'ixy yowë Dios ja'ay wit meeny tmo'oy ets win'ixy yowë jotkujk ja'ay tyajjuuky'äty, mëti'ipë tii tyëkoy'ajtxëtën mëti'ipë tsyojkën'ajtëpën; je'eyëp ka'ap yë'ëjëty tukjuuky'atë wiink ja'ay tyukjuuky'äjtyp. Ya'atë jëtu'unpë nän natëk winma'any yë'ë ets je'eyë pyäätyë nimo'on nitujkmëty.

Biblia Mixe de Quetzaltepec

² Jëtu'un yaj'ixy win'ixy yowë Tios ja'ay wit meeny tmo'oy ets win'ixy yowë jotkujk ja'ay tyajjuuky'äty, mëti'ipë tii tyëkoy'ajtxëtën mëti'ipë tsyojkën'ajtëpën; je'eyëp ka'ap yë'ëjëty tukjuuky'atë wiink ja'ay tyukjuuky'äjtyp. Ya'atë jëtu'unpë nän natëk winma'any yë'ë ets je'eyë pyäätyë nimo'on nitujkmëty.

Eclesiastés 6:2 ပူးပေါင်းရင်းမြစ်များ

1 Reyes 3:13

Ëpëky näjyëtu'un nmo'oja'any ja wit meeny ets mëj'ajtën oyajtën ets winëjaty mëti'ipë ka'ap të xy'amëtoyën, ka'ap pën mmëpaatëtëty tä mijts tyam myajkutuka'anyën.

1 Crónicas 29:25

Yë Wintsën yë'ë ojts kë'ëm tyajkutuky ets ja Salomón mëj'äämpy nyaxëty ma tu'kë'ëyë ja Israel ja'ayëty ja nyaax kyajpnën, akäjpxy ojts y'ity mëjwiin këjää këtiinëm jyëtu'unëty ja wiinkëtypë ja yajkutujkpë mëti'ipë të tyuntën ma ja Israel kajpnën.

1 Crónicas 29:28

Mëjja'ay ënätynyë ko ojts y'o'knë, jeky jyuuky'äjty, ojts ja wit meeny may tmëët'aty, tyuun kyajpx winë mëjwiin këjää, akäjpxy oymyaajëty y'ijty. Ko ojts y'o'knë yë myaank Salomón, yë'ë kutëjkëyë ma kutujktaknën.

2 Crónicas 1:11

Ënet ja Wintsën t'ëtsooy ja Salomón: Mëët ko mijts yë'ë të xy'amëtoy ja wijyajtën kujk'ajtën ets ja nija'awën wi'ix ja naax kajpn xytyu'uwinwowëtyën, ma të mpëjktä'äkyën m'ënä'ämëty myajkutukëty, ets ka'ap yë'ë të xy'amëtoy ja kuwit'at, kumeeny'at ets ma ja mëtsip xynyi'ënä'ämën ets y'ooktëty tyëkoytyëty ets ka'ap të xy'amëtoy mjuukyajtën yonëty jyiitsëty, tyam nmo'ojëty mëti'ipë yam të xy'amëtoyën,

Salmos 17:14

Mëët yë mëk'ajtën, Wintsën, yajpëtsëëmkës jap ma yë'ëjëtyën. Wä'än yaa tyajpaatë naaxwiiny ma kyuma'ayën të yajmo'otën. Wä'än näyajkumeenytya'akëtë ets wä'än yë y'u'unk tkaytyë t'uuktë ku'uxyë koonëm pyëjwa'kxtëty ets jyaak natëkëty mëti'ipë y'ok'u'unk y'ok'ëna'k tyukjë'kxëpën.

Salmos 39:6

Tëkokyë yë naaxwiinyëtë ja'ay jëtu'un nyäxy poj'am tä tu'uk yë äpkën; ka'ap nijënu'un tuk'oy'atëty oy jënu'un yë wit meeny nipëjkpät nituumpätëty, jä'ä ko ni yë'ë tkanijawë pën nëjkx tmëwë'ëmy.

Salmos 73:7

je'eyë janty ni'kxëty kyëxë'knëtë, mëpaatëp wyiintsaa pyëtsëëmnëtë; kanaak yajxon mëti'ipë ëxëëk myëmaay myëët'ajtëpën.

Eclesiastés 4:4

Tëës näjyëtu'un n'ixy ko ja'ay mëk nyäyajtunyë ets wyimpety ja wyit myeeny, yi'iyë näy'ëxëëk'ixë näkya'oy'ixë y'ixkujkëp, tääpë nän natëkë winma'any yë'ë, jëtu'un tä jeexyë nëkoo jyuukyajtën tuk'ëyi'ikyën.

Eclesiastés 4:8

tu'u yë naaxwiinyëtë ja'ay nätyu'ukpë jyuuky'ätyën, ka'apë y'u'unk y'ëna'kën ets ka'apë myëkä'äxën, ka'apë pyo'kxyën nitu'knu'un ets yi'iyë myëmääpy myëtäjpy wyit myeeny ets nijëna'a kyanäyajtëyë: ¿tiijës ko nëkooyë ntimy tyäty nyäyajtunyë? ¿Pën n'amëtu'unëp? ¿Tiijës ko ka'ap näyyajpo'kxyë? Ya'atë nän natëkë winma'any yë'ë ets je'emty yë oy.

Eclesiastés 5:13

Tëës n'ixy ntuny wi'ix naaxwiiny naaxkëjxy jyäty kyëpetyën yë ja'ay mëti'ipë wit meeny nyipëjkpejtypyën, yë'ë nyipëjkpejtyp mëti'ipë ëxëëk myëjat myëkëpätëpën,

Eclesiastés 5:16

Ya'atë je'eyë mëpaat yajnimony yajnituky, jä'ä ko jëtu'un tä ja'ay myinyën naaxwiinyëtë, näjyëtu'un jatëkok nyëjkxa'any. ¿Tii të tuny të tpaaty ko jyuuky'äty? nëkoopë je'eyë të tyäty tyuny.

Eclesiastés 5:18

Yi'iyës ëjts oy njaak'ijxyp ko ja'ay kyäy y'uuky ets ko tukxoontä'äky mëti'ipë jam pëtsëëmpën ma kyam tyu'ujën mëti'ipë të tnitunën naaxwiiny naaxkëjxy ma yaa wäänë jyuuky'ajtkojyën mëti'ipë Dios xymyo'oyëmën, jä'ä ko jëtu'unyë jëtu'un mëpaat njak winma'anypyätëmë.

Eclesiastés 5:19

Näyjyëtu'un ënätnëpë ko yë Dios kë'ëm yë ja'ay tkënu'kxy mëj këjää winë tmo'oy ets myoopy yë juukyajtën ets tkayëty tjë'kxëty mëti'ipë nyijëtu'un nyiye'eyëpën ets mëti'ipë paat'ajtëpën, jä'ä ko yë ja'ay tpaaty t'ixy mëti'ipë nyijëtu'un nyiye'eyëpën nän Tiosëtën mooyëp.

Isaías 55:2

¿Wi'ix ko meeny nëkoo nyajtu'unmëty ma ka'ap tjëkyepyën wi'ix nkä'ämyëty n'ukmëtyën? ¿Wi'ix ko jam nyajtu'unmëty mëti'ipë nimëjaaw yajnitu'un yajniye'eyëpën, ma winë ka'ap jyotkëtä'äkyën? Mëtoow'itë mëti'ipës yam nikäjpxypën ets oy yajxon mkaytyëty m'uuktëty, xu'kx ets jotkëtä'äky.

Lamentaciones 5:2

Aak wiink naax wiink kajpn yajpaaty mëti'ipë ijty ëëts njä'ä'ajtëpën; ja njëën ntëjkëtyës wiink ja'ay ja tyam jyä'ä'ajnëtëp.

Daniel 5:18

Yë Dios Ni'ik yë'ë yajk yë kutujkëntakn ets mëj'ajtën, mëj'ajt oyajtën ets näyajmëjnaxë ma mteetyën Nabucodonosor.

Oseas 7:9

Wiink ja'ay të pyëjkëty yë jyot myëjaaw ets ka'ap të tjawë. Yë'ëpaat yë kyuwaay të pyoopëtyä'äy ets ka'ap të t'ixy.

Deuteronomio 28:33

Ja pëjktä'äky ets ja aaytyëëm ujtstëëm mëti'ipë ënety të xynyitunën, wiink ja'ay nëjkx tjë'kxy tpëky, mëti'ipë nikajëna'a të xy'ixyën. Ëxëëk nëjkx yë ja'ay xëmë mtunyë ets nijëna'a pën mkawinkutsë'ëkëtëty.

Deuteronomio 28:43

Yë jaaypyaat jaaypyo'kxyëty nëjkxëp myëkta'aktë ma mnaax mkajpnën, e mijts ni'ikyë ja mkutujkën kyujënakëty.

Jueces 18:10

Ko jam mja'tëty tääts xy'ixtëty ko tääpë ja'ayëty akujk jotkujk yajpaatë, ma tääpë naax kamën ka'ap jam tii tyëkoy'äty. Dios yë'ë mmo'ojanëtëp tääpë it naaxwiinyëtë.