Eclesiastés 5:4 - Biblia Dc en Mixe de Quetzaltepec

⁴ Ko tii xywaanta'akëty ma Tiosën, ënätyë xykyuuytyunëty, jä'ä ko yë'ë ka'ap t'oy'ixy ko tii je'eyë yajwinwanë. Mtunëp jëtu'un mëti'ipë ënety të xy'ëwaanën,

Biblia Mixe de Quetzaltepec

⁴ Ko tii xywaanta'akëty ma Tiosën, ënätyë xykyuuytyunëty, jä'ä ko yë'ë ka'ap t'oy'ixy ko tii je'eyë yajwinwanë. Mtunëp jëtu'un mëti'ipë ënäty të xy'ëwaanën,

Eclesiastés 5:4 ပူးပေါင်းရင်းမြစ်များ

Génesis 28:20

Jam yë Jacob ojts tu'uk yë waantakën tuny ets y'ënäny: Pën Dios yë'ëjës xyjyämyëët'ajtp ets pën xykyëwent'ajtpës maas nëëye'ey ntu'uye'eyën ets pën xymyoopyës yë nka'ayën n'ukën ets mëti'ipës nwit'at nxox'atëpën.

Génesis 35:1

Ënet yë Dios t'ënëmaay yë Jacob: Pëtë'ëk ets nëjkx jam mtsëënë Betel, jam xy'oytyunëty tu'uk yë wintsë'këntyakn, mëti'ipë Dios jyä'ä'atëpën, ma ojts nyänyikëxë'ëkyën ma mijtsën ko ënety ja m'ajty Esaú xykyuke'eky.

Génesis 35:3

Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Dios nwintsë'ëkëja'any mëti'ipës ojts xypyutëkën ma ënety mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Salmos 116:14

Nkuuytyunäämpyës ja waantakën ma ja Wintsënën mëti'ipës të ntukwinwanën, ets y'ixtëp tëkokyë ja naax kajpn mëti'ipë yë'ë kyajpn'ajtypyën.

Salmos 119:106

Ojts tu'uk yë waantakën ntunyës, ets kopkpëky ko nkuuytyuna'anyës. Ëjts nkuuytyunäämpyës yë m'ënä'ämën mtëyajtën mëtëypyë.

Salmos 22:25

Ma ja mnaax mkajpnën jamës nimëtya'aka'any wi'ix tii mëtëy xytyunyën. Ma ja ja'ayëtyën mëti'ipë oy mëtuunëpën, jamës nkë'ëyaka'any mëti'ipë të ntukwinwanën.

Salmos 50:14

Wä'än yë Dios yë'ë tyajtukwintsë'ëkë yë kukkajpxën ja'awëkyëtakkën; kuuytyun mëti'ipë të xytyukwinwanën ja Ni'ik Këjxmëpë.

Salmos 76:11

Tuntë yë waantakën ma Tiosën, mëti'ipë m'ëwtajtëpën, je'eyëp ko mkuuytyuntëp jëtu'un. Miitsëty, jënu'un xynyatänëtën mëti'ipë patëpën yajwinkutsë'ëkëty, yë'ë tukmëyoxtë winë.

Proverbios 20:25

Kutsë'ëkë wäänë ko yë ja'ay tii yë Dios tukwinwanë ets ënät ok tmëkjawë ko ja wyaantakën tyäky.

Isaías 19:21

Nëjkxëp ja Wintsën nyänyikëxë'ëkyë jam ma Egiptë ja'ayëtyën, ets ja Egiptë ja'ayëty nëjkxëp nijawëtë pën Wintsën'ajtpën, nëjkxëp tmo'otë ja wintsë'kën ets ja ayajk ako'onën. Nëjkxëp ja wyaantakën tuntë ets nëjkx tkuuytyuntë.

Jonás 2:9

E ëjts nyajnaxäämpyës ja kukkajpxën ja'awëkyëtakkën ma mijtsën ets nmo'ojäämpy yë mwintsë'kën. Mijts tu'ukyë maayëp wi'ix yë ja'ay xyaj'ëwaatsëpëtsëmëtyën.

Malaquías 1:10

Jääpëk jeexyë jam pën pyëtsimy ma miitsëtyën mëti'ipë tsajptëjk yaj'ëtukëpën, këtiipë pën tyajmëjëty jap yë jëën maas yë nwintsë'këntyaknën. Jä'ä ko ka'apës jotkujk näjyawëty mëët miitsëty ets ka'apës jëtu'un n'ëkupëkanë yë wintsë'kën mëti'ipë myajktëpën.

Mateo 5:33

Näy tëë xymyëtoy'atë ko ja aptëjk yaj'ënëmaaytyë: Pën tëë tii xywaantä'äky mëët ja Dios, mkuuytyunëp.

Hebreos 10:6

Ka'ap të xy'oyjyawë ko jëyujk jyëëntë'ëtsy ets ko myajtukwintsë'ëkë winë ets jeexyë ja pyoky jyënäky.

Jueces 11:35

Ko jëtu'un t'ijxy ënät ojts yë wyit amëjaaw tnënuky ets tkë'ëtswä'kxy mëët ko janty mëk tja'awëy ko jä'ä ja nyëëx pyëtsiimy äjtspë ets t'ënëmaay: U'unk maay janty o'ktëyës näjyawëty. Mijtsës ënät tyam ëxëëk xyajjajtp xyajkëpäjtp. Tëës yë waantakën tu'uk ntuny ma Wintsën e kopkpëky koos ënät nmo'ojëty mëti'ipës të ntukwinwanën.