Eclesiastés 5:16 - Biblia Dc en Mixe de Quetzaltepec

¹⁶ Ya'atë je'eyë mëpaat yajnimony yajnituky, jä'ä ko jëtu'un tä ja'ay myinyën naaxwiinyëtë, näjyëtu'un jatëkok nyëjkxa'any. ¿Tii të tuny të tpaaty ko jyuuky'äty? nëkoopë je'eyë të tyäty tyuny.

Biblia Mixe de Quetzaltepec

¹⁶ Ya'atë je'eyë mëpaat yajnimony yajnituky, jä'ä ko jëtu'un tä ja'ay myinyën naaxwiinyëtë, näjyëtu'un jatëkok nyëjkxa'any. ¿Tii të tuny të tpaaty ko jyuuky'äty? nëkoopë je'eyë të tyäty tyuny.

Eclesiastés 5:16 ပူးပေါင်းရင်းမြစ်များ

Proverbios 11:29

Mëti'ipë ja'ay ka'ap yë jyëën tyëjk tkëwent'atyën, ka'ap jap tii wyë'ëma'anxëty; yë tsuuja'ay xëmë nëjkx je'eyë tuunpë wyä'äny ma wijyjyä'äytyëjkën.

Eclesiastés 1:3

¿Tii yë naaxwiinyëtë ja'ay tyimpatyp tyim'ijxyp? ko nëkooyë nyäyajtunyë.

Eclesiastés 2:11

Ënätës të nmëmay të nmëtajy mëti'ipëjatyës të ntunyën ets wi'ixës tii të nmëmay të nmëtajyën ets mëti'ipës mëj këjää të nituunkën ets të nijawës ko nëkoopë tääpë tuunk të nyatëkë'aty, jëtu'un tä ja'ay poj tmatsa'anyën ets ko kajtëm yaa nitii naaxwiinyëtë tii mëpaat ntukjotkëtäkëmën.

Eclesiastés 3:9

¿Tii yë ja'ay tyimpaat tyim'ixëp ko je'eyë mnäyajtunyë?

Eclesiastés 5:13

Tëës n'ixy ntuny wi'ix naaxwiiny naaxkëjxy jyäty kyëpetyën yë ja'ay mëti'ipë wit meeny nyipëjkpejtypyën, yë'ë nyipëjkpejtyp mëti'ipë ëxëëk myëjat myëkëpätëpën,

Isaías 26:18

Ojts ëëtsëty ëxëëk njatë nkëpätë, ojts ja pëjkën ato'onën nmënax nyajnaxtës; jëtu'un ojts ëëts njatë tä tu'uk to'oxytyëjk y'u'unk'ixyën; e nëkoopë jëtu'un ojts n'ëyowtës jä'ä ko ka'ap nitii mpatës n'ijxtës. Ka'ap ëëts ja nnaax nkajpn të nyajnitso'oktë ets ka'ap pën ma tsyona'any mëti'ipë jeexyë ja naax kajpn tyuktsëna'ayëpën.

Jeremias 2:8

Yë teetytyëjkëty ka'ap xy'ixtaaytyës; mëti'ipë yaj'ijxpëjktëpën maas ja nnaax nkajpnën ka'ap xy'ijxkajptës; ja kopktëjkëty ni'ikyë ojts xykyäjpxy kumëtoownaxtë; ja mëti'ipë käjpxynyajxtëpën jä'ä ojts tpukajpxëtë ja Baal, jä'ä pyanëjkxtëjkëtyë ja awinax ka'apë tyunyën maa.

Oseas 8:7

Ojts tni'iptë poj ets yë'ë yajpëtë'ëkantëp tuupoj; ka'ap nëjkx tyajpëtë'ëktë pyëjktä'äkyëty ma kyam tyu'ujëtyën, ka'ap nëjkx tmëët'atë yë tsyajpmokëty; e ko tjapaatëty wiink ja'ay nëjkx tjë'kxtë tpëktë.

Marcos 8:36

¿Tii ja ja'ay tyajwa'anëty ja wit meeny ëkë ja pëjktä'äky ëkë winëjaty pën yajtëkoopy ja jyuukyajtën?

Juan 6:27

Ko tii xytyuntëty ka'ap yë'ëkyëjxmëty ko ja kääky uuky xytsyoktë mëti'ipë këjxp najxpën, yë'ë mnituntëp mëti'ipë mmo'ojëtëp ja juukyajtën xëmëkyëjxmëpë. Ya'atë ja kääky uuky yakäämpy ja naaxwiinyëtë ja'ay ja y'U'unk, jä'ä ko yë'ë Dios Teety yë kuttujkën të myo'oyë.

1 Corintios 16:16

Yë'ës ntsojkpy ets miits xymyëmëtowtëty jëtu'unpë ja'ayëty, näjyëtu'un mëti'ipë putëjkëtëpën ets mëti'ipë jëtu'unpë tuunk tyuunk'ajtëpën.

1 Samuel 12:21

Këtii yë'ë xypyanëjkxtëkëtëty yë wiink tios, mëti'ipë ka'ap tjëkyepyën mputëkëty ets myajtso'okëtëty.