Eclesiastés 5:10 - Biblia Dc en Mixe de Quetzaltepec

¹⁰ Mëti'ipë ja'ay yë wit meeny je'eyë y'ixk'ajtypyën ni'ikyë tmaytsyoky; mëti'ipë ja'ay je'eyë tyäty kyumeeny'ata'anyën ka'ap nijëna'a nyäjyawëty myeenypyääty. Tyaapë nän natëkë winma'any yë'ë,

Biblia Mixe de Quetzaltepec

¹⁰ Mëti'ipë ja'ay yë wit meeny je'eyë y'ixk'ajtypyën ni'ikyë tmaytsyoky; mëti'ipë ja'ay je'eyë tyäty kyumeeny'ata'anyën ka'ap nijëna'a nyäjyawëty myeenypyääty. Tyaapë nän natëkë winma'any yë'ë,

Eclesiastés 5:10 ပူးပေါင်းရင်းမြစ်များ

Salmos 52:1

Mijts jotmëkja'ay ets jotkujk ja'ay, ¿wi'ix ko janty mëj janty këjxm mnäjyawëty ko winë ëxëëk xytyuny xykyäjpxy? Yë Dios yë tsyojkën jya'awën xëmë y'ijtëy.

Salmos 52:7

Ix wi'ix jyäty kyëpety ja ja'ay mëti'ipë ka'ap ja Dios nyätyukë'ëwanëtyën, mëti'ipë yi'iyë tyuk'ijxpejtypyën ja wyit myeeny, ets ni'ikyë winë ëxëëk ttuun'ëtë'ëtsy.

Salmos 62:10

Këtii yë'ë xy'oyjyawëtëty yë tsip käjpxy; këtii yë'ë janty mëj xyjyawëtëty yë to'onën mä'tsën. E ko jëna'a mkumeenytya'aktëty këtii ënät yi'iyë ja wit meeny xytyuk'ijxpätëty.

Eclesiastés 1:8

Ka'ap pën yajxon tkajpxtë'kxy wi'ix yajtsipke'exyën mëti'ipë yajpatp yaj'ijxpën; ni pën maa tkamëtoynyëm oypyë aay ayuk mëti'ipë jeexyë yajxon jotkëtakpën.

Eclesiastés 2:10

Tëës winë ntuunta'ay mëti'ipë ntsojkën'ajtypyën; tëë n'ety nxoontä'äky janaam jatsojk. Tëës yajxon ntukxony yë ntuunkës, etsës yë'ë të nkuma'ayën'aty.

Eclesiastés 2:11

Ënätës të nmëmay të nmëtajy mëti'ipëjatyës të ntunyën ets wi'ixës tii të nmëmay të nmëtajyën ets mëti'ipës mëj këjää të nituunkën ets të nijawës ko nëkoopë tääpë tuunk të nyatëkë'aty, jëtu'un tä ja'ay poj tmatsa'anyën ets ko kajtëm yaa nitii naaxwiinyëtë tii mëpaat ntukjotkëtäkëmën.

Eclesiastés 2:26

Yë Dios, yë'ë yäjkpy yë wijyajtën, ijxpëky'ajtën ets xoontakën ets yë'ë myoopy mëti'ipë nyi''ijxkëtäkpyën; e mëti'ipë tuuntëkoopy kajpxtëkoopyën je'eyë yajxon tyajtuny ets tnipëjkpety yë wit meeny ets tuk'oy'atëty yë'ë mëti'ipë ënety nyi''ijxkëtäkpyën. Tääpë nän natëkë winma'any yë'ë ets nëkoopë juukyajtën ntuk'ëyë'kmëty.

Eclesiastés 3:19

Jää ënät yajwinjawë ko yë naaxwiinyëtë ja'ay ets aayjëyujk ujtsjëyujk tu'knax kyukëxëja'antë; tu'knax yë o'kën tëko'oyën jyää'aty wintu'uk paatu'uk ets tu'knax näjyëtu'un ja juukyajtën tsuxk'ajtën jyää'aty. Ka'ap tii mëk'ajtën yë naaxwiinyëtë ja'ay tmëëtëty mëti'ipë aayjëyujk ujtsjëyujk ka'ap tmëët'atyën; tääpë nän natëkë winma'any yë'ë,

Eclesiastés 4:16

E oy ënety jënu'un yë kajpn jyamëjjëty ma jëtu'unpë ja yajkutujkpë y'ëne'emyën, mëti'ipë ok minantëpën ënä'ämpë ka'ap t'oy'ixa'antë oy ënety oy të jyayajkutuky ja ja'ay. Ya'atë nän natëkë winma'any yë'ë, jëtu'un yë nyäxy tä juukyajtën nëkoo ntuk'ëyë'kmëtyën.

Eclesiastés 4:4

Tëës näjyëtu'un n'ixy ko ja'ay mëk nyäyajtunyë ets wyimpety ja wyit myeeny, yi'iyë näy'ëxëëk'ixë näkya'oy'ixë y'ixkujkëp, tääpë nän natëkë winma'any yë'ë, jëtu'un tä jeexyë nëkoo jyuukyajtën tuk'ëyi'ikyën.

Eclesiastés 4:8

tu'u yë naaxwiinyëtë ja'ay nätyu'ukpë jyuuky'ätyën, ka'apë y'u'unk y'ëna'kën ets ka'apë myëkä'äxën, ka'apë pyo'kxyën nitu'knu'un ets yi'iyë myëmääpy myëtäjpy wyit myeeny ets nijëna'a kyanäyajtëyë: ¿tiijës ko nëkooyë ntimy tyäty nyäyajtunyë? ¿Pën n'amëtu'unëp? ¿Tiijës ko ka'ap näyyajpo'kxyë? Ya'atë nän natëkë winma'any yë'ë ets je'emty yë oy.

Eclesiastés 5:9

Yë'ë tyaapëty nätyijëtëp ko naax kajpn tyajwinpätë ets yajkutujkpë tmëtuny yë nyaax kyajpn.

Eclesiastés 6:7

Yë naaxwiinyëtë ja'ay yë'ëkyëjxm ko kyäyä'äny paaty ka'ap nyeajpo'kxyë, je'eyëp ko ka'ap nyäky kyu'uxyë.

Mateo 6:19

Ka'ap ja wit meeny xynyipëjkpätëty yaa naaxwiiny, ma winë myä'ätyën ets tyënë'kën ets ma ja mä'tspë tyëkëtën ets myäätstën.

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Dios xymyëtuntëty ets näjyëtu'un mkumeeny'atantëpëty.

Lucas 12:15

Näyjyëtu'un y'ënäny: Näkyëwent'atëtë ets ka'ap tii xy'atsoktëty, ka'ap yë'ëjëty yajjuuky'äty ko tii may'äämpy yajmëëtëty.

1 Timoteo 6:10

Yë meeny atsojkën ëxëëk ja'ay tyajjaty tyajkëpety;; tää ja'ay tëëpë ja myëpëjkën t'ëxmajtsnën ets o'ktëy të nyätyunyë.