Eclesiastés 3:2 - Biblia Dc en Mixe de Quetzaltepec

² Nyixëëw nyijëmëjt pyätyp ko pën myëxu'unk'aty ets ko pën y'ooky. Ko pën kyojy mye'kxy ets ko pën wyixy nyuky ma ja mëti'ipë të yajkojy të yajpenyën.

Biblia Mixe de Quetzaltepec

² Nyixëëw nyijëmëjt pyätyp ko pën myëxu'unk'aty ets ko pën y'ooky. Ko pën kyojy mye'kxy ets ko pën wyixy nyuky ma ja mëti'ipë të yajkojy të yajpenyën.

Eclesiastés 3:2 ပူးပေါင်းရင်းမြစ်များ

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.

Job 14:5

Pën mijts myajkutujkpy jënu'un yë ja'ay xyajjuuky'ata'any ets tëë xypyëjktä'äky tu'uk yë tsëpa'an mëti'ipë ka'ap tniwa'knaxëtyën,

Gálatas 4:4

E ko ja tiempo ojts tpaaty, tääts ja Dios ja y'u'unk ojts tkexy, to'oxytyëjk ojts yajminy yajja'tyë ko tyuuny ja Moisés ja y'ënä'ämën,

Lucas 1:20

E tyam, mëët ko ka'ap të xymyëpëky wi'ix të n'ënëëmën, uum mwë'ëma'any; jäänëm mkajpxë'ëkëty ko tu'kë'ëyë tyunëtëty jyatëtëty mëti'ipë yam ntukmëmëtyäkpyën.

Mateo 15:13

Tääts ja Jesús y'ëtsooy: Jëtu'un yë fariseë ja'ayëty ijxtëm yë ujtsën mëti'ipë ka'ap yë nTeetyës të tkojyën. Oytyii'ujtsëty pën ka'ap yë'ëjëty yë nTeetyës tsajpjotmëpë të tkojy, yajwijxë'ëkaanp jappaat ma tyiktsën.

Juan 16:21

Ko tu'uk ja to'oxytyëjk y'u'unkpaata'any, mëk pyikyë y'ixyë, ko wyinkony ma ja y'u'unk myëxu'unk'ata'anyën; e ko ja mëxu'unk myiinë jya'ajnë, jyä'äytyëkooytyääpy ja pëjkën ato'onën jä'äkyëjxm ko tukxoontä'äky ko tëë tu'uk ja mëxu'unk tyajminy tyajja'ty naaxwiiny.

Isaías 38:1

Ënet ojts yë Ezequías mëk pa'am pyäätyë. Tääts yë Jeséas käjpxynyajxpë nyimiinë ets y'ixa'anyë wi'ix ënety yajpaatyën, ënät y'ënëmaayë: Jëtu'un yë Wintsën y'ënä'äny: Oy y'oyëty ko xyakëty ja m'aaw m'ayuk naamka'anëm m'ookynyëm, jëtu'un nijawëtëty ja m'u'unk mto'oxytyëjk tii mtsojkën'ajtypën, jä'ä ko m'ookaanp tsojk, ka'ap mtso'oka'any.

Job 7:1

Yë naaxwiinyëtë ja'ay yë jyuukyajtën jëtu'un yaa nyäxy naaxwiiny naaxkëjxy tä tu'uk yë tsiptuunpë tu'kjëmëjt tyaj'apetyën yë tyuunk,

Hechos 7:20

Jää jëmëjt ojts myëxu'unk'aty ja Moisés. Tsojkëp ja Dios ijty ni'ik. Tää ja tyaak tyeety yajyä'kë tëkëëk po'o yu'utsy jam tyëkotmëty.

Hechos 7:17

Ko ja xëëw jëmëjt tpaty ma ja Dios ja wyaantakën y'atëwëtyën ijxtëm ja Abraham yajnëmaayën, tëë ënety ja Israel ja'ay ni'ik myäyëtë jap Egiptë.

Juan 7:30

Ënet ojts tjamatsa'antë, je'eyëp ko ni pën ojts tkanixajë, jä'ä ko ka'anëm ënety ja nyixëëw tpaatynyëm.

Lucas 1:36

Näy pyatäämpy ja mtsëkuu Isabel tu'uk ja u'unk, oy tëë jyamëjja'ayënë; mëti'ipë ijty tyijtëpën ko ka'ap tjëkyepy y'u'unk'ixëty, tam tyam ja mëxu'unk tnëkëjxm'aty mëtuktujk tyam ja pyo'o.

Lucas 1:13

Tääts ja tsajpjotmëtë kukäjpxy y'ënëmaayë: Zacarías, këtii mtsë'ëkë, tëë ja Dios tmëtoy ko xyjyä'äymyetsy, pyatäämpy ja mto'oxytyëjk Isabel tu'uk ja y'u'unk mëti'ipë mtukxëëwatëpën Juan.

Mateo 13:41

Yë naaxwiinyëtë ja'ay y'U'unk kyäxäämpy ja y'anklëstëjk ets twoowmujkta'aja'any ma kyutujktaknën mëti'ipë ja myëku'uk yajpokytyuuntëpën ets mëti'ipë ja ëxëëkpë tyuunk'ajtëpën.

Jeremias 45:4

E mijts jëtu'un xy'ënëëmëty, ko jëtu'un yë Wintsën y'ënä'äny: Ëjts nyajkutëkooyäämpyës mëti'ipës të nkojyën, nwijxë'ëkäämpyës mëti'ipës të npenyën; wa'atsës winë nyajkutëkoyä'äny yaa naaxwiiny.

Jeremias 1:10

Ëjts yë n'aaw n'ayuk npëjktäkpy ma m'aaw myä'änën. Tyam ja kuttujkën nmo'oy ets mnëjkxëty ma yajpaatën ja naax kajpn ets mwijxë'ëk mnujkë'ëkëtëty ets xyajkutëkoyëty ets xytyukmä'ä xytyukjëtsëty ets näjyëtu'un xymyëët'atëty ja mëk'ajtën wi'ix mkojëty mma'kxëty ets wi'ix mpänëty mkojëtyën.

Isaías 54:1

Akujk jotkujk tim ya'ax tim jok, mijts to'oxytyëjk ka'apë u'unk maay xymyëëtëtyën, ka'apë u'unk maay tjëkyepy tyaja'tëtyën; ëw ya'ax mijts ko ka'ap nijëna'a u'unk maay të xyajminy të xyajja'tyën naaxwiiny, jä'ä ko yë Wintsën jëtu'un yajkutujkpy: May ni'ik u'unk maay tpaata'any t'ixa'any ja to'oxytyëjk mëti'ipë atu'uk moonp tujkpën këtiinëm mëti'ipë jamën yë nyiye'etyëjk.

Isaías 38:5

ets nëjkx t'ënëëmë ja Ezequías: Jëtu'un ja Wintsën y'ënä'äny, mëti'ipë y'ëwtajtën yë m'apteety David: Tëës nmëtoy ijxtëm mijts të m'ëna'anyën ets mjë'ëyën myaxën tëëjës nmëtoy. Tyamës njaakyajkëjääjëja'any majkmokx jëmëjt yë mjuukyajtën.

Salmos 113:9

Ja to'oxytyëjk mëti'ipë ka'ap ja y'u'unkën, myoopy ja jotkujk'ajtën ets y'itëty taak tsi'tsk ma ja y'u'unk y'ëna'kën, ets jotkujk tyaj'ity ma ja jyëën tyëjkën. Tukxoontä'äky mëjjawë Dios yë xyëëw nyaxëty.

Salmos 52:5

Dios yë'ë nëjkx näjyëtu'un myajkutëkoyë xëmëkyëjxm; nëjkxëp myajpëtsëmyë ma mjëën mtëjkën ets m'ixkäxëtëty, nëjkxëp ja mjuukyajtën mpëjkxëty.

Job 14:14

Ko tu'uk yë ja'ay y'ooky, ¿wä'än jëtää jatëkok jyuuky'ajtwinpityë? ko jeexyë y'ëkjëtu'unëty, n'ëwxijtypyës jeexyë mapaat xytyukka'ayës tsyo'okëty ja mpëjkënës n'ijxënës.

2 Reyes 4:16

Tä ja Elisejë y'ënëmaayë: Jajëmëjt, ya'atpë, tëë ënety yë m'u'unk maay xypyääty. Tä y'ëtsooy ja to'oxytyëjk: Ëk'ix Wintsën, këtii nëkoo jëtu'unpë ayuk xykyajpxpëtsëmy, jä'ä ko ka'ap tjëkyepy mijts xywyin'ëënëtyës, jä'ä ko mijts Wintsën myajtuunëp.

1 Reyes 13:2

Mëët ja Wintsën ja kyutujkën, mëk ojts yajxon kyäjpxy, jä'ä nyi'ojëp ja wintsë'këntyakn, jëtu'un y'ënäny: Wintsë'këntyakn, wintsë'këntyakn, jëtu'un yë Wintsën y'ënä'äny: Jam ma David yë jyä'äyën jam tu'uk yë ja'ay myëxu'unk'ata'any, jä'ä txëëwata'any Josías, yë'ë nëjkx tyaj'o'kta'ay ja teetytyëjk mëti'ipë jam tuuntëpën ma ja nyitsajptëjkën ja awinax ka'apë Wyintsënëtyën, ma xëmë xykyë'ëyäkyën yë poom ets jam xyajtoy; e mijts mnëkëjxm nëjkx tno'oktë txamtë ja wyääy pyajkëty ja teetytyëjkëty.

1 Samuel 2:5

mëti'ipë ënety ka'ap tii y'ëmaaytyakxëtyën, tyam yajtsiptäkpy ja yiinpë wäänpë; e ja mëti'ipë ënety yuu'o'këtëpën, tyam ka'ap ja tii t'ëkyaj'ëmaaytyaknë. Ja to'oxytyëjk mëti'ipë ënety ka'ap tjëkyepyën y'u'unkpaatëty, tyam ni'ik wëxtujk'ok ja y'u'unk të tnayajmëxu'unk'ajnë; e ja mëti'ipë ënety janty may ja y'u'unk y'ëna'kën, tyam jëtu'un ja jyaak yajpaaty tä yë aay ujts të xyjyotkëtaknën.

Deuteronomio 34:5

Jëtu'un'äämpy ojts ja Moisés y'o'knë mëti'ipë ja Dios oy myëtuunën, jam ojts y'o'knë Moab ets y'atëëy jëtu'un tä ënety ja Wintsën të tnikäjpxyën.

Génesis 47:29

Tëkok ojts yë Israel nyäjya'awënë ko tsojk y'ookanë. Ënet ja y'u'unk José tnikäjxëy ets nyiminëtëty tääts t'ënëëmëja'any: Pën janty tëyajtën koos mijts oy xytsyoky xyjyawë, pëjkta'ak yë mkë'ë maas yë mpuuypya'tkën ets nikajpx ko xytyuna'any mëti'ipë yam n'amëtowäämpy npëjktsowäämpyën. Tun yë mëyajtën këtiis xyajnaaxtëkëty yaa Egiptë.

Génesis 17:21

E yë n'oyajtënës yë'ëjës yë Isaac ntukmëët'atäämpy, yë mëti'ipë Sara yajminäämpyën naaxwiiny jajëmëjt.

Proverbios 24:27

Yajwintu'upëk yë mju'uyën mkëpäjtën jam tu'u'am, yajtu'uye'ey yë mtuunk jam mkamjotm, ets ok yë mjëën mtëjk xykyojëty.

Isaías 28:24

Ko tu'uk yë naaxtuunpë ja'ay nyipa'any, ka'ap xëmëkyëjxm tyimnaaxtajy ets ka'ap xëmëkyëjxm tyim yu'uy.