Eclesiastés 3:11 - Biblia Dc en Mixe de Quetzaltepec

¹¹ Yë Wintsën aak nyixëëw nyijëmëjt ojts tukpata'ay ets oy winë kyëxë'ëkëty ets aak oyëty t'oytyuuny; ojts näjyëtu'un yë naaxwiinyëtë ja'ay tyajkojy mëët yë jyot wyinma'any ka'apë kyixy tyukyën, oy yë naaxwiinyëtë ja'ay tkaja'aykyujkëtyä'äy wi'ix'äämpy myëjwiin kyëjääjëtyën mëti'ipë Dios të tuny të tkäjpxyën ets mëti'ipënëm tyunäämpy kyajpxäämpyën.

Biblia Mixe de Quetzaltepec

¹¹ Yë Wintsën aak nyixëëw nyijëmëjt ojts tukpata'ay ets oy winë kyëxë'ëkëty ets aak oyëty t'oytyuuny; ojts näjyëtu'un yë naaxwiinyëtë ja'ay tyajkojy mëët yë jyot wyinma'any ka'apë kyixy tyukyën, oy yë naaxwiinyëtë ja'ay tkaja'aykyujkëtyä'äy wi'ix'äämpy myëjwiin kyëjääjëtyën mëti'ipë Tios të tuny të tkäjpxyën ets mëti'ipënëm tyunäämpy kyajpxäämpyën.

Eclesiastés 3:11 ပူးပေါင်းရင်းမြစ်များ

Génesis 1:31

ënät yë Dios t'ijxy janty'oy tu'kë'ëyë mëti'ipë ënety të tyajkojyën. Jëtu'un ojts kyä'pxy ja mëtëtujk xëëwpë.

Job 11:7

¿Mijts m'ënaanp ko winë xywyinja'awëtya'aja'any mëti'ipë yë Dios tyuunpy kyäjpxypën ets xynyija'awëtya'aja'any tu'kë'ëyë mëti'ipë yë'ë nyija'apën?

Job 37:23

Tsip nwinja'awëmëty mëti'ipë maaytyääyëpën winë, jä'ä ko yë'ë nëkooyë tmëët'ajnë yë mëjaaw ets wa'ats yë'ë; tëy ets ka'ap pën tyaj'ëyoy.

Job 5:9

yë'ë tyuunpy winë mëjwiin këjää ets yaj'ijxëp yë myëj'ajtën tsipë nja'akyujkëmëtyën.

Salmos 104:24

Mëj këjää winë të xytyuny, Wintsën. Winma'anymyëët winë të xyajkojy; yë naaxwiinyëtë ujts yajpaaty mëët mëti'ipë të xyajkojy të xypyëjktä'äkyën.

Proverbios 16:4

Ko Dios tii winë të tyajkojy, tam yë winma'any tiikyëjxm ko të tyajkojyën; Yë'ëpaat yë ëxëëk ja'ay paatykyëjxm jyääjëty jä'ä ko jää yajtëytyuna'any ko ënety ja poky yajnipaye'ey.

Eclesiastés 1:13

Etsës ojts ni''ijxpëjkëtyä'äy winë, n'ijxtaay ntuuntaayës ets nmëmaay nmëtajyës tëkokyë mëti'ipë yaa naaxwiiny naaxkëjxy yajtuunp yajkajpxpën. Mëktuunk ets je'emty tyimy yë Dios të xymyo'oyëmë ets yë'ë mëët xynyaxmëtijëmëty.

Eclesiastés 11:5

Jëtu'un ijxtëm ka'ap xynyijawën maatsow yë poj nyijkxyën ets wi'ix yë pi'k ëna'k jap kyojyën tyaakjootjoty, nän ka'ap xynyijawë wi'ix yë Wintsën tiijaty tuny, mëti'ipë ojts winë tyajkojta'ayën.

Eclesiastés 7:13

Ix yajxon wi'ix yë Dios winë të tuny të tkäjpxyën; ¿Pën y'ëk'u'uytyëwëp? mëti'ipë yë Dios näy xëkety të tpëjktä'äkyën.

Eclesiastés 7:23

Tëkokyë ya'atë tëëjës nija'awëtyä'äy jä'ä ko jëtu'unës ojts njot nwinma'any mpëjktä'äky koos wijy kujk nyajpaata'any; je'eyëp ko ja wijyajtën xymyëjëkäm'ajtptëmës jä'ä.

Eclesiastés 7:29

Yi'iyës të nijawë ko yë Dios wa'ats yë naaxwiinyëtë ja'ay të tyajkojy, je'eyëp ko yë naaxwiinyëtë ja'ay kë'ëm yë jyuukyajtën tyajtsiptëkë.

Eclesiastés 8:17

etsës të nwinjawë ko ka'ap yë naaxwiinyëtë ja'ay myäyëtëty ets tja'akyujëtya'ajëty mëti'ipë yë Dios tyuunpyën ets mëti'ipë tuunëp jajtëpën naaxwiiny naaxkëjxy. Oy jënu'un tja'ixta'ajëty ets tjapaata'anëty yë nyiwinma'any wi'ix ko jëtu'un tii tyunyë jyätyë ka'ap tpaatëty; oy yë ixpëkyjyä'äy jya'ëna'anëty ko tëë tpaaty nyiwinma'any, yë'ë ka'ap tii myäyë tpaatëty.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Mateo 13:22

Ja tëëmt mëti'ipë ojts kyä'äyën äpny akujk, jëtu'un jä'ä ijxtëm ja ja'ay Dios y'aaw y'ayuk t'amëtoow'ijtëtën, je'eyëp ko yë'ë myëmaay myëtajtëp ja ajuuy ato'k ets mëk tsojkën'atë ja wit meeny ets yë'ë nyätyukwin'ëënëtë. Tu'kë'ëyë ya'atë, yë'ë yajkumo'onëtyääpy ja Dios ja y'aaw y'ayuk mëti'ipë të tjamëtoow'ityën ets ka'ap maa wyinkëxë'ëky.

Marcos 7:37

Tääts ja ja'ay y'ënantë ko mëj'ixy t'ixtë: Oy tyaapë ja'ay winë tuny. Yajmëtoowë'kpy yë ja'ay natpë ets yajkajpxë'kpy yë uumpë.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Romanos 11:33

Ni'ik ja Dios ja myëj'ajt jyääntyajtën kyëjääjëty ets näjyëtu'un ja wyijy'ajt kyejyajtën. Ni pën kyamayë tkajpxtë'kxëty mëti'ipë të tuknipëjktaakën ets ka'ap pën myäyëtëty twinjawëty ja nyë'ë tyu'u.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.