Eclesiastés 2:5 - Biblia Dc en Mixe de Quetzaltepec

⁵ Ojts mpëjktä'äky yë nkam ntu'u maas kë'ëm nyaj'ity nyajwintëyën yë aay ujts, aaytyëëm ujtstëëm.

Biblia Mixe de Quetzaltepec

⁵ Ojts mpëjktä'äky yë nkam ntu'u maas kë'ëm nyaj'ity nyajwintëyën yë aay ujts, aaytyëëm ujtstëëm.

Eclesiastés 2:5 ပူးပေါင်းရင်းမြစ်များ

Nehemías 2:8

ëpëky wiinkpë ja noky mëti'ipë ja Asaf yajtuknijayëpën, mëti'ipë kyëwent'ajtypyën ja yukjot kepyjyot mëti'ipë yajkutujkpë nyitënääpyën, ma yaj'ënëëmëtyën: ko wä'än xymyo'oyës ja kepy mëti'ipë ja tsajptëjk ja nyitëjk'aaw yajtuk'oytyunëpën ets mëti'ipë ja kajpnpa'a ja nyitëjk'aaw näjyëtu'un yajtuk'oytyunëpën ets näjyëtu'un maas ëjts ntsëënëja'anyën. E ja yajkutujkpë ojtsës xymyo'oy jä'ä ko yë'ë ënety ja Wintsën mëët ja pyutëjkën nmëtä'äkyës.

Cantares 4:12

Mijts to'oxytyëjk, mëti'ipës mpëkäämpyën, ëtuky mijts myajpaaty, jëtu'un ëtuky m'ity tä yë nëëkopk ëtuky y'ityën, tä yë nëëkopkën mëti'ipë ku'ëtsa'ayën;

Cantares 4:13

tä pëjykyamën ma myäymyuxtën yë granados mëti'ipë xu'kxëtyën pa'akëtyën; tä pëjykyamën ma jyam'atyën yë alhenyë pëjy,

Cantares 4:16

Mijts poj mëti'ipë anëkëjxytsyow tso'onpën ëkwij. Mijts poj mëti'ipë ëpa'tkë'ëytsyow tso'onpën Min yaatsow. Pojtë jam maas yë mpëjykyamën ets xyajpojwa'kxtëty yë pa'akxu'k pa'ak jojkën. Min mijts ye'etyëjk, mëti'ipës ntsojkpy nja'apën, ma mpëjykyamën ets xyjyë'kxëty mëti'ipë jam mkamjotm ijtp wintëëpën.

Cantares 5:1

Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Cantares 6:2

Yë ye'etyëjk mëti'ipës ntsojkpy nja'apën jam të nyijkxy pëjykyamjotm, ma ja pëjykyamën mëti'ipë pa'akpëjy kyamjotm xu'kp jojkpën, yë'ë jam yaj'ojkpy yë kyupixyny ets yë'ë jam tyukäämpy yë pëjy.

Jeremias 39:4

Ko yë Sedequías yajkutujkpë ets tsyiptuunpëtëjk t'ijxtë tii tuunëp jajtëp, ënätyë pyëtsëëmtë kajpnjoty, koots ojts kyä'äktë, jamtsow nyajxtë ma ja pëjykyamjotmën mëti'ipë yajkutujkpë jyä'ä'ajtypyën, ma ja tëjk'aawën mëti'ipë potsy akujk yajpatpën ets tpëjktë ja tu'u mëti'ipë nëjkxpën ma Jordán joyjyotën.