Eclesiastés 2:23 - Biblia Dc en Mixe de Quetzaltepec

²³ Je'eyë të y'ëyoy ko të jyuuky'äty, jëtu'un tä jeexyë tsëmy kë'ëy tyajye'eyën; tsu'um koots ka'ap yë wyinma'any tyajpo'kxy. Tääpë nän natëkë winma'any yë'ë.

Biblia Mixe de Quetzaltepec

²³ Je'eyë të y'ëyoy ko të jyuuky'äty, jëtu'un tä jeexyë tsëmy kë'ëy tyajye'eyën; tsu'um koots ka'ap yë wyinma'any tyajpo'kxy. Tääpë nän natëkë winma'any yë'ë.

Eclesiastés 2:23 ပူးပေါင်းရင်းမြစ်များ

Génesis 3:17

Tä ja ye'etyëjk näjyëtu'un t'ënëmaay: Mijts, ko yë mto'oxytyëjk të xymyëmëtoy ets të xymyëpëjkë ja y'aaw y'ayuk ets xyjyë'kxëty ja aaytyëëm ujtstëëm mëti'ipës ka'ap të n'ëwa'atsyën ets xyjyë'kxtëty. Tyam poky yë naax kam wyë'ëmëty mëët mijts mpokykyëjxm. Mëk mnäyajtunëtëty ets mjë'kxy mpëky pyëtsëmëty kamwinm tu'uwinm mapaat yaa mjuuky'ätyën naaxwiiny.

Génesis 47:9

Ënet yë Jacob y'ëtsooy: Ëjts mëko'px ja i'px majkës tyam yë njëmëjtnë maas jëtu'unyë naxy ntëkën xii yaa ets wäänës njawë të njuuky'äty, je'eyëp ko mëk oyës ka'apës yam jëtu'un oy ntimjyuuky'ätynyëm ijxtëm ojts ja n'ap n'okës jyuuky'atën.

Ester 6:1

Jä'ä tsu'um, ja yajkutujkpë ka'ap myääy, paaty tni'ënä'ämëy ja noky ets tyajmintëty ma jap myinyën këxja'ay tëkokyë winë mëti'ipëjaty tuunëp jajtëpën ma ja naax kajpnën ets yajtukwinkukajpxëty.

Job 14:1

Yë naaxwiinyëtë ja'ay mëti'ipë to'oxytyëjk të yajminy të yajke'exyën, wäänë jyuuky'äty ets ko jyuuky'äty, je'eyë amay jotmay tmëët'aty.

Job 5:7

yë naaxwiinyëtë ja'ay kë'ëm ëyo'on jotmay nyätyukpaatyë, jëtu'un tä yë jëënpixk pyëtsimyën jëënjoty.

Salmos 127:2

Ka'ap yë'ëjëty tsyowpaaty ko ja'ay tyunëty xëëwpaaty, pën oywyi'ix nyäyajkayë, yë'ë tsoowpatp mëti'ipë ja'ay Dios yajkaay yaj'ukëpën oy jyääjëty ko mya'atë pyo'kxtë.

Salmos 32:4

jä'ä ko xëëny koots ja mkë'ë je'emtypë xytyuknipëtë'ëkyës. Jëtu'un tä yë pëjy xyootyën xëkopkjoty, jëtu'unës yë njuukyajtën njawë y'amutsktëjkënë.

Salmos 90:15

Jeky ëëtsëty yajjuuky'ajtëk mëët yë xoontakën ets jotkujk'ajtën, jëtu'un tääjës jeky të nmon të ntuktën.

Eclesiastés 1:13

Etsës ojts ni''ijxpëjkëtyä'äy winë, n'ijxtaay ntuuntaayës ets nmëmaay nmëtajyës tëkokyë mëti'ipë yaa naaxwiiny naaxkëjxy yajtuunp yajkajpxpën. Mëktuunk ets je'emty tyimy yë Dios të xymyo'oyëmë ets yë'ë mëët xynyaxmëtijëmëty.

Eclesiastés 1:18

Mëti'ipë mëpaat ntijëmën tëy jaanty yë'ë ko ja'ay mëti'ipë ijxpëjkni'ikëpën nän mëk näy'atsipë tyajnaxy; mëti'ipë ja'ay ni'ik tii nyija'awëpën, nän ni'ik y'ëyoy.

Eclesiastés 2:11

Ënätës të nmëmay të nmëtajy mëti'ipëjatyës të ntunyën ets wi'ixës tii të nmëmay të nmëtajyën ets mëti'ipës mëj këjää të nituunkën ets të nijawës ko nëkoopë tääpë tuunk të nyatëkë'aty, jëtu'un tä ja'ay poj tmatsa'anyën ets ko kajtëm yaa nitii naaxwiinyëtë tii mëpaat ntukjotkëtäkëmën.

Eclesiastés 5:12

Ja'ay mëti'ipë tuunpën, mëti'ipë ka'ap tmëmay tmëtajyën oy kyäyëty wäänë ëkë oy kyäyëty ku'uxyë, maap po'kxp oy tsuj; e ja'ay mëti'ipë kumeenyën yë wyit myeeny ka'ap yajma'ay yajpo'kxyë.

Eclesiastés 5:17

Nëkoo je'eyë të pyajuuky'äty akootstuuypyën ets je'eyë xëmë të nänyä'ämë të tyajnaxy ets pëjkën ijxën, monyëtukyë.

Eclesiastés 8:16

Koos ojts ni'ikyë näkyë'ëyäkyë ma ja ijxpëjkënën ets ma ja nija'awënën mëti'ipë yaa naaxwiiny naaxkëjxy yajtuunp yajkajpxpën, jëna'ajëty ka'ap yë tsuu nyiminy,

Daniel 6:18

Ënet ja yajkutujkpë ojts nyijkxy ma ja tyëjkën mon tuk, ka'ap y'a'ux'ajty ets nän ka'ap tiituunk wiinkpë tuuny mëti'ipë ja yajkutujkpëtëjk tyuunk'ajtëpën; nän ka'ap ojts oy myä'äy pyo'kxy.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënety ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Dios ja kyutujkënën, kopkpëky ko nku'ëyo'owëmëty.