Eclesiastés 2:16 - Biblia Dc en Mixe de Quetzaltepec

¹⁶ Jä'ä ko mëti'ipë ja'ay wijyën ëkë mëti'ipë ja'ay tsuujën ka'ap nimëti'ipë yajja'amyätsa'antë; ko nyäxy yë xëëw jëmëjt tääts winë yajja'atyëkooynyë, yë wijyjyä'äy ets tsuuja'ay tu'knax y'oka'an tyëkoya'antë.

Biblia Mixe de Quetzaltepec

¹⁶ Jä'ä ko mëti'ipë ja'ay wijyën ëkë mëti'ipë ja'ay tsuujën ka'ap nimëti'ipë yajja'amyätsa'antë; ko nyäxy yë xëëw jëmëjt tääts winë yajja'atyëkooynyë, yë wijyjyä'äy ets tsuuja'ay tu'knax y'oka'an tyëkoya'antë.

Eclesiastés 2:16 ပူးပေါင်းရင်းမြစ်များ

Eclesiastés 1:11

Tëëpë nyäxyën tëë ja yajja'atyëkooynyë ets näjyëtu'un yajja'atyëkoyä'äny mëti'ipë tunan jatanëpën.

Eclesiastés 9:5

Ets näjyëtu'un mëti'ipë ja'ay juuky'ajtëpën nyija'awëtyëp ko y'ooka'antë, e yë o'kpëty nitii tka'ëknija'awënëtë ets nitii tka'ëkpatnëtë, jä'ä ko ja'atyëkoy yë nyëjkxnëtë.

Salmos 88:12

Jap ma ja o'ktaknën ets ma winë y'ityën ijxtëkoy ja'atyëkoy. ¿Jap'atëp jëtää pën mëti'ipë jyä'ämyätsëp ja mtëyajtën ets ja mëj'ajtënë?

Éxodo 1:8

Komjeky ojts wiinkpë tyëkë yë mëj'ënä'ämpë, mëti'ipë ënety ka'ap të t'ixy'ätyën yë José, ënät ja nyaax kyajpn t'ënëmaay:

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.

Malaquías 3:16

Ja ja'ayëty mëti'ipë myëtuuntëpën yë Dios ojts oy myäytyë tyajtë ets ja Wintsën ojts tmëtoy mëti'ipë ënety pyëjktsoowtëpën. E jam ma ja Wintsënën jam tu'uk noky yajjaay, mëti'ipë yajtukja'amyätstëpën ko yë Dios twintsë'ëkëtëty.

Eclesiastés 6:8

¿Tii jëtää ni'ik tyimmëët'ajtyp yë ja'ay mëti'ipë wijyën ets këtii mëti'ipë tsuujën? yi'iyë yë wyijy'ajtën ets y'ijxpëky'ajtën ets tukjatëty wi'ix twinjawëtyën yë juukyajtën.

Eclesiastés 2:14

Yë ja'ay mëti'ipë wijyën oy winë t'ixy tkoy, e mëti'ipë tsuujën jëtu'un jyëtity akootstuuypyën. Je'eyëp ko tëëjës nijawë ko tu'knax yë ja'ay kyëjxta'aja'antë.

Salmos 103:16

Ko pyojy jëtu'unyë kyuka'anaxy ets tyëkoy, ni pën tka'ëkja'amyäjtsnë pën wi'ixtëm të y'ixë'aty.

Salmos 49:10

Jä'ä ko tëkokyë yë ja'ayëty kwanë ko y'ooka'antë tu'knax, jëtu'un mëti'ipë wijyën ets mëti'ipë ka'ap wyijyëtyën, e ja wyit myeenyëty wiinkpë tyuk'oy'atäämpy.

2 Samuel 3:33

Ënet ja David tu'uk ja ëy tyaj'o'oyëy ma y'ënänyën: ka'ap jyapat jyanitëjkëy jeexyë mijts jëtu'un m'ooky mtëkoy Abner,

Éxodo 1:6

Yë José myëkä'äxtëjk jënu'un ënety mëët tyu'knaxëtyën, ojts ja y'o'ktaaynyëtë.

Eclesiastés 2:15

Ënätës të näy'ënä'änyë kë'ëm: Ma tsuuja'ay kyëxa'anyën nän jamës ëjts nkëxa'any, paaty yë wijyajtën tiijës nyajwa'anëty. Tääpë nän natëkë winma'any yë'ë.

Eclesiastés 7:2

Ni'ik tsyowpaaty ko nëjkxmëty ma ja'ay nyaaxtëkën ets këtii ko nëjkxmëty ma ja'ay xyëëwtunyën; jä'ä ko yë o'kën tëko'oyën kopkpëky ko yë naaxwiinyëtë ja'ay tpata'aja'any ets mëti'ipë juuky'ajtëpën oy ko jeexyë tja'amyätstë.

Eclesiastés 8:10

Tëës näjyëtu'un n'ixy wi'ix yë ëxëëkja'aytyëjkëty yajnixoonta'aktën ko y'ooktë, oy ënety nijëna'a yë tsajptëjk të tka'ixy'atë ets ma ja nyaax kyajpnëtyën ka'ap ni pën y'ëkja'aymyäjtsënëtë. Tyaapë nän nëkoopë yë'ë,

Eclesiastés 9:15

E jam tu'uk yë ëyoopëja'ay tsyëënë je'eyëp ko wijy ets mëët yë wyijajtën jyëkyejpy tu'uk yë naax kajpn tyajtso'okëty, je'eyëp ko yë'ë ni pën kyaja'aymyetsyë.

Proverbios 14:8

Yë wijyajtën yë'ë wijyjyä'äy tyukja'akyujkëp ma tii tunyën; e yë tsuuja'ay yë'ë nätyukwin'ë'ënëp ko tsyuujëty.