Eclesiastés 12:9 - Biblia Dc en Mixe de Quetzaltepec

⁹ Ko ja kë'ë ëmaaypyë tjak ni''ijxpëjkëy winë, ni'ik ojts winë tkajpxwä'kxy ma ja ja'ayën. Ojts näjyëtu'un may ja aaw ayuk tmä'kxy mëti'ipë juukyajtën nyimëtyäkpyën ets t'oytyuuntaay ijxtëm oy yajmëtowëtyën.

Biblia Mixe de Quetzaltepec

⁹ Ko ja kë'ë ëmaaypyë tjak ni''ijxpëjkëy winë, ni'ik ojts winë tkajpxwä'kxy ma ja ja'ayën. Ojts näjyëtu'un may ja aaw ayuk tmä'kxy mëti'ipë juukyajtën nyimëtyäkpyën ets t'oytyuuntaay ijxtëm oy yajmëtowëtyën.

Eclesiastés 12:9 ပူးပေါင်းရင်းမြစ်များ

1 Reyes 10:8

Aak akujk jotkujk ja mja'ay yajpaatë, janty akujk jotkujk n'ixyës tyuntë yë mtuunpëtëjk, mëët ko xëmë yajpaatë mëët mijts ets xëmë tmëtowtë ja m'aaw m'ayuk mëti'ipë mnikäjpxyp mnimëtyäkpyën, ja oyëtypë ets mëtëyëtypë ja aaw ayuk.

1 Reyes 4:32

Jä'ä t'oytyuuny tëkëëk mil ja käjpxy mëtyä'äky mëti'ipë mëj këjääjëty niwijpën ets tu'uk mil ja mëkoxk ja oyëtypë ja aaw ayuk.

1 Reyes 5:12

Jëtu'un'äämpy ja Wintsën ojts tmo'oy ja Salomón mëjwiin këjää ja wijyajtën kujk'ajtën ets ixpëkyajtën, jëtu'un tä ënety të tukwinwanën. Salomón ets Hiram ojts ëpëky tu'uk tuntë käjpxytyu'unën ets oy nyäyaj'ita'anëtë.

Proverbios 1:1

Ya'atë jëtu'un ojts tkäjpxy yë Salomón, yë David yë myaank, mëti'ipë jam ënä'ämën ma ja Israel ja'ayëty ja kyajpnëtyën,

Proverbios 10:1

Ya'atë Salomón y'aaw'ajtyp y'ayuk'ajtyp: Yë u'unk ëna'k wijypyë ets mëti'ipë winë nyija'apën yajxoontäkpy yë tyeety tyaak; e ja mëti'ipë winma'anytyukën ets tsuujën je'eyë ja tyeety tyaak tyajmony tyajtuky.

Proverbios 25:1

Näyjyëtu'un ya'atë aaw ayuk yë'ë ojts yë Salomón tkäjpxy, ojts tjaaynyajxta'atë yë ja'ayëty mëti'ipë ënety jam tuuntëpën ma Ezequías yajkutukyën, jam Judá.

Daniel 12:3

Ja wijyjyä'äytyëjkëty, mëti'ipë ojts may ja ja'ay oy tu'uwinwowtën, jëtu'un nëjkx tyë'kxtë jyajtë ja niwits nijuuxën, ja tsajp; xëmëkyëjxm nëjkx yaj'ixtë mëtsa'ajën.