Eclesiastés 12:13 - Biblia Dc en Mixe de Quetzaltepec

¹³ Jëtu'un jyëjpkëxy ja kë'ë ëma'ayën. Yë Dios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Biblia Mixe de Quetzaltepec

¹³ Jëtu'un jyëjpkëxy ja kë'ë ëma'ayën. Yë Tios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Eclesiastés 12:13 ပူးပေါင်းရင်းမြစ်များ

Génesis 22:12

Y'ënäny ja Dios kyukajpxpë: Këtii m'u'unk jëtu'un xytyuny, tëëjës nnijawë ko mijts mtsë'këpë Dios ets ka'apës mijts të xywyin'ëënyës, koos yë m'u'unk xymyo'oja'any xytyukwintsë'ëkëja'any.

1 Reyes 2:3

Patun mëti'ipë yë mWintsën nyi'ënä'ämëpën, aak'oy winë xytyunëty ets mpatunëp ja y'ënä'ämën kyutujkën, tyiyajtën ets ja y'aaw y'ayuk, jëtu'un ijxtëm myinyën ma ja Moisés ja y'ënä'ämënën, jëtu'un oy winë mwinpëtsë'ëm mjëjpëtsë'ëmxëtëty oy tii xytyunëty ets oy maa mtimnyëjkxëty.

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

Salmos 111:10

Yë wijyajtën ets nija'awën, jam yaj'ixy ma ënety yë Wintsën yajwinkutsë'ëkën. Pën yë Dios wyinkutsë'këpën myëët'ajtyp yë wijyajtën. Dios mëj'äämpy y'ita'any.

Salmos 145:19

Yë'ë kyuuytyuunpy ets yaj'atëëpy yë tsyojkën ma ja'ayën mëti'ipë mëjja'aw jaanty ja'awëyëpën. Ko y'amëtoyë yë putëjk pupäjtën, yë'ë ënätyë tmëtoy ets tyajtso'oky.

Salmos 147:11

mëti'ipë tyukjotkëtäkpyën yë'ë ko pën wyintsë'ëkëty ets myëmëtoyë, ets mëti'ipë tyuk'ijxpäjtëpën ja tsyojkën jya'awën.

Proverbios 1:7

Yë wijyajtën yë'ë mëët tsyo'ontä'äky ko nwinkutsë'këmëty yë Dios. Yë tsuuja'aytyëjk ka'ap tuntë këwentë yë wijyajtën ets nätyu'uwinwow nätyu'uwinwitsë.

Proverbios 19:23

Ko yajwinkutsë'ëkë yë Dios yajpatp yë juukyajtën; jotkujk ja'ay jyuuky'äty ets ka'ap tii ëxëëkpë pyäätyë.

Proverbios 23:17

Këtii xy'ëxëëk ixëty yë pokyjyä'äytyëjk; nikë yë'ë xëmë Dios yajmëjnax;

Eclesiastés 2:3

Etsës të nmay të ntajy ets wijyajtën yë'ëjës mëët nätyukmajts'ityë, tëë n'uukyës yë tsatym nyëë mëti'ipë tëë nyimaanaxyën, etsës të n'uuky të një'kxy ijxtëm tu'uk yë naaxwiinyëtë ja'ay kyu'uxyën mëët yë nëë etsës n'ijxmatsa'any pën yë'ë mëpaat yë naaxwiinyëtë ja'ay tuny ma naaxwiiny naaxkëjxy wäänë jyuuky'ajtkojyën.

Eclesiastés 3:14

Ets nän nija'apës ko tëkokyë mëti'ipë yë Dios të tyajkojyën kë'ëyxyëëw kë'ëyjyëmëjt yë y'ita'any. Mëti'ipë të tyajkojyën ka'ap tjëkyepy ni'ikyë nyaj'o'oyëmëty ëkë ni'ikyë nyajma'tmëty; tëë winë tyajkojy ijxtëm mëpaat yajtuk'oy'ätyën ets yë'ë yajmo'ojëty tu'uk ja.

Eclesiastés 5:7

Mijts myajkëxë'ëkëp yë näwyinkutsë'ëkë ma Tiosën, oy pën tëkatsy tyajtu'uye'eyëty yë jyuukyajtën ets oy pën je'eyë tii ëxëëk tnikäjpxy tnimëtya'akëty.

Eclesiastés 6:12

Ni pën tkanijawë, tii jëtää naaxwiinyëtë mëpaat yajxon tukxoontä'äky ma yaa wäänë jyuuky'ajtkojyën ets ma mëtyoy yë xyëëw jyëmëjt nyäxyën. Tä äpkën yë jyuukyajtën nyajxkojy, ¿ets pën ëktuk'ëwa'anxëtëp tii miimp wiinkoonp? ma ënety të y'o'knën.

Eclesiastés 7:18

Oy ko tii ta'tspëky nmajtsmëty ets ka'ap nmajtstutmëty. Mëti'ipë ja'ay jyä'ämyejtsypyën yë Dios aak'oy winë wyimpëtsë'ëmxëty.

Eclesiastés 8:12

Jëtu'un'äämpy ja ja'ay mëti'ipë tuuntëkoopy kajpxtëkoopyën jeky jëna'ajëty jyuuky'äty. Yi'iyës njaaknija'ap ko yë ja'ay mëti'ipë yë Dios y'ëwtajtypyën oy jyuuky'äty;

Eclesiastés 8:5

Mëti'ipë mëtoopën ets käjpxyjyä'äykyujkëpën ka'ap tii jyata'any kyëpäta'anyë, mëti'ipë ja'ay wijyën nyija'ap wi'ix tii oy tunëtyën ets jëna'a tii oy tunyën.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

Lucas 1:50

Xëmë tpa'ëyoy mëti'ipë wiinkutsë'këyëpën.

Deuteronomio 10:12

E tyam miitsëty Israel ja'ayëty. ¿Tii ja Dios m'amëtoowëtëp? Dios yi'iyë y'amëtoopy ets xymyëjjawëtëty ets xypyanëjkxëtëty yë nyë'ë tyu'u, ko xytsyoktëty xyjyawëtëty ets xy'ëwtatëty winë aaw winëjot.

Deuteronomio 10:20

Winkutsë'ëkëtë yë mWintsën ets ëwtatë yi'iyë tu'ukyë. Mëtuntë oy yajxon ets pën tii ayuk mnikäjpxantëp mëët yë kuttujkën, yë'ë xyëëw myajtuunëtëp.

Deuteronomio 4:10

Jä'ä xëëw ma ojts myajpaatën ma ja Wintsën mëti'ipë mTiosajtëpën, jam ma ja Horeb kopkën, tyaajës ojts yë Wintsën xy'ënëëmë: Yajtu'ukmuk yë naax kajpn ets tmëtoow'itëty yë n'aaw n'ayukës ets tjat tnijawëtëty wi'ix mëj xyjyëkyäptëtyës mapaat jyuuky'atën ets jëtu'un ja y'u'unk y'ëna'k tukni''ixëtëty.

Deuteronomio 4:2

Mëti'ipë yam ntuk'ënëëmëjantëpën, këtii kë'ëm xyajni'ikëtëty ëkë kë'ëm xyajwäänëtëty. Jëtu'un xypyatuntëty ya'atë Wintsën yë tyiyajtën tä yam ntuk'ëwaanëja'antën.

Deuteronomio 6:2

Jëtu'un'äämpy nëjkx ja mWintsënëty mëj'äämpy xypyëjkta'aktë. Ets xypyatuntëty ya'atë ënä'ämën tëyajtën mapaat mjuuky'atën yaa naaxwiiny naaxkëjxy, näjyëtu'un ja m'u'unk m'ëna'këty, m'u'unk m'okëty ets ja mjuukyajtën yontëty jyäktëty.

1 Pedro 2:17

Wintsë'ëkëtë ni'ëmukë mëjpë mutskpë, tsoktë ja mëku'ukëty, wintsë'ëkëtë ja Dios ets ja yajkutujkpë kopk.

Apocalipsis 19:5

Ënet yajmëtooy ja ayuk ma ja kutujktaknën: Miitsëty, mëti'ipë myëtuuntëpën ets wyintsë'këtëpën ja Dios, mëjpë mutskpë, mëjjaw jaantyjyawëtë yë nTios'ajtëmë.

1 Samuel 12:24

Yi'iyë tëy tsojkëp ets miitsëty xywyinkutsë'ëkëtëty yë Wintsën Tiosë ets xëmë yë'ë xy'ëwtatëty mëët yë tëyajtën ets winë aaw winëjot. Nijëna'a xykyaja'atyëkoytyëty mëti'ipë yë'ë oy winë tyuunpyën mëët miitskyëjxmëty ets xytyuk'oy'atëty.