Eclesiastés 11:8 - Biblia Dc en Mixe de Quetzaltepec

⁸ e oy jeky njajuuky'ajtmëty ets ntukxoontakmëty winë, yë'ë yaja'aymyätsaanp xëmë ko jäkaanp ni'ik ja kootsajtën ma o'kënë tëko'oyënën ets mëti'ipë miimp wiinkoonpën natëkë winma'any yë'ë.

Biblia Mixe de Quetzaltepec

⁸ e oy jeky njajuuky'ajtmëty ets ntukxoontakmëty winë, yë'ë yaja'aymyätsaanp xëmë ko jäkaanp ni'ik ja kootsajtën ma o'kënë tëko'oyënën ets mëti'ipë miimp wiinkoonpën natëkë winma'any yë'ë.

Eclesiastés 11:8 ပူးပေါင်းရင်းမြစ်များ

Job 10:21

ma ka'anëm ntsoonyëmës, maas ka'ap n'ëkwinpitanën, ma ja kajpn api'its akootspë yajpaatyën ets ma xëmë kyoots'ityën,

Job 10:22

ma xëmë nik yajpaatyën ets ka'ap jap tii yaj'ijxpaaty, ma të'kxën jajën jëtu'un yaj'ixyën tä kyootsëtyën.

Job 14:10

E yë naaxwiinyëtë ja'ay ko y'ooky, tii y'ëktsooy'atëp; ko y'ooky ¿maa nyijkxy?

Job 14:12

ma jyää'atynyëmën yë tsajp, yë o'kpë ka'ap tjëkyepy jap pyëtsëmëty jyutjoty ets ka'ap nijëna'a myä'äywyijëty.

Job 15:23

Ko ënety y'ooky yë'ë nëjkx tsyu'utsyë lut; yë'ë wa'ats tnijawë ko ëxëëk jyata'any kyëpäta'any.

Job 18:18

Jam nëjkx yajjëpijpëtsëmy ma xyiiny'ätyën ets nëjkx yajkujëpipë akootstuuy; nëjkxëp yaj'ëxwojpnë naaxwiiny naaxkëjxy.

Salmos 49:20

Yë naaxwiinyëtë ja'ay ka'ap xëmëkyëjxm jyuuky'äty oy jënu'un jyakumeenyëty; näjyëtu'un y'ooka'any tä jëyujkën.

Eclesiastés 11:2

Mo'ojëp yë mjëëky mëku'uk mëti'ipë mëët'ajtypyën mapaat mëtä'äkyën, jä'ä ko ka'ap yajnijawë tii ëyo'on miimp këtakp naaxjoty kajpnjoty.

Eclesiastés 2:15

Ënätës të näy'ënä'änyë kë'ëm: Ma tsuuja'ay kyëxa'anyën nän jamës ëjts nkëxa'any, paaty yë wijyajtën tiijës nyajwa'anëty. Tääpë nän natëkë winma'any yë'ë.

Eclesiastés 2:17

Ënätës të n'ëxëëk'ixy yë juukyajtën, jä'ä ko tu'kë'ëyë mëti'ipë tuunëpën jajtëpën aak ëjtsën nja'ap xytyukkëtakpety. Aak natëkë winma'any yë'ë ets nëkoopë je'eyë juukyajtën ntuk'ëyë'kmëty.

Eclesiastés 2:19

E ja ja'ay mëti'ipës ënety xykyutëjkëpën oy ja ënety wyijyëty ets oy ja ënety tsyuujëty, je'eyëm ja tjä'ä'ajta'aja'any mëti'ipës ënety të nyajnituunkën ets npaaty të n'ixyën mëëtës yë njot nmëjaaw ets wijyajtën kujk'ajtën naaxwiiny naaxkëjxy. Tääpë nän natëkë winma'any yë'ë.

Eclesiastés 2:26

Yë Dios, yë'ë yäjkpy yë wijyajtën, ijxpëky'ajtën ets xoontakën ets yë'ë myoopy mëti'ipë nyi''ijxkëtäkpyën; e mëti'ipë tuuntëkoopy kajpxtëkoopyën je'eyë yajxon tyajtuny ets tnipëjkpety yë wit meeny ets tuk'oy'atëty yë'ë mëti'ipë ënety nyi''ijxkëtäkpyën. Tääpë nän natëkë winma'any yë'ë ets nëkoopë juukyajtën ntuk'ëyë'kmëty.

Eclesiastés 4:16

E oy ënety jënu'un yë kajpn jyamëjjëty ma jëtu'unpë ja yajkutujkpë y'ëne'emyën, mëti'ipë ok minantëpën ënä'ämpë ka'ap t'oy'ixa'antë oy ënety oy të jyayajkutuky ja ja'ay. Ya'atë nän natëkë winma'any yë'ë, jëtu'un yë nyäxy tä juukyajtën nëkoo ntuk'ëyë'kmëtyën.

Eclesiastés 4:8

tu'u yë naaxwiinyëtë ja'ay nätyu'ukpë jyuuky'ätyën, ka'apë y'u'unk y'ëna'kën ets ka'apë myëkä'äxën, ka'apë pyo'kxyën nitu'knu'un ets yi'iyë myëmääpy myëtäjpy wyit myeeny ets nijëna'a kyanäyajtëyë: ¿tiijës ko nëkooyë ntimy tyäty nyäyajtunyë? ¿Pën n'amëtu'unëp? ¿Tiijës ko ka'ap näyyajpo'kxyë? Ya'atë nän natëkë winma'any yë'ë ets je'emty yë oy.

Eclesiastés 6:11

Tëyajtën yë'ë, ma aaw ayuk nëkooyë yonyën tsuu poj ja'ay jam nyämyëkäjpxyë; ets tii jam tyimpat tyim ijxtëp.

Eclesiastés 6:6

jä'ä ko oy jeexyë mäjtsk mil jëmëjt jyatim jyuuky'ajtpë ka'ap tukjuuky'äty ja mëti'ipë nyijëtu'un nyiye'eyëpën. Ko tpaaty ja xëëw jëmëjt jap nyëjkxta'atë ma o'kpë nyipetyën.

Eclesiastés 7:14

Ko myajpaatëty akujk jotkujk, mtukxoonta'akëp; e ko ka'ap oy mjotkujk'ajtën xypyaatëty mëmay mëtajëp ko aakyë'ë Dios yäjkpy ets naaxwiinyëtë ja'ay ka'ap tnijawë tii nimiin nikëtakëp.

Eclesiastés 8:12

Jëtu'un'äämpy ja ja'ay mëti'ipë tuuntëkoopy kajpxtëkoopyën jeky jëna'ajëty jyuuky'äty. Yi'iyës njaaknija'ap ko yë ja'ay mëti'ipë yë Dios y'ëwtajtypyën oy jyuuky'äty;

Eclesiastés 8:15

Paatyës ëjts yë'ëjës ni'ik nyajmëjnajxyp yë xoontakën. Yi'iyë jëtu'un mëpaat yë naaxwiinyëtë ja'ay tuny, kyäyëty y'uukëty, y'uukëty jyë'kxëty ets y'äts xyoonta'akëty, jä'ä ko yi'iyë jëtu'un jyaak jëkyejpy tunëty ma yaa yë Dios naaxwiinyëtë naaxkëjxy të pyëjktä'äkyën.

Eclesiastés 9:7

Paaty ni'ik oy, ko xytyukxoonta'akëty yë mkääky m'uuky mëti'ipë mpatyp m'ijxpyën; tukxoontä'äky yë tsatym nyëë mëti'ipë tëëpë nyimaanaxyën ko xy'uukëty, jä'ä ko yë Dios y'oy'ijxyp yë oypyë mtu'unën.

Jeremias 13:16

Yë'ë Wintsën mëjjaw kënu'kxyjyawë maanëm ka'ap tyajminyën ja kootsajtën ets ka'anëm mkunäpëtë akootstuuy jam kopkkëjxm; maanëm ka'ap kootspuknë tyaj'awinpityëm ets tu'ts kujenyën ja jajën të'kxën tyajjaty mëti'ipë miitsëty mjëjp'ijxtëpën.

Joel 2:2

jä'ä xëëw ma tsu'um ets koots y'ita'anyën, ma wintuky winjaam y'ita'anyën.

Mateo 22:13

Ënet ja yajkutujkpë t'ënëmaay ja tyuunpë: Kë'ëtsumtë tekytsymtë ets xypyëjkta'aktëty jap tëja'p akootstuuy, ma ja'ay jyë'ëtëty ya'axtëtyën ets nyätyëtskääpëtëtyën.

Juan 12:35

Ënet ja Jesús y'ënëmaayëtë: Jaakyajpaataanp jawäänë ja të'kxën jajën ma miitsëtyën. Naxtë tëkëtë jaaktäänëm ja të'kxën jajën xymyëët'atë ets këtiipë ajotkumonë mkukootsëtëty. Mëti'ipë tu'uye'epyën akootstum ka'ap nijawë maa nyijkx.

Deuteronomio 32:29

Kooxyëp jeexyë y'ëkwijy'atë ets oy winë tmëmay tmëtajtë; wyinja'awëtyëp jeexyë ma jya'ta'antën ma ka'ap oy jyuuky'atëtyën.

Judas 1:18

Ko y'ënantë: Ma ja xëëw ënety kyëxanën, tää'atantëp ja ja'ay mëti'ipë je'eyë ja Dios ja jyä'ä nyëxi'ikan tyukxi'ikantëpën, jëtu'un winë tuna'antë tä ja y'ëxëëk winma'anyëtyën, ijxtëm ënety kë'ëm timtsyoktën.