Eclesiastés 10:19 - Biblia Dc en Mixe de Quetzaltepec

¹⁹ Yë ka'ayën ukën paatykyëjxm yë'ë të yajtuknikojë ets yajtukxon yajtuk'itëty, yë tsatym nyëë yë'ë të yajtuknipëjktaakë ets yajtukxoonta'akëty; e yë meeny yë'ë të yajtuknipëjktaakë ets tääpë mäjtsk yajjuyëty.

Biblia Mixe de Quetzaltepec

¹⁹ Yë ka'ayën ukën paatykyëjxm yë'ë të yajtuknikojë ets yajtukxon yajtuk'itëty, yë tsatym nyëë yë'ë të yajtuknipëjktaakë ets yajtukxoonta'akëty; e yë meeny yë'ë të yajtuknipëjktaakë ets tääpë mäjtsk yajjuyëty.

Eclesiastés 10:19 ပူးပေါင်းရင်းမြစ်များ

Salmos 104:15

yë ka'ayën ukën mëti'ipë mëjaaw moopyën, ets tsatym nyëë mëti'ipë yajjotkujktakpën, ets wyiin jyëjp yaj'ixy tim o'oyëtyääpy yowë.

1 Pedro 4:3

Jeky ojts miitsëty jëtu'un winë xytyuntë xykyajpxtë ijxtëm ja ja'ayëtyën ka'ap ja Dios tnijawëtën, jä'ä ko jam ijty mjuuky'atë ma ja ëxëëkpën; ma yaj'atsokyën winë, ma tëkatsy ja winma'any jyä'tyën, ma ja'ay ja kyë'ëm winma'any tyajtuntën, ma ja'ay y'uuktë myu'ukëtën, kyäytyë y'uuktën ku'uxyë jotkëtä'äky, tyuuntëkoytyë kyajpxtëkoytyë, twintsë'ëkëtë ja tsaa ets kepy.

Lucas 12:19

Täätsës kë'ëm näy'ëna'anëtëty: Mëku'uk, tap pëjkë'ëk winë may xyaj'ity mëti'ipë myajtunëpën kanaak jëmëjt; po'kx, kay uuk ets tukxon je'eyë ja juukyajtën.

Isaías 24:11

Je'eyë ja'ay yaxnëtë jä'ä ko ka'ap maa uukynyë mëti'ipë mukpën; tëë ja äjtsën xoontakën pyi'tsta'ay; jëtu'un yaj'ijxnë wiink it wiink naaxwiinyëtë yowë ja'ay të nyëjkxtaaynyëtë tsumy matsy.

Salmos 112:9

Yajwä'kxyp ja wyit myeeny ma ja ëyoopëja'ayën, ja y'oyjyä'äyajtën xëmë tmëët'aty; mëët ja y'ijxë'ëky kyoowë'ëky.

Hechos 11:29

Ënet ja mëpëjkpëtëjk tkäjpxy'ajtë ko ja myëku'uktëjk tuknikäxa'antë ja putëjkën mëti'ipë tsënaaytyëpën jam Judea; jëtu'un tyajktë winë ijxtëm pën myëtä'äkyën.

Hechos 2:45

Ko ja nyaax kyam ijty tooktë, yajkwa'kxtëp ja nyimeeny ma ja ja'ayëtyën mëti'ipë yajmëyajtëpën.

Lucas 16:9

Jëtu'un miits nkajpxwijtë ko ja wit meeny mëti'ipë ka'ap myëtëyëtyën, jam xyajtuntëty ma ja ja'ayëtyën ets xypaatëty ja mëti'ipë m'oyjyawëtëpën; jä'ä ko ënety ja mwit mmeeny kyëxtë mmëët'atëp pën m'oyjyawëtëpën.

Lucas 8:3

näjyëtu'un ja Juana, Cuza tyo'oxytyëjk, mëti'ipë jam tuunpën ma ja Herodes y'ëne'emyën; ja Susana ets nimay ja to'oxytyëjkëty ijty pyutëkëtë.

Mateo 19:21

Ets ja Jesús y'ëtsooy: Pën oy mjuuky'ata'any ijxtëm yë Dios tsokyën, nëjkx to'kta'a tu'kë'ëyë tiijaty mmëët'ajtypyën ets xymyo'ojëty yë ëyoopëja'aytyëjk. Jëtu'un ja kuma'ayën xypyaatëty tsajpjotm. Tääts ënät mminëty, etsës xypyatsoonëty.

Mateo 17:27

Je'eyëp ko këtiipë pën tka'oyjyawëty, nëjkx mnëë jëyujk matsy jap nëë ëkë'p ets ja nëë jëyujk mëti'ipë ëka'any mxuupyën, jap y'aawjoty xypyaata'any yë meeny mëti'ipës nkëpäjtën'atëpën ets mijts yë mjä'ä, tääts nëjkx xykyujuy ja këpäjtën.

Isaías 23:18

E ja wit meeny mëti'ipë ënety të tpaaty të t'ixyën, jä'ä nëjkx ja Wintsën yajtukmëyoxy, ka'ap nëjkx yajpëjkë'ëk; yë'ë yajmo'ojantëp ja ja'ayëty mëti'ipë myëtuuntëpën ja Wintsën ets tukjuytyëty yë kyääky y'uukyëty ets wyit tyujkxyëty.

Nehemías 5:8

etsës n'ënëmaaytyë: Ëëtsëty oyës wi'ix të nmëwinjatë etsës të nyaj'ëwaatsë pëtsëmtë ja nmëku'uktëjkëtyës mëti'ipë ënety wiinkë'ëy wiink kajpn të yajmënëjkxnëtën tsumy matsy ets juy tooky; ¿e miitsëty tääts ënät ni'ikyë ja mjëëky mëku'uk xytyookan xyakanëtë ets ënät jatëkok ëëts nyaj'ëwaatsëpëtsëmtëtyësë? Amonyë ojts tyimwë'ëmta'atë ninu'un tkanijawëtë wi'ixëtën y'ëtsowtëty.

Esdras 1:6

Tëkokyë ja myëjëën myëtëjkëty ojts pyutëkëtë, tam mëti'ipë yajkën wit meeny, poop pujxn pu'ts pujxn ets tam mëti'ipë kë'ëmwinma'any yajkën ayak akonë.

1 Crónicas 21:24

E ja yajkutujkpë David tyaa y'ëtsooy: Nkukajpxëpës yam ko jëtu'un m'ëna'any, ëjts njuyäämpyës yam tä tsyoowpaatyën, jä'ä ko ka'ap njëkyepy tii npëjkëty etsës yë Wintsën nmo'ojëty ëkë ntukwintsë'ëkëtyës yë Wintsën mëti'ipës ka'ap xytsyoowpatën.

2 Samuel 13:28

tëë ënety t'ënëëmë ja tyuunpëtëjk: M'ixtëp yajxon, ko ja Amnón myukpëkëtëty, koos nikajpxëty ets xyaj'ooktëty, tääts ënätyë xyaj'ooktëty. Këtii mtsë'ëkëtëty, ëjts yam jëtu'un ni'ënä'ämëp. Amëk jotmëk myajpaatëty.

1 Samuel 25:36

Ko ja Abigail jyä'äjty ma tyëjkën, tä t'ijxy ko ja Nabal tyäty xyëëwtuump ënety jam, jëtu'un tä tu'uk yë yajkutujkpë xyëëwtunyën. Janty jotkujk nyäjyawëty ets yajxon myukënë. Paatykyëjxm ka'ap wi'ix t'ënëmaay koonëm ojts wyijy.

Jueces 9:13

E ja tsatsym'aats tyaa y'ëtsooy ko ka'ap; jä'ä ko pën kyupëjkpy ets yajkutujkpë'atëty ma ja aay kepyëtyën nëjkxëp ja t'ëxmatsy ets ja tsatsymtëëm tyakëty mëti'ipë uuky kyojpën ets ka'ap nëjkx t'ëkmëëtajnëtë ja'ayëty tii yajxoonta'akëtëpën ets tii yë Dios näjyëtu'un yajxonta'akëtëpën.

Génesis 43:34

Yë José ja myëku'uktëjk yë'ë tyukjë'kx mëti'ipë ënety näjyëtu'un jam jyi'kxypyën ets ja Benjamín jaakni'ik ojts winë tmo'oy këtiinëm jyëtu'unëty ja wiinkëtpyë; ojts kyääymyuk y'ukmuktë ets jotkujk nyäjya'awëtë.

Eclesiastés 9:7

Paaty ni'ik oy, ko xytyukxoonta'akëty yë mkääky m'uuky mëti'ipë mpatyp m'ijxpyën; tukxoontä'äky yë tsatym nyëë mëti'ipë tëëpë nyimaanaxyën ko xy'uukëty, jä'ä ko yë Dios y'oy'ijxyp yë oypyë mtu'unën.

Eclesiastés 2:3

Etsës të nmay të ntajy ets wijyajtën yë'ëjës mëët nätyukmajts'ityë, tëë n'uukyës yë tsatym nyëë mëti'ipë tëë nyimaanaxyën, etsës të n'uuky të një'kxy ijxtëm tu'uk yë naaxwiinyëtë ja'ay kyu'uxyën mëët yë nëë etsës n'ijxmatsa'any pën yë'ë mëpaat yë naaxwiinyëtë ja'ay tuny ma naaxwiiny naaxkëjxy wäänë jyuuky'ajtkojyën.

Jueces 14:10

Ja Sansón ja tyeety ojts jam nyijkxy ma ja kiixy ja tyeety tyaakën ets yaj'amëtooy ja kiixy ets pyëktëty. Ënet ja Sansón tu'uk ja xëëw tnipëjktakëy jä'ä ko jëtu'un ënety ja ëna'ktëjk jam tuunk'atë.

Ester 1:10

Ja yajkutujkpë Asuero janty'oy ets janty jotkujk nyäjya'awëyë ma wyëxtujkxëëwpejtyën ja xëëw, tëë ënety y'uuky. Ënet tkejxy ja Mehumán, Biztá, Harboná, Biktá, Abagtá, Zetar ets Carcás, niwëxtujk tkejxy aakyë'ë mëti'ipë tyukjotkujk'ajtypyën,