Eclesiastés 10:14 - Biblia Dc en Mixe de Quetzaltepec

¹⁴ Ja'ay mëti'ipë tsuujën je'eyë tyäty myëtyä'äky. ¿Pën y'ëknija'awëp tii tunan jatanëp? Ni pën tkanijawë mëti'ipë miimp wiinkoonpën.

Biblia Mixe de Quetzaltepec

¹⁴ Ja'ay mëti'ipë tsuujën je'eyë tyäty myëtyä'äky. ¿Pën y'ëknija'awëp tii tunan jatanëp? Ni pën tkanijawë mëti'ipë miimp wiinkoonpën.

Eclesiastés 10:14 ပူးပေါင်းရင်းမြစ်များ

Job 34:37

Job ka'ap je'eyë pyokyjyä'äyëty, käjpxy kumëtoownajxp näjyëtu'un; ëëts nwintuuy'ajtëmë yë Dios tnëxi'iky tukxi'iky ets je'eyë mëët nyäkyäjpxytsyiikyë.

Job 35:16

Mijts Job, aakjä'ä yowë mkajpxnëp ka'apë jyääntyëtyën, je'eyë nëkoo mtyäty kyajpxnë ets ka'ap myëëtëty yë wijyajtën.

Proverbios 10:19

Mëti'ipë ëxëëk y'amëtyä'äkyëtyën ka'ap tjawë jëna'a kyajpxtëkoy; wijyjyä'äy nyäxy mëti'ipë amonyë ijtpën.

Proverbios 15:2

Yë wijyjyä'äytyëjkëty yë'ë kyajpxtëp wijyajtën; e yë tsuuja'ayëty yë'ë kyajpxtëp tsuu'at.

Eclesiastés 10:15

Mëti'ipë ja'ay tsuujën je'eyë nëkooyë y'ëxëëk näyajtunyë, ni yë'ë tkanijawë mëti'ipë tu'u jam jajtp kajpnjotm.

Eclesiastés 3:22

Tëës nijawë ko ka'ap maa wiinkpë tii jaak'oypyë mëti'ipë yë naaxwiinyëtë ja'ay mëpaat tukxoontä'äkyën, yi'iyë patëp tukxoonta'akëty ko tyunëty ye'eyëty, jä'ä ko yi'iyë jëtu'un pät nitëjkëyëp, jä'ä ko ka'ap tjëkyepy pën tyuk'ëwa'anxëtëty tii tunan jatanëp ko ënety të y'o'knë.

Eclesiastés 5:3

jä'ä ko nëkooyë ja'ay je'eyë tyäty myäy tyäty tsyäjy amëkëp ko myä'äy ets ko nëkooyë myëtyä'äky tsuu poj jyaak mëtyakta'ay.

Eclesiastés 6:12

Ni pën tkanijawë, tii jëtää naaxwiinyëtë mëpaat yajxon tukxoontä'äky ma yaa wäänë jyuuky'ajtkojyën ets ma mëtyoy yë xyëëw jyëmëjt nyäxyën. Tä äpkën yë jyuukyajtën nyajxkojy, ¿ets pën ëktuk'ëwa'anxëtëp tii miimp wiinkoonp? ma ënety të y'o'knën.

Eclesiastés 7:14

Ko myajpaatëty akujk jotkujk, mtukxoonta'akëp; e ko ka'ap oy mjotkujk'ajtën xypyaatëty mëmay mëtajëp ko aakyë'ë Dios yäjkpy ets naaxwiinyëtë ja'ay ka'ap tnijawë tii nimiin nikëtakëp.

Eclesiastés 8:7

yë'ë mëti'ipë tunan jatanëpën, ka'ap maa pën mëti'ipë jeexyë winë nyikäjpxypën.

Eclesiastés 9:1

Tëyajtën yë'ë koos tëëjës nijawë, ko yë oyjyä'äytyëjkëty ets wijjyä'äytyëjk yë tyu'unënëty kyajpxënëty jam yë yajpaaty ma Tiosën. Yë naaxwiinyëtë ja'ay ka'ap ninu'un tnijawë yë tsojkën ja'awën ets näy'ëxëëk'ixë näkya'oy'ixë, oy janty jëtu'un wintuuy tjamëëtëty.

Ezequiel 35:13

Mijts nëkooyë ojts m'aaw xyajwä'kxy koos ojts xytsyipwinkajpxë ets wi'ix kawi'ixëty ojts xynyikäjpxy xynyimëtyä'äkyës. Ojtsës nmëtoowta'ay.