Eclesiastés 10:13 - Biblia Dc en Mixe de Quetzaltepec

¹³ aakyë'ë nyikäjpxy ka'apë myëtëyëtyën ets ko kyajpxta'ay aak je'eyë të tjo'pta'ay ja winma'any mëti'ipë ënety të jyayajnimëtyä'äkyën.

Biblia Mixe de Quetzaltepec

¹³ aakyë'ë nyikäjpxy ka'apë myëtëyëtyën ets ko kyajpxta'ay aak je'eyë të tjo'pta'ay ja winma'any mëti'ipë ënäty të jyayajnimëtyä'äkyën.

Eclesiastés 10:13 ပူးပေါင်းရင်းမြစ်များ

2 Samuel 19:41

Ënet ni'ëmukë ojts tninëjkxtë ja yajkutujkpë ets t'ënëmaaytyë: ¿Tii ko yë Judá jyä'äy, mëti'ipë ëëts nmëku'uk'ajtëpën yë'ë tyimjä'ä'atantëp ja yajkujkpë ets yë'ë timtyu'uwinwowa'antë ets tyajnëënaxa'antë ja yajkutujkpë mëët ja y'u'unk y'ëna'k ma ja Jordán nëëjën?

2 Reyes 6:27

Tä ja yajkutujkpë y'ëtsooy: ¿Pën yë Wintsën ka'ap mputëkëty, wi'ixën xytsyoky ëjts mijts mputëkëty? ¿Jä'ämë yam mijts ni'ik nmo'ojëty yë tsajpmokë, ëkë kääky uukyë?

2 Reyes 6:31

Ënet ja yajkutujkpë mëk yujk'ënany: Yë Wintsën yë'ëjës mëk xytyiytyunëp pën ëjts ka'apës tyam yë Elisejë yë kyëpajk nyajjënajkë, yë myaank yë Safat.

Proverbios 13:16

Ja'ay mëti'ipë wijyën aak winma'anymyëët winë tuny, e ja'ay mëti'ipë tsuujën, tyimyajnikëxë'kojpy ënätyë ko tsyuujëty.

Proverbios 29:9

Ko tu'uk yë wijyjyä'äy nyäy'ojyë mëët yë tsuuja'ay, nëkoo je'eyë nyäyajjoot'anpëkyë ets je'eyë yajnëxi'ik yajtukxi'iky ets nitii tkayaj'oyë.

Eclesiastés 10:14

Ja'ay mëti'ipë tsuujën je'eyë tyäty myëtyä'äky. ¿Pën y'ëknija'awëp tii tunan jatanëp? Ni pën tkanijawë mëti'ipë miimp wiinkoonpën.

Eclesiastés 5:2

Këtii mjot'ëtë'ëtsëty ets ënätyë tii xywyaanta'aka'anëty ma Tiosën, jä'ä ko yë Dios tsajpjotm yë yajpaaty ets mijts naaxkëjxy. Paaty mijts wäänjaty mëtya'akëty,

Eclesiastés 7:25

Ënätës ntëjkëy määpyë tajpë etsës ntëjkëy ijxpëjkpë, mpaata'anyës ja jot winma'any mëti'ipë mëpaat y'oypyëtsimyën, etsës ojts may ja winma'any npaaty oyëtypë. Tëës nijawë ko ka'ap y'oyëty ko tsuu nëpap nyajpatmëty ets ko ka'ap ko tsuu poj nja'ay'ajtmëty.

Mateo 2:16

Ko ja Herodes tnija'awëy ko ja matsa'a ixtääpyë ënety tëë wyin'ëënyë, tääts ni'ik jyoot'anpëjky ets ojts tni'ënä'ämë ets ni'ëmukë y'ooktëty ja mëxu'unk ye'etyëjkpë jam Belén ets ma ja naax kajpnën wiinkonpë yajpaatën, tëë ënety tpamay ja xëëw po'o jëna'a ja matsa'a ixtääpyë të tnikajpxtën.

Lucas 11:38

Ja fariseë ja'ay wiink ojts t'ixy ko ka'ap ja Jesús kyë'ëpujy ijxtëm ja ja'ay tuunk'atën ko kyäya'antë.

Lucas 6:11

E ja wiink ja'ayëty ojts jyoot'anpëktë ets xim yam nyäyajtëëwëtë wi'ix ja Jesús t'ëktuntëty.

Lucas 6:2

Tam ja fariseë ja'ayëty mëti'ipë ënantëpën: ¿Tii ko jëtu'un m'ëtë'ëtstë, yë'ë mtuuntëp mëti'ipë po'kxënxëëwjoty ka'ap mëpaat yajtunyën?

Juan 12:10

Ënet ja teety wintsëntëjk tkäjpxy'ajtë ets ja Lázaro näjyëtu'un tyaj'ooka'antë,

Jueces 14:15

Paaty ojts tninëjkxtë ja Sansón ja tyo'oxytyëjk ma tyaxkxëëpetyën ets t'ënëmaaytyë: Ënëëmë yë mniye'etyëjk ets tnikajpxëty tiitën jyatijäämpy. Jä'ä ko pën ka'ap tnikäjpxy mnitoyëp yam mijts ets näjyëtu'un yë mteety mtaak. Jëtu'un yajja'akyukë ko je'eyë yowë yajxon të xynyimay të xynyitajëtë ko yaa xywyowa'antës ets xypyëjkëja'antës mëti'ipës njä'ä'ajtëpën.