Eclesiastés 1:13 - Biblia Dc en Mixe de Quetzaltepec

¹³ Etsës ojts ni''ijxpëjkëtyä'äy winë, n'ijxtaay ntuuntaayës ets nmëmaay nmëtajyës tëkokyë mëti'ipë yaa naaxwiiny naaxkëjxy yajtuunp yajkajpxpën. Mëktuunk ets je'emty tyimy yë Dios të xymyo'oyëmë ets yë'ë mëët xynyaxmëtijëmëty.

Biblia Mixe de Quetzaltepec

¹³ Etsës ojts ni''ijxpëjkëtyä'äy winë, n'ijxtaay ntuuntaayës ets nmëmaay nmëtajyës tëkokyë mëti'ipë yaa naaxwiiny naaxkëjxy yajtuunp yajkajpxpën. Mëktuunk ets je'emty tyimy yë Tios të xymyo'oyëmë ets yë'ë mëët xynyaxmëtijëmëty.

Eclesiastés 1:13 ပူးပေါင်းရင်းမြစ်များ

Génesis 3:19

Mëk mtunëty ets mpëxyikëtëty, täänëm ja mka'ayën m'ukën xypyaatëty, jëtu'un mjuuky'atëty koonëm m'awinpitëty jatëkok naax, ma ojts mtsoonyën. Jä'ä ko mijts naax mëët m'oytyunyëty ets naax jatëkok mkawinpita'any.

Job 28:3

Tëë yë naaxwiinyëtë ja'ay tpaaty yë winma'any wi'ix yë kootsajtën tmëmëta'akëty, tëjkëp jap naaxpa'tkë'p ets ma y'api'its y'akootsëtyën jap t'ixta'ay yë tsaa.

Salmos 111:2

Mëti'ipë yë Dios të tyajkojy të tpëjktä'äkyën janty mëj janty këjää yë oy; ets pën yë jëtu'unpë tsyojkpy jya'apën, yajxon t'ijxpëky ets t'ixy tuny.

Proverbios 18:1

Ja'ay mëti'ipë atsojkpën, yi'iyë y'ixtääpy mëti'ipë tyuk'oy'atëpën, ka'ap jyä'äkyukë ko pën y'ëëwtë'ëy kyajpxtë'ëyë.

Proverbios 18:15

Yë ixpëkyjyä'äytyëjk ets wijyjyä'äytyëjk pyatëp yë nija'awën mëti'ipë y'ijxtaaytyëpën.

Proverbios 23:26

U'unk maay, pëjkta'ak yë mjot mwinma'any ma ëjtsën, ets m'oy'ixëp mëti'ipës ntuuntäkpy nkajpxtäkpyën.

Proverbios 25:2

Dios mëj'äämpy najxp, ko ja'ay tukjaty wi'ix tii yu'utsy tmëët'atëtyën, mëj'äämpy yë yajkutujkpë nyäxy ko twinjawë.

Proverbios 4:7

Tim mëjëyëjp yë'ë mmëjpëjkta'akëp yë wijyajtën kujk'ajtën.

Eclesiastés 11:5

Jëtu'un ijxtëm ka'ap xynyijawën maatsow yë poj nyijkxyën ets wi'ix yë pi'k ëna'k jap kyojyën tyaakjootjoty, nän ka'ap xynyijawë wi'ix yë Wintsën tiijaty tuny, mëti'ipë ojts winë tyajkojta'ayën.

Eclesiastés 12:12

Mëj këjää ja kajpxwijën yajpaaty ma yë'ëjëtyën. Yë nokjyääyk ka'ap jyëjpkëxy ets oy jënu'un mëj këjää n'ijxpëjkmëty kë'ëm näyaj'ënu'kxëmëty.

Eclesiastés 2:23

Je'eyë të y'ëyoy ko të jyuuky'äty, jëtu'un tä jeexyë tsëmy kë'ëy tyajye'eyën; tsu'um koots ka'ap yë wyinma'any tyajpo'kxy. Tääpë nän natëkë winma'any yë'ë.

Eclesiastés 2:26

Yë Dios, yë'ë yäjkpy yë wijyajtën, ijxpëky'ajtën ets xoontakën ets yë'ë myoopy mëti'ipë nyi''ijxkëtäkpyën; e mëti'ipë tuuntëkoopy kajpxtëkoopyën je'eyë yajxon tyajtuny ets tnipëjkpety yë wit meeny ets tuk'oy'atëty yë'ë mëti'ipë ënety nyi''ijxkëtäkpyën. Tääpë nän natëkë winma'any yë'ë ets nëkoopë juukyajtën ntuk'ëyë'kmëty.

Eclesiastés 3:10

Tëës n'ixy ko yë Dios yë'ë ja'ay të tuunkmo'oy ets tmëët'atëty tii tyunëpën.

Eclesiastés 3:11

Yë Wintsën aak nyixëëw nyijëmëjt ojts tukpata'ay ets oy winë kyëxë'ëkëty ets aak oyëty t'oytyuuny; ojts näjyëtu'un yë naaxwiinyëtë ja'ay tyajkojy mëët yë jyot wyinma'any ka'apë kyixy tyukyën, oy yë naaxwiinyëtë ja'ay tkaja'aykyujkëtyä'äy wi'ix'äämpy myëjwiin kyëjääjëtyën mëti'ipë Dios të tuny të tkäjpxyën ets mëti'ipënëm tyunäämpy kyajpxäämpyën.

Eclesiastés 4:4

Tëës näjyëtu'un n'ixy ko ja'ay mëk nyäyajtunyë ets wyimpety ja wyit myeeny, yi'iyë näy'ëxëëk'ixë näkya'oy'ixë y'ixkujkëp, tääpë nän natëkë winma'any yë'ë, jëtu'un tä jeexyë nëkoo jyuukyajtën tuk'ëyi'ikyën.

Eclesiastés 4:8

tu'u yë naaxwiinyëtë ja'ay nätyu'ukpë jyuuky'ätyën, ka'apë y'u'unk y'ëna'kën ets ka'apë myëkä'äxën, ka'apë pyo'kxyën nitu'knu'un ets yi'iyë myëmääpy myëtäjpy wyit myeeny ets nijëna'a kyanäyajtëyë: ¿tiijës ko nëkooyë ntimy tyäty nyäyajtunyë? ¿Pën n'amëtu'unëp? ¿Tiijës ko ka'ap näyyajpo'kxyë? Ya'atë nän natëkë winma'any yë'ë ets je'emty yë oy.

Eclesiastés 7:25

Ënätës ntëjkëy määpyë tajpë etsës ntëjkëy ijxpëjkpë, mpaata'anyës ja jot winma'any mëti'ipë mëpaat y'oypyëtsimyën, etsës ojts may ja winma'any npaaty oyëtypë. Tëës nijawë ko ka'ap y'oyëty ko tsuu nëpap nyajpatmëty ets ko ka'ap ko tsuu poj nja'ay'ajtmëty.

Eclesiastés 8:9

Tëkokyë ya'atë wi'inma'any aak ënätës të mpata'ay koos të ntuknipëjktaakë ets n'ixa'any ntuna'anyës wi'ix yaa naaxwiiny naaxkëjxy ja'ay myëku'uk t'ëxëëktuny.

1 Timoteo 4:15

Mëtoow'it ya'atë yajxon ets ja ja'ay t'ixtëty wi'ix ja mmëpëjkën yeeky pyetyën.