Deuteronomio 9:26 - Biblia Dc en Mixe de Quetzaltepec

²⁶ Etsës nmënu'kxtäky, n'ënëmaayës: Wintsën tun yë mëyajtën, këtii ya'atë naax kajpn xyajkutëkoy, mëti'ipë mijts mkajpn'ajtypyën, mëti'ipë të xyjyuutyën jap Egiptë mëët yë mmëjajtën mkutujkën.

Biblia Mixe de Quetzaltepec

²⁶ Etsës nmënu'kxtäky, n'ënëmaayës: Wintsën tun yë mëyajtën, këtii ya'atë naax kajpn xyajkutëkoy, mëti'ipë mijts mkajpn'ajtypyën, mëti'ipë të xyjyuutyën jap Egiptë mëët yë mmëjajtën mkutujkën.

Deuteronomio 9:26 ပူးပေါင်းရင်းမြစ်များ

Apocalipsis 5:9

Ets ja jempyë ëy t'ëwtë: Mijts mpaat'ajtëp ets xy'ëxajëty yë noky apëtity mëti'ipë wëxtujkpëky nitsaaypyetyën, ets xyaj'ëwa'atsëty, jä'ä ko mijts të mwintsë'kën'aty, të xykyupety ja ja'ay ja pyoky ets ja Dios jyä'äy'atëtëty, ja ja'ay mëti'ipë tso'ontëpën ma ja it naaxwiinyëtën ets mëti'ipë kyajpxtëpën kanaakpëky ja aaw ayuk.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Jeremias 14:21

Yajmëjnax mxëëw, këtiis xy'ixtijtë; këtii xy'ëxëëktijy yë mnaax mkajpn ma y'ityën oypyë tsujpë ja m'ënyääytyakn ma myajkutukyën. Ja'amyäts ja käjpxytyu'unën mëti'ipë mtuunën mëët ëëtsëty, këtii xyjyä'äytyëkoyëty.

Salmos 107:2

Ënëëmëtë jënu'un të yajtso'okëtën yë Wintsën, mëti'ipë ojts tyajtso'okyën ma ja myëtsiptëjkën,

Éxodo 15:13

Yë'ë mëët yë mtsojkën mja'awën ya'atë naax kajpn xytyu'uwinwoy mëti'ipë të xyajtso'okyën. Yë'ë mëët yë mëk'ajtën jam xyajnëjkxy jam ma mtsajptëjkën.

Hebreos 9:12

ka'ap yë'ëjëty tsajppax ne'pyny ets tsajpkaa ne'pyny të tmëtëkë ma ja itën wäänë wa'atspën, kyë'ëm ne'pyny tu'ktëkokyë je'eyë të tmëtëkë ets të xyajnitsokëm xëmëkyëjxm.

Miqueas 6:4

Ëjts mijts nju't jap Egiptë ets ojts nyaj'ëwaatsëpëtsëmy ma ënety mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Isaías 63:19

Ëëtsëty jëtu'unës tyam nyajpaatë tä jeexyë mijts ka'ap nijëna'a myajkutukyën ma ëëtsëtyën, jëtu'un tä jeexyë ka'ap nijëna'a mxëëw të yajja'amyetsyën.

Isaías 44:23

Tsajp, akujk jotkujk yajpaat jä'ä ko tëë nkënu'kxy. Xi'iktë xontë miitsëty naaxwiinypë myajpaatën. Tun kopk, aay kepy jotkujk yajpaatë, jä'ä ko yë Wintsën tëë tyaj'ixyë myëj'ajt y'oyajtën, tëë ja Israel kajpn tyajtso'oky, mëti'ipë ja Jacob kyajpn'ajtypyën.

Salmos 106:23

Ojts yë Dios tjanikäjpxy ko ënety yajkutëkoya'anëtë, e yë Moisés mëti'ipë wyin'ijxën, yë'ë ojts tuktëkë ets ja Dios ja jyoot'an xye'emy, jëtu'un ojts ka'ap kyutëkooynyëtëpë.

Salmos 99:6

Yë Moisés ets Aarón jam yajpaatë ma y'itën yë Dios mëtuunpëtëjk; e yë Samuel jam yajpaaty ma ja'ayëtyën mëti'ipë ojts myëjpëjktakxëtyën ja xyëëw. Yë Wintsën ojts ënätyë y'ëtsowëtë ko ja putëjkën t'amëtoowtë.

Salmos 77:15

Mëët yë mmëkajtën ojts xyjyuuty yë mnaax mkajpn jam o'kënjëjp'am, yë y'u'unk y'ëna'k yë Jacob ets José.

Nehemías 1:10

Ëëtsëty, ëëts mijts xytyuunpë'ajtëpës ets näjyëtu'un ja mnaax mkajpn mëti'ipë ojts xyaj'ëwaatsëpëtsëmyën mëët ja mmëkajtën ets mkutujkën.

1 Reyes 8:51

Jä'ä ko mkajpnën yë'ë, mëti'ipë ojts xyajpëtsëmyën jap Egiptë, ma ënety yajpaatën jëënjoty yowë nyitoytyë.

2 Samuel 7:23

E yë'ë ënät ja Israel kajpn, mëti'ipë mijts mkajpn'ajtypyën, ni pën kyamëpaatëtëty tä yë'ëjën. Tä yë'ëjën, tu'ukyë jëtu'unpë yajpaaty yaa naaxwiiny naaxkëjxy. Mijts Wintsën, mijts ojts xyaj'ëwaatsëpëtsëmy ets mijts xyjyä'ä'atëty; tëë mëj'äämpy xyajnaxy mëët ko winë të xytyuny ma yë'ëjën mëjwiin këjää, jä'ä ko mijts ojts xyajkutëkooytyä'äy ja naax kajpn mëti'ipë ënety atsijpëpën ko tsyo'ony jap Egiptë mëët tukë'ëyë ja tiosëty mëti'ipë y'ëwtajtëpën,

Deuteronomio 32:9

Jä'ä ko mëti'ipë yë Wintsën kyuma'ayën'ajtypyën yë'ë yë Jacob yë y'u'unk y'ëna'k ets yë'ë jyä'ä'ajtyp.

Deuteronomio 21:8

E paaty yam myajpëjktsoy Wintsën, pokymyä'kx yë naax kajpn, yë Israel kajpn, mëti'ipë të xyjyuutyën jam ëyo'ontum. Ets këtii yë'ë xypyoky'ixëty mëët ko ya'atë ja'ay të y'ooky, mëti'ipë ka'ap tii poky të tunyën. Jëtu'un'äämpy nëjkx ja Wintsën ja nëë poky tme'kxy mëët ma ya'atë ja'ay të y'ookyën.

Deuteronomio 15:15

Këtii xyjyä'äytyëkoyëty ko mijts ojts jap Egiptë mmëtuny m'ëyoy ets mWintsën yë'ë ojts jap mjuutyë. E paatykyëjxm tyam mijts ya'atë ënä'ämën nmo'oy.

Deuteronomio 13:5

Tääpë käjpxynyajxpë, ëkë mëti'ipë yajniwijpyën yë kuma'ay, nëjkxëp yë y'ooky, mëëtkyëjxm ko ënety tëë mnajts'ëw mnaskajpxëtë ets xykyäjpxy kumëtoownaxtëty ja Wintsën mëti'ipë mTyios'ajtëpën, mëti'ipë myaj'ëwaatsëpëtsëëmëtën jap Egiptë ma ënety mëtun m'ëyowtën ets ka'ap myajmëjuytyë. Jëtu'un ënety ka'ap xy'ijxta'aktë ja ëxëëkajtën ma miitsëtyën.

Deuteronomio 9:29

E mijts Wintsën wa'ats xynyijawë, ko ya'atë naax kajpn, mijts mkajpn'ajtyp, mijts kë'ëm të xyjyuuty jap Egiptë mëët yë mmëjajtën ets mkutujkën.

Deuteronomio 7:8

E yë Wintsën tëë jap myajpëtsëmëtë Egiptë ma ënety mëtun m'ëyowtën, ko jap myajpëtsëëmëtë mëj këjää yë myëj'ajtën tyaj'ijxë ma yajkutujkpën, jä'ä ko mëk ënety mtsokëtë mjawëtë ets niwa'aka'any ja y'ayuk mëti'ipë tyukwinwa'anëyën ja m'ap m'okëty.

Éxodo 34:9

ets y'ënäny: Wintsën. Wintsën. Pën janty tëy koos xy'oyjyawë, mijts xëmë xyjyämyëët'atëpës, janty tëy jëtu'un ja ijty ko ya'atë ja'ayëty ka'ap kyäjpxyjyä'äkyukëtë, e tyam n'ënëëmë mä'kxtëkës ëëts yë ntuuntëko'oy nkajpxtëko'oyënëty ets ëxajëtëkës jëtu'un tä yë mnaax mkajpnën.

Éxodo 33:13

E pën janty tëy m'ëna'any, tuknija'awëkës tii mtuknipëjktakëp etsës akujk jotkujk nwë'ëmëty, jëtu'un mijts xëmë ntuk'ijxpätëty, yë'ë ëkmëmay ëkmëtaj, ko ya'atë naax kajpn mijts yë mjä'ä.

Deuteronomio 9:27

Ja'amyäts ja mtuunpëtëjk mëti'ipë oy mëtuunën, tä yë Abraham, Isaac ets Jacob. Tun yë mëyajtën këtii ya'atë naax kajpn yë kyujuun'ajtën xymyëjpëjktakë ets nyëë pyoky.

1 Samuel 7:9

Ënet yë Samuel ojts tu'uk tyaj'ooky yë kupixyny u'unk ets tukwinno'ky yë Dios, ets tkunu'kxtäky ja Israel ja'ayëty, e ja Wintsën ojts ja jyänty y'ëtsoyë.

1 Reyes 8:53

Jä'ä ko mijts ojts xywyin'ixy ets ëpëky xyajnajxy ma ja naax kajpnëtyën, mijts ojts xyjyä'äniwa'any, jëtu'un ijxtëm ojts m'ëna'anyën ma ja Moisés xytyukkajpxnajxyën ja m'aaw m'ayuk, mëti'ipë mëtuunën ko xyajpëtsëëmy ja n'aptëjkëtyës jap Egiptë.

Salmos 78:35

jäänëm ënät ja Dios Ni'ik Këjxmëpë tja'amyätstë ets kyuwa'anëtëty.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Lamentaciones 2:20

Ëk'ix Wintsën, mëmay mëtaj ko mijts ka'ap ni pën jëtu'un xytyunyëm ëxëëk. ¿Mëpaat jëtäätën tu'uk u'unktaak tsu'utsëty yë kyë'ëm u'unkë? ¿Mëpaat jëtäätën y'ooktë tyëkoytyë yë teetytyëjkëty ets käjpxynyajxpëtëjkëty jap ma tsajptëjkënë?

Deuteronomio 9:12

Ënätës xy'ënëmaay: Jënak poj'am jä'ä ko ja naax kajpn mëti'ipë të xyajpëtsëmyën jap Egiptë, tëë ja nyäyajtu'utëkoyëtë. Ka'ap ninu'un të jyeky ets të t'ëxmatstë, mëti'ipës të njatuk'ënä'ämtën tuntëty, tëë tu'uk tyajkojtë ja awinax, pujxn të tuk'oytyuntë.

Salmos 28:9

Wintsën yajtso'ok mnaax mkajpn; kënu'kxy mëti'ipë mjä'ä'ajtypyën. Kwent'at jëtu'un tä ja'ay yë kupixyny këwent'atyën. Jam xëmë xymyëët'atëty ma mkë'ëjotmën.

Salmos 57:1

Dios, mëti'ipës nTios'ajtypyën, mëët'at pa'ëyo'owën najts'ëyo'owën mëët ëjts, jam ma mijtsën jamës n'ixta'ay yë kuwa'anën. Jamës nnäyutsa'anyë ma mijts mkëwent'atyën koonëm ja ëyo'on jotmay nyaxëty.