Deuteronomio 9:2 - Biblia Dc en Mixe de Quetzaltepec

² Yë ja'ayëty jampë tsyëënëtën këjxmëty tyänëtë, jëtu'un tä ja ja'aypyajkyeny Anac ja y'u'unk y'okën. Miitsëty wa'ats xynyijawëtë ja ayuk mëti'ipë ënaanpën: ¿Pën y'ëkwinkuwa'akëp ja ja'aypyajkyeny Anac ja y'u'unk y'ok?

Biblia Mixe de Quetzaltepec

² Yë ja'ayëty jampë tsyëënëtën këjxmëty tyänëtë, jëtu'un tä ja ja'aypyajkyeny Anac ja y'u'unk y'okën. Miitsëty wa'ats xynyijawëtë ja ayuk mëti'ipë ënaanpën: ¿Pën y'ëkwinkuwa'akëp ja ja'aypyajkyeny Anac ja y'u'unk y'ok?

Deuteronomio 9:2 ပူးပေါင်းရင်းမြစ်များ

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Daniel 11:16

Ja mëtsip nëjkxëp winë tuntë ijxtëm ja tyimjot tyimwinma'anyëtyën, ni pën nëjkx kyamayë wyinkuwa'akëtëty, yë'ë nëjkx jam wyi'im ma ja naax kajpnën oypyë tsujpë ets wa'ats tyajkutëkooytya'aja'any winë ma ënety nyäxyën.

Daniel 8:4

Të n'ixyës ko ja kupixyny ayääkë jamtsow ja wyaj tnajtstijë maatsow yë xëëw pyëtsimyën, ënëkëjxytsyow ets ëpa'tkë'ëytsyow ets nitu'uk ja jëyujk kyawinkuwa'akëty ets nitu'uk kyanäy'a'ixëty mëët tsyiptunëty. Jëtu'un tä

Job 11:10

Pën miimp yë Dios ets tsumy tmatsy yë ja'ay ets tukumëtowa'any ja tyëko'oyën, ¿pën y'ëkjëjpkuwa'akëp?

Deuteronomio 7:24

Yë yajkutujkpëtëjk mëti'ipë ënety jam ënä'ämtëpën, miits mkë'ë'am nëjkx kya'atë, nëjkxëp xyaj'o'kta'atë ets nijëna'a kya'ëkyaja'amyäjtsnëtëty yaa naaxwiiny naaxkëjxy. Ko ënety miitsëty mtsiptuntë, ni pën nëjkx xykyayajmëta'aktë ets jëtu'un nëjkx niwinëty xyajkutëkooytya'atë.

Deuteronomio 2:21

Mëj kajpn ënety jam yajpatëp ets nimayjyä'äy jam tsënaaytyëp. Yë ja'ayëty jampë yajpaatën janty këjxmëty ijty tyänëtë ets mëkëty, jëtu'un tä yë ja'aypyajkyeny Anac yë y'u'unk y'okën, e yë Wintsën ojts tyajkutëkoy tääpë naax kajpn, ma ojts yë Amón ja'ayëty myëta'aktën ets jam tsyënaaytyaknpëjktë.

Éxodo 9:11

Ja xëëwmääpyëtëjkëty, ka'ap ojts y'ëkmaayënëtë tjëjpkuwa'akëtëty ja Moisés, jä'ä ko yë'ëjëty ojts ja pu'uts pa'am pyatënëtë.

Deuteronomio 1:28

E tyam, ¿maa ënät nëjkxmëty? Yë nmëkukajpn'ajtëmë jëtu'un y'ëna'antë, ko ma tääpë itjotmën tam yë ja'ayëty mëti'ipë mëkëtyën ets këjxmëty tyänëtë. Ets nyaax kyajpnëty ta'tspëky oy nyapotsy'atë ets näjyëtu'un nikajpxtë, ko tëë t'ixtë yë y'u'unk y'ok yë ja'aypyajkyeny Anac. Tääpë aaw ayuk jëtu'unyë të xy'ëtsë'këtyä'äyëmë.

Josue 11:21

Jä'ä xëëw ojts ja Josué tyajkutëkoy ja anaquitas ja'ayëty, jampë tsyëënëtën ma ja Hebrón y'itjotmën, ma ja kajpn Debir, Anab ets tëkokyë ja kopkjot jënu'un yë Judá ets Israel tnitänën.

Josue 11:22

Ka'ap ojts nitu'uk wyi'imy ja y'u'unk y'ok ja ja'aypyajkyeny Anac ma ja Israel ja naaxwiinyëtë ojts tniwä'äkyën. Ja ja'aypyajkyeny Anac ja y'u'unk y'ok jämyë ojts wyë'ëmtë ma ja Gaza, Gad ets Asdod kajpnën.

Josue 15:14

Caleb ojts jam t'ëxwojpta'ay nitëkëëk ja Anac pajkyeny yë y'u'unk y'ok mëti'ipë ënety mëj'äämpy ijtëpën ma tampë ja it naaxwiinyëtën, jä'ä txëëwatë: Sesai, Ahiman ets Talmai.

Amós 2:9

Ëjts, ojtsës yë Amor ja'ayëty nyajkutëkoy ets miits mnaxtëty; oy ënety jëtu'un jyakëjxm'atë tä yë ajë kepyën ets tä yë piitskepyën kepyën.