Deuteronomio 9:18 - Biblia Dc en Mixe de Quetzaltepec

¹⁸ Täätsës ntëjkëy nu'kxtakpë ma ja Wintsënën, mëk'äämpyës njantymyëkäjpxy jëtu'un tä ënety kanaak'ok të ntunyësën; wëxtyikxy xyëëw wëxtyikxy tsu'umës n'ijty ayuu. Nitii ojts nkajë'kxyës ets ni tu'ktsunyën ja nëë nka'ukyës, mëëtkyëjxm ja mpokyëty mëti'ipë ënety të xytyuuntëkoytyën, ko ja Wintsën xyajjoot'anpëjktë.

Biblia Mixe de Quetzaltepec

¹⁸ Täätsës ntëjkëy nu'kxtakpë ma ja Wintsënën, mëk'äämpyës njantymyëkäjpxy jëtu'un tä ënäty kanaak'ok të ntunyësën; wëxtyikxy xyëëw wëxtyikxy tsu'umës n'ijty ayuu. Nitii ojts nkajë'kxyës ets ni tu'ktsunyën ja nëë nka'ukyës, mëëtkyëjxm ja mpokyëty mëti'ipë ënäty të xytyuuntëkoytyën, ko ja Wintsën xyajjoot'anpëjktë.

Deuteronomio 9:18 ပူးပေါင်းရင်းမြစ်များ

2 Samuel 12:16

Ënet ja David mëktä'äky tyëjkëy nu'kxtakpë ets jeexyë ja Wintsën tyajtso'oky ja mëxu'unk, ojts ja David jya''ayuu'aty ets naaxkëjxy tyajnajxy ja tsuu.

1 Reyes 19:8

Tä ja Elías pyëti'ky ets kyääy y'uky. Tääpë ka'ayën ukën yë'ë ojts yajxon myëjaawmo'oyë ets tyu'uye'eyëty wëxtyikxy xyëëw wëxtyikxy tsyu'um koonëm jam jyä'äjty Horeb, ma ja Wintsën ja kyopkën.

Esdras 10:6

Tä ja Esdras jam tsyo'ony ma ja Wintsën ja tsyajptëjkën ets ojts nyijkxy ma ja Johanán jap y'ityën, yë myaank yë Eliasib; jap ja tsuu tyajnajxy, ka'ap kyääy y'uky mëët ja monyëtukyë. Jä'ä ko jä'ä pya'ëyoopy mëti'ipë ënety jatëkok të wyimpitën.

Salmos 106:23

Ojts yë Dios tjanikäjpxy ko ënety yajkutëkoya'anëtë, e yë Moisés mëti'ipë wyin'ijxën, yë'ë ojts tuktëkë ets ja Dios ja jyoot'an xye'emy, jëtu'un ojts ka'ap kyutëkooynyëtëpë.

Éxodo 34:28

Yë Moisés ojts jam pyo'oxy kopkkëjxm mëët yë Dios, jä'ä jam y'ijty wëxtyikxy xyëëw wëxtyikxy tsyu'um ets nitii ojts tka'uuky tkajë'kxy. Jam tkëxjaaytyääy ja aaw ayuk ma ja tsaatsetsyën mëti'ipë ënety të t'oytyunyën, tëkokyë mëti'ipë ja Dios ojts tnikäjpxyën, mëët ko ja käjpxytyu'unën tuny, ja majkpë ja ënä'ämën tëyajtën.

Éxodo 34:9

ets y'ënäny: Wintsën. Wintsën. Pën janty tëy koos xy'oyjyawë, mijts xëmë xyjyämyëët'atëpës, janty tëy jëtu'un ja ijty ko ya'atë ja'ayëty ka'ap kyäjpxyjyä'äkyukëtë, e tyam n'ënëëmë mä'kxtëkës ëëts yë ntuuntëko'oy nkajpxtëko'oyënëty ets ëxajëtëkës jëtu'un tä yë mnaax mkajpnën.

Deuteronomio 10:10

Jam kopkëjxm jä'äs ojts jam n'ity wëxtyikxy xyëëw wëxtyikxy tsyu'um, jëtu'un tääjës ojts jam n'ëk'ijtpën mëjëyëjp, koos yë Wintsën mëktä'äky nmëpëjktsooy, ojts tjanty'amëtoow'ity ja nu'kxtakënës. Paatykyëjxm ojts ka'ap myajkutëkoyëtë.

Deuteronomio 9:17

Ënet ojts mäjtskëty ja tsaatsetsy ntukpu'ujëtyä'äyës mëti'ipës ënety nmëët'ajtypyën, piw nuukës ntuuntaay mijts mwintuuyëty.

Deuteronomio 9:25

E yë Wintsën tëë ënety yajxon timnyikäjpxy, ko myajkutëkoya'anëtë, paatyës ojts yë Wintsën nwinkoxtänë ets jä'äs n'ijty ayuu axëëw wëxtyikxy xyëëw wëxtyikxy tsyu'um.

Deuteronomio 9:9

Ënätës jam npejty kopkkëjxm maas ojts n'ëxajën ja tsaatsetsy, ma ja Wintsën tkëxjaayën ja y'aaw y'ayuk, mëët ko ja käjpxytyu'unën tuuny mëët miitsëty. Jä'äjës jam njaak'ijty wëxtyikxy xyëëw wëxtyikxy tsyu'um.